Magkat-on—Labing Dugay nga Oras: 45 Minutos

Karon nga Diskusyon:

5 Ipadayon ang Paghatag ug Pagpanalangin sa Uban

Mapa alang sa Kalampusan sa Pagkatinugyanan sa Panalapi

1. Mopaambit sa mga Baruganan sa Self-Reliance ngadto sa Imong Pamilya ug mga Higala

Mopaambit sa mga Baruganan sa Espiritwal nga Self-Reliance

Basaha:Kon mahimo kitang self-reliant sa espiritwal nga paagi, katungdanan usab nato ang pagtabang sa uban nga mahimong self-reliant sa espiritwal nga paagi. Sa Doktrina ug mga Pakigsaad, atong mabasa, “Ug kon adunay tawo uban kaninyo nga lig-on diha sa Espiritu, himoa nga siya modala kaniya nga nagluya, nga siya unta mahatagan og kaayohan sa tanan nga kaaghup, aron siya mahimo nga malig-on usab” (D&P 84:106). Sa samang paagi, diha sa Bag-ong Tugon, misulat si Pedro, “Sumala sa hiyas nga nadawat sa matag-usa, gamita ninyo kini alang sa usag usa ingon nga mga maayong piniyalan sa nagkalainlaing grasya sa Dios” (1 Pedro 4:10).

Hisguti:Sa unsang paagi kini nga mga kasulatan magamit diha nimo? Sa unsang paagi ang mga baruganan sa pagka-self reliant diha sa My Foundation mipanalangin sa imong kinabuhi? Unsay buot ipasabut sa pagkahimong self-reliant sa espiritwal nga paagi?

Mopaambit sa mga Baruganan sa Temporal nga Self-Reliance

Basaha:Kon mahimo kitang self-reliant sa temporal nga paagi, katungdanan usab nato ang pagtabang sa uban nga mahimong self-reliant sa temporal nga paagi. Usa sa labing maayong mga paagi sa pagtudlo sa uban nga mahimong self-reliant mao ang pagserbisyo ug pagpanghatag sa uban. Mitudlo si Presidente Marion G. Romney: “Adunay pagsinaligay tali niadtong kinsa aduna ug niadtong kinsa wala. Ang proseso sa paghatag makapabayaw sa kabus ug makapaubos sa mga adunahan. Sa proseso, ang duha nabalaan. Ang kabus, nakagawas gikan sa pagkaulipon ug sa mga kakulangan sa pagkakabus, nakasarang isip gawasnong mga tawo aron mosaka ngadto sa ilang hingpit nga kahimoan, sa temporal ug sa espirituhanong paagi. [Kadtong dunay daghan], pinaagi sa pagpaambit sa ilang mga sobra, miapil sa mahangturong baruganan sa pagpanghatag. Kon ang usa ka tawo nahimong hingpit o na-self-reliant, motabang siya sa uban, ug ang liyok sa panahon magabalik-balik sa iyang kaugalingon” (“The Celestial Nature of Self-Reliance,” Ensign, Nob. 1982, 93).

Hisguti:Sa unsang paagi magamit nimo kini nga kinutlo? Kinsa ang mga kabus? Sa imong kinabuhi unsaon man nimo nga makatabang sa mga kabus o niadtong mga nanginahanglan?

Pamalandungi:Gahini og usa ka gutlo ang pagpamalandong sa mosunod nga pangutana: Kinsa man ang nahibaloan nakong nanginahanglan sa Personal Finances for Self-Reliance [Personal nga Panalapi alang sa Self-Reliance]? Unsaon man nako sa pagpaambit niini kanila? Isulat sa ubos ang mga ngalan ug mga plano sa pagpaambit.

2. Magpadayon uban sa Pagtuo

Basaha:Congratulations! Nakompleto na nimo ang mga group meeting sa Personal nga Panalapi sa Self-Reliance. Aron matimbang-timbang ang imong pag-uswag, isulat diha sa table sa ubos kon asa ka nang dapita ug kon giunsa nimo sa pagplano aron mapadayon ang pag-uswag.

Kalihokan (10 minutos)

Magtinagsa sa pagribyu sa Mapa alang sa Kalampusan sa Pagkatinugyanan sa Panalapi, ug pamalandungi ang pag-uswag nga imong nahimo sulod sa miaging 12 ka semana. Hunahunaa ang sunod nga mga lakang sa imong biyahe, ug sulati ang table sa ubos.

Tumong	Oo o Wala	Hangtud Karon nga Pag-uswag/Sunod nga mga Lakang
Gibati nakong nahiusa kauban sa akong kapikas ug sa Ginoo mahitungod sa akong panalapi.
Committed ko nga mahimong self-reliant.
Duna koy pagtuo ni Jesukristo.
Mobayad ko og full-tithe ug mohatag og mga halad sa puasa.
Wala na ko magsalig sa akong pamilya, sa simbahan, ug sa suporta sa gobyerno.
Akong giribyu ug gi-follow up ang akong budget sa regular nga paagi.
Duna koy usa ka bulan nga emergency fund.
Wala na koy utang o aktibo kong mibayad sa utang.
Duna koy tulo ngadto sa unom ka bulan nga emergency fund.
Duna koy igong insurance (sama sa health, life, auto, ug disability nga insurance).
Regular kong nagtigum ug nag-invest para sa umaabut.

Hisguti:Sa unsang paagi ka milambo sulod sa milabayng 12 ka semana aron mahimong maalamon ug matinud-anong tinugyanan sa imong panalapi?

Basaha:Daghan sa butang nga atong gihisgutan dili matuman sulod sa 12 ka semana. Apan, kinahanglan nga nakapalambo ka na og kinaiya nga gikanahanglan aron magpadayon ang imong pag-uswag padulong sa malampusong pagkatinugyanan sa panalapi. Ipadayon ang paghimo og regular nga mga family council. Ipadayon ang pagribyu sa mga chapter niini nga workbook. Ug ipadayon ang pagtrabaho padulong sa imong mga prayoridad sa panalapi. I-commit ang pagsunod sa “Sunod nga mga Lakang” nga imong gisulat diha sa katapusang kolum sa assessment sa nag-unang mga pahina.

Pamalandungi:Gahini og lima ka minutos ang paghunahuna mahitungod sa mosunod nga pangutana ug isulat ang imong mga hunahuna sa ubos: Unsa nga pinakamakahuluganong mga butang ang akong nakat-unan sulod sa 12 ka semana?

Kalihokan (20–30 minutos)

Isip usa ka grupo, iboluntaryo ang pagpaambit sa mga pagpamatuod, mga kasinatian, mga butang nga imong nakat-unan, ug mga paagi diin ang Ginoo mipanalangin kanimo sulod sa milabayang 12 ka semana.