Ինչպե՞ս կարող եմ խոսել ծնողներիս կամ եպիսկոպոսի հետ նույն սեռի հանդեպ հակվածության մասին

Մի քանի օգտակար խորհուրդներ

• Եթե ազատ եք զգում խոսելու ծնողի, ընտանիքի մեկ այլ անդամի կամ եկեղեցու ղեկավարի հետ, ապա լավ կլինի, որ նրանց հետ կիսվեք ձեր զգացումներով: Օգնեք նրանց հասկանալ, թե ինչի միջով եք դուք անցնում, թույլ տալով, որ սեր ցուցաբերեն և սատարեն ձեզ:

• Եթե նրանք չեն հասկանում, թե այն փորձառությունն ինչ է իրենից ներկայացնում, խնդրեք նրանց կարդալ Եկեղեցու աղբյուրներում նույն սեռի հանդեպ հակվածության մասին, որը կարելի է գտնել Եկեղեցու կայքէջի Կյանքի օգնություն (Life Help) և ինքնապահովում բաժնում կամ Gospel Library հավելվածում (լավ հոդվածներ են՝ Նույն սեռի հանդեպ հակվածություն․ Ընտանիքի և ընկերների համար կամ Նույն սեռի հանդեպ հակվածություն․ Եկեղեցու ղեկավարների համար, ChurchofJesusChrist.org)։ Հավանաբար, հեշտ չի լինի նման զրույց սկսելը, սակայն նման երկխոսությունը կարևոր է:

• Համբերատար եղեք ձեր շրջապատի մարդկանց հետ և հիշեք՝ դուք բոլորդ միասին սովորում եք: Եթե ձեր հարազատները դժվարանում են հասկանալ կամ սատարել ձեզ, հնարավոր է, նրանք ունեն ձեր օգնության կարիքը:

• Ձեր ծնողներին և ղեկավարներին վերաբերվեք նույն բարությամբ և հարգանքով, ինչ նրանցից եք ակնկալում: Կյանքի օգնություն և ինքնապահովում բաժնի նույն սեռի հանդեպ հակվածության մասին նյութերը, ինչպես օրինակ․ Նույն սեռի հանդեպ հակվածություն․ Ի՞նչ է դա (ChurchofJesusChrist.org), նախատեսված են օգնելու բոլորին ավելի լավ հասկանալ նույն սեռի հանդեպ հակվածությունը ավետարանի տեսանկյունից: