ʻOku ʻafioʻi moʻoni nai ʻe he Fakamoʻuí ʻa e meʻa ʻoku ou fouá?

ʻOku Maʻu ʻe he Fakamoʻuí ha Mahino ʻo Kau Kiate Au

Mamata ʻi he vitiō ʻa ʻEletā Hōlaní “The Savior Understands Me.”

ʻOku Maʻu ʻe he Fakamoʻuí ha Loto-ʻOfa Fakalangi

ʻOku maʻu ʻe he Fakamoʻuí ha mahino haohaoa ki hotau ngaahi faingataʻaʻia kotoa pē. ʻI heʻetau hoko ko ha kakai fakamatelié, ʻoku fakangatangata pē ʻetau mahinó. Te tau lava ʻo lea fakataha mo Nīfai ʻoku tau “ʻilo ʻokú ne ʻofa ki heʻene fānaú; ka neongo ia, ʻoku ʻikai te [tau] ʻiloʻi hono ʻuhinga ʻo e meʻa kotoa pē” (1 Nīfai 11:17).

ʻI heʻetau fekumi ki ha ngaahi tali mo ha fakahinohino ki heʻetau fononga fakatāutahá, ʻe lava ke tau falala ki he ʻOtuá pea mo e mālohi ʻoku ʻi he feilaulau fakalelei ʻa Sīsū Kalaisí. ʻI hono toʻo ʻe Sīsū Kalaisi kiate Ia ʻa e ngaahi angahala ʻa e māmaní, naʻá Ne foua foki ai ʻa e mamahi mo e faingataʻa kotoa pē ʻe lava ke aʻusia ʻe he faʻahinga ʻo e tangatá.

“He ko ʻeni, ʻoku tau fakaasiasi ʻi he sioʻata fakapoʻupoʻulí; ka ʻe ʻi ai ʻa e mata ki he mata: ʻoku ou ʻilo fakakonga ʻeni; ka te u ʻilo ai, ʻio, ʻo hangē ko hono ʻiloʻi aú” (1 Kolinitō 13:12).

“Pea te ne hāʻele atu, ʻo kātakiʻi ʻa e ngaahi mamahi mo e ngaahi faingataʻá pea mo e ngaahi ʻahiʻahi kehekehe kotoa pē; pea ʻe fai ʻeni koeʻuhí ke lava ʻo fakamoʻoniʻi ʻa e folofolá ʻa ia ʻoku pehē te ne toʻo kiate ia ʻa e ngaahi mamahi mo e ngaahi mahaki ʻoku moʻua ai hono kakaí” (ʻAlamā 7:11).