Ինչպե՞ս կարող եմ իմանալ, որ ես գեյ եմ

Ինչի՞ մասին պետք է մտածել

Եթե ձեզ մոտ կասկած է առաջանում, որ գուցե դուք նույնասեռական եք, հավանական է, որ դուք նույն սեռի հանդեպ հրապուրանք եք զգում և չգիտեք ինչով բացատրել այդ զգացմունքները: Սեռական ցանկությունները բարդ են և պայմանավորված են բազմաթիվ գործոններով: Չնայած որ ռոմանտիկ, հուզական կամ սեռական հակվածությունը կարող է սեռական կողմնորոշման նշան լինել, դուք չպետք է ինքնաբերաբար ենթադրեք, որ դա այդպես է: Սեռական զգացումը անկայուն է և փոխվելու հատկություն ունի: Կասկածի առաջացումը չպետք է ձեզ պարտադրի, ոչ էլ շտապեցնի ձեզ եզրակացություն անել ձեր սեռային հատկանիշների վերաբերյալ:

Տարբեր մարդիկ բառերը տարբեր իմաստով են գործածում և կյանքի ընթացքում տվյալ բառի իմաստը կարող է փոխվել: Ի՞նչ նշանակությամբ եք դուք օգտագործում գեյ բառը: Դա զգացո՞ւմ է։ Նույնականացո՞ւմ։ Կենսակե՞րպ։ Հասարակական և մշակութային փոփոխություններին զուգահեռ գեյ բառը ևս տարբեր իմաստներ է ձեռք բերել: Նույնականացվել որպես գեյ կարող է նշանակել, որ մարդը նույն սեռի հանդեպ հակվածություն է զգում, բայց ընտրում է տեղի չտալ այդ զգացմունքներին: Կամ գուցե այդ պիտակը նկարագրում է ձեր հուզական, ֆիզիկական, սեռական կամ քաղաքական դրսևորումը: Եթե ձեզ պարզ չէ, թե ինչ նկատի ունի մարդը, երբ ասում է՝ «ես գեյ եմ», պարզապես հարցրեք նրան: