My Foundation: Maghinulsol ug Magmasulundon—Labing Dugay nga Oras: 20 Minutos

Pamalandungi:Sa unsang paagi nga ang paghinulsol ug pagkamasulundon may kalabutan sa self-reliance?

Tan-awa:“Obedience Brings Blessings,” anaa sa srs.lds.org/videos. (Walay video? Basaha ang pahina 37

Ang Pagkamasulundon Makahatag og Panalangin

Kon dili mo makatan-aw sa video, basaha kini nga script.

Presidente Thomas S. Monson: Pagkanindot nga saad! “Siya nga maghupot sa mga sugo [sa Dios] makadawat og kamatuoran ug kahayag, hangtud siya pagahimayaon diha sa kamatuoran ug masayud sa tanan nga mga butang” [D&P 93:28]. …

Akong mga kaigsoonan, ang labing dako nga pagsulay niini nga kinabuhi mao ang pagkamasulundon. “Kita mosulay kanila dinhi,” miingon ang Ginoo, “aron pagsuta kon sila mobuhat ba sa tanang butang bisan unsa ang isugo sa Ginoo nga ilang Dios ngadto kanila” [Abraham 3:25].

Mipahayag ang Manluluwas, “Alang sa tanan kinsa may panalangin sa akong mga kamot kinahanglan nga motuman sa balaod nga gitudlo alang niana nga panalangin, ug sa mga kinahanglanon niini, ingon nga gitukod sa wala pa ang katukuran sa kalibutan” [D&P 132:5].

Walay laing labaw nga ehemplo sa pagkamasulundon ang anaa kay sa atong Manluluwas. Kaniya, si Pablo nakaobserbar:

“Ug bisan tuod siya Anak, siya nakakat-on sa pagkamasinugtanon pinaagi sa mga butang nga iyang giantus;

“Ug sa nahimo siyang hingpit, siya nahimong tuburan sa dayong kaluwasan alang sa tanang magasugot kaniya” [Mga Hebreohanon 5:8–9].

Ang Manluluwas mipakita sa tiunay nga gugma sa Dios pinaagi sa pagpuyo og hingpit nga kinabuhi, pinaagi sa pagtuman sa balaang misyon nga para Kaniya. Wala gayud Siya magmapahitas-on. Wala gayud Siya magpagarbo. Wala gayud Siya magmabudhion. Nagmapainubsanon gayud Siya kanunay. Sinsero gayud Siya kanunay. Masulundon gayud Siya kanunay. …

Sa dihang Siya nakasinati sa panghingutas sa Getsemani, diin Siya milahutay sa ingon ka sakit nga ang “iyang singot gihulagway nga mga nanibug-ok daw apol nga nagpangatagak sa yuta” [Lucas 22:44], Iyang gipakita ang pagkamasulundon nga Anak pinaagi sa pagsulti, “Amahan, kon buot ka, kuhaa kining kopa gikan kanako: hinoon, dili ang akong pagbuot maoy matuman, kondili ang imo” [Lucas 22:42].

Sama sa sugo sa Manluluwas sa Iyang unang mga Apostoles, kamo ug ako gisultihan usab Niya, “Sumunod ka lang kanako” [Juan 21:22]. Andam ba kita sa pagsunod?

Ang kahibalo nga atong gitinguha, ang mga tubag nga atong gihandom, ug ang kalig-on nga atong gitinguha karon sa pag-atubang sa mga hagit sa komplikado ug nagkausab nga kalibutan atong madawat kon kita andam nga mosunod sa mga sugo sa Ginoo. Kutloon nako pag-usab ang mga pulong sa Ginoo: “Siya nga maghupot sa mga sugo [sa Dios] makadawat og kamatuoran ug kahayag, hangtud siya pagahimayaon diha sa kamatuoran ug masayud sa tanan nga mga butang” [D&P 93:28].

Akong pag-ampo nga kita mapanalanginan sa daghang mga ganti nga gisaad ngadto sa masulundon. Sa pangalan ni Jesukristo, atong Ginoo ug Manluluwas, amen.

(“Ang Pagkamasulundon Makahatag og Panalangin,” Ensign o Liahona, Mayo 2013, 89, 92)

Balik sa pahina 36.

Hisguti:Unsa nga mga panalangin ang imong nadawat tungod sa pagsunod sa mga balaod sa Dios? Sa unsang paagi ang paghinulsol makatabang kanato sa pag-uswag?

Basaha:Doktrina ug mga Pakigsaad 130:20–21 ug ang kinutlo ni Propeta Joseph Smith (naa dapit sa tuo)

“Adunay usa ka balaod … nga diha ang tanan nga mga panalangin gipasikad—Ug kon kita makadawat og bisan unsa nga panalangin gikan sa Dios, kini tungod sa pagsunod niana nga balaod diin diha kini gipasikad.”

Doktrina ug mga Pakigsaad 130:20–21

“Ako kining gihimo nga lagda: Kon ang Ginoo mosugo, buhata kini”

Mga Pagtulun-an sa mga Presidente sa Simbahan: Joseph Smith (2007), 190

Kalihokan

Ang pagkamasulundon sa piho nga mga balaod makahatag og piho nga mga panalangin.

Step 1: Sa imong kaugalingon, isulat diha sa wala nga kolum ang pipila ka mga panalangin nga imong gitinguha.

Step 2: Ilha kon unsa nga mga balaod o mga baruganan ang kinahanglan nimong sundon aron madawat ang mga panalangin nga imong gitinguha.

Mga Panalangin nga Gusto Nakong Madawat		Mga Balaod o Mga Baruganan nga Sundon
Tulo ka bulan nga tinigum		Mga ikapulo ug mga halad (Malaquias 3:10–12) Magsunod sa budget

Hisguti:Basaha ang Josue 3:5 ug ang mga kinutlo ni Elder Jeffrey R. Holland ug ni Presidente Spencer W. Kimball (sa pahina 37). Nganong kinahanglan kitang maghinulsol, mobalaan sa atong kaugalingon, ug maningkamot sa paghimo og maayo samtang maningkamot kitang ma-self-reliant?

“Magputli kamo: “kay ugma si Jehova magbuhat ug mga katingalahan sa inyong taliwala.”

Josue 3:5

“Ang Ginoo mopanalangin niadtong kinsa gusto nga molambo, kinsa modawat sa panginahanglan sa mga sugo ug maningkamot sa pag-angkon niini. … Motabang Siya nga kamo maghinulsol, moayo, sa bisan unsang ayuhunon, ug sa pagpadayon. Sa dili madugay inyong maangkon ang kalampusan nga inyong gitinguha.”

Jeffrey R. Holland, “Ugma ang Ginoo Mobuhat og Katingalahan diha Kaninyo,” Ensign o Liahona, Mayo 2016, 126

“Kon ganahan kita og mga luho [luxury] o gani sa mga gikinahanglan labaw pa sa pagkamasulundon, mawala kanato ang mga panalangin nga gusto Niyang ihatag kanato.”

Spencer W. Kimball, sa The Teachings of Spencer W. Kimball, ed. Edward L. Kimball (1982), 212

I-commit [Ipasalig]:I-commit nga himoon ang mosunod nga buluhaton sa semana. I-tsek ang mga box kon makompleto nimo ang matag buluhaton.

• Sunda ang balaod nga imong gipili sa kalihokan nga naa sa ibabaw.

• Ipaambit sa imong pamilya o mga higala kon unsay imong nakat-unan karon mahitungod sa pagkamasulundon.