Արդյո՞ք նույն սեռի հանդեպ հակվածություն զգալը մեղք է

Հրապուրանքն ինքնին մեղք չէ

Նախագահ Մ. Ռասսել Բալլարդն ասել է.

«Եկեք պարզ արտահայտվենք. Հիսուս Քրիստոսի Վերջին Օրերի Սրբերի Եկեղեցին հավատացած է, որ նույն սեռի հանդեպ հակվածության փորձառությունը բարդ իրողություն է շատ մարդկանց համար: Հրապուրանքն ինքնին մեղք չէ, բայց գործողությունների վերածվելու դեպքում մեղք է: Չնայած հրապուրանքը կարող է առաջանալ անկախ մարդու ցանկությունից, մարդը ինքն է ընտրում՝ ինչպես արձագանքել այդ զգացմունքին: Եկեղեցին, սիրով և ըմբռնումով օգնության ձեռք է մեկնում Աստծո բոլոր զավակներին, այդ թվում նաև [նույն սեռի հանդեպ հակվածություն զգացողներին]» (“The Lord Needs You Now!” Լիահոնա, սեպտ․ 2015, 15):

Չնայած նույն սեռի հանդեպ հակվածությունը մեղք չէ, այն կարող է դժվար հաղթահարելի լինել: Չնայած մարդը կարող է անկախ իրենից նման զգացումներ ունենալ, նա կարող է պարտավորություն վերցնել պահելու Աստծո պատվիրանները: Ծնողը, ում երեխան նույն սեռի հանդեպ հակվածություն է զգում կամ իրեն նույնականացնում է որպես գեյ, պետք է սիրի և ընդունի այդ երեխային: Որպես Եկեղեցու անդամների համայնք, մենք պետք է հյուրընկալ համայնք ստեղծենք: