Արդյո՞ք Աստծո խոստացած օրհնությունները հասանելի են գեյերին

Աստծո օրհնությունները հասանելի են բոլորին

«Յուրաքանչյուրս երբեմն նայում ենք մեր կյանքին և փորձում ենք հասկանալ. «Որտե՞ղ եմ ես։ Կյանքի ո՞ր փուլում եմ»: Ես միշտ ասել եմ, որ երբ սկսում ես ինքդ քեզ համեմատել մյուսների հետ, դա կա՛մ տանում է հուսալքության, կա՛մ հպարտության: Դրանցից ոչ մեկը լավ բան չէ, բայց դա այն է, ինչ տեղի է ունենում, երբ մարդիկ սկսում են համեմատել: Նրանք սկսում են մտածել. «Իմ կյանքն ավելի բարվոք է», կամ «Իմ կյանքը շատ ավելի վատն է»: Եվ ուրեմն, մեզ համար կառուցողական չէ այդ վարժությունը, երբ փորձում ենք համեմատել մեր հանգամանքները ուրիշների հանգամանքների հետ: Որոշ օրհնություններ մեզ տրվում են կարճ ժամանակում, մյուսները՝ երկար ժամանակ հետո: Երբեմն օրհնությունները պահված են մեզ համար, և իմ համոզմամբ, ստանում ենք վարագույրի մյուս կողմն անցնելուց հետո՝ մեր հետմահկանացու գոյության մեջ: Այսպիսով, մենք այժմ շատ սահմանափակ տիրույթում ենք, և այս սահմանափակ տիրույթում պարզապես ձեռնտու չէ փորձել համեմատել մեր ունեցած դժվարությունները կամ մեր ունեցած օրհնությունները:

Մենք հիշում ենք, երբ Ադամն ու Եվան լքեցին Եդեմի պարտեզը, եղան մի շարք բաներ, որոնց նրանք ծանոթացան հեռանալիս, դրանց թվում էին փշերն ու տատասկները, և մենք բոլորս դրանք ունենք մեր կյանքում: Բայց մենք կարող ենք վստահ լինել, որ այդ ամենը հնարավոր է հաղթահարել, անկախ այն բանից, թե որոնք են մեզ բաժին հասել։ Տերը մեզ ասում է, որ ճանապարհին ձախորդություններ են լինելու, և նույնիսկ ասում է, որ մեր տառապանքները կնվիրագործվեն մեր օգտի համար: Դրա համար երբեմն տարիների է պահանջվում, բայց, ի վերջո, կարող ենք համոզված լինել, որ հավերժական կյանքի խոստումը բոլորի համար է: Ամեն ոք հավասարապես կպարգևատրվի իր հավատարմության համար: Եթե համբերեք մինչև վերջ, դուք կօրհնվեք։ Այսօր, վաղը և հաջորդ ամիս կարող է դժվար լինել, բայց միշտ չէ, որ դժվար է լինելու: Գործադրելով ձեր հավատքը Հիսուս Քրիստոսի և Նրա Քավության հանդեպ, դուք կարող եք դա անել։

Երբեմն կլինեն դժբախտություններ և փորձություններ, որոնք թվում է, թե շատ դժվար է տանել: Սակայն Նա ասում է, որ «այնուամենայնիվ, ուրախ եղեք, քանզի ես ձեր ուղեկիցը կլինեմ»: Դա խոստում է Տիրոջից: Ուրախ եղեք: Դժվարությունների ժամանակ ուրախ եղեք, քանզի ես ձեր ուղեկիցը կլինեմ: Եվ ես վկայում եմ, որ Հիսուս Քրիստոսը ձեր ուղիկիցն է լինելու ցանկացած ձեր դժվարության ժամանակ» (Gary E. Stevenson, “No Blessings Denied the Faithful,” ChurchofJesusChrist.org)։