Եթե բավականաչափ հավատարիմ լինեմ, արդյո՞ք նույն սեռի հանդեպ իմ հակվածությունը կվերանա

Նույն սեռի հանդեպ հրապուրանքը չի չափվում ձեր հավատարմությամբ: Շատ մարդիկ տարիներով աղոթում են և ամեն ինչ անում են, որ հնազանդ լինեն, սակայն նույն սեռի հանդեպ հրապուրանքը չի անցնում: Նույն սեռի հանդեպ հակվածության ինտենսիվությունը նույնը չէ բոլորի մոտ: Ոմանք երկու սեռի հանդեպ էլ հրապուրանք ունեն, իսկ մյուսները հրապուրանք են զգում բացառապես նույն սեռի հանդեպ: Ոմանց մոտ նույն սեռի հանդեպ հրապուրանքի զգացմունքները կամ առնվազն դրանց ինտենսիվությունը ժամանակի ընթացքում կարող է նվազել: Ցանկացած դեպքում՝ թե՛ ծնողները, թե՛ ղեկավարները, չպետք է հրապուրանքի փոփոխություն ակնկալեն կամ պահանջեն:

Ձեր հրապուրանքի ինտենսիվությունը կարող է ձեր վերահսկողության տակ չլինել, այնուամենայնիվ, դուք կարող եք ընտրել, թե ինչպես արձագանքել: Տիրոջը հարցնելով, թե ինչ կարող եք սովորել այս փորձառությունից, կարող է ձեր հավատքը կենտրոնացնել այն արդյունքի վրա, որը կարող եք վերահսկել: Ձեր կյանքը դեպի Աստծուն դարձնելը հավատքի կարևոր գործողություն է, որը մեծ օրհնություններ է բերում այժմ և նույնիսկ ավելի մեծ օրհնություններ՝ գալիք աշխարհում: