Kapau ʻoku ou faivelenga feʻunga, ʻe mole nai ʻeku femanakoʻaki ʻa e fefine mo e fefine pe tangata mo e tangatá?

ʻOku ʻikai hoko ʻa e ongoʻi lahi ko ia ʻo e femanakoʻaki ʻa e fefine mo e fefine pe tangata mo e tangatá ko ha meʻafua ia ʻo hoʻo moʻui faivelengá. ʻOku laui taʻu hono lutoa ʻe ha kakai tokolahi mo fakahoko ʻa e meʻa kotoa pē te nau lavá ke talangofua ʻi ha feinga ke fakasiʻisiʻi ʻa e femanakoʻaki ʻa e fefine mo e fefine pe tanagta mo e tangatá, ka ʻoku kei femanakoʻaki pē ʻa e fefine mo e fefine pe tangata mo e tangatá. ʻOku kehekehe pē ʻa hono aʻusia ko ia ʻo e femanakoʻaki ʻa e fefine mo e fefine pe tangata mo e tangatá pea ʻoku ʻikai tatau ia ki he tokotaha kotoa. ʻOku ʻi ai ha niʻihi ʻoku nau fakatou manako ʻi he kakai fefiné mo e kakai tangatá, pea ko ha niʻihi ʻoku nau manako pē ʻi he niʻihi ʻoku nau tuʻunga tangata pe fefine tataú. ʻOku ʻi ai ha niʻihi ia, ʻe ʻalu pē taimí mo e mole atu e ngaahi ongo mālohi ko ia ʻo e femanakoʻaki ʻa e fefine mo e fefine pe tangata mo e tangatá. Ka ko e hā pē tūkungá, ʻoku ʻikai totonu ke fai ha ʻamanaki pe fakamālohiʻi ha liliu ʻo e femanakoʻakí ʻe he mātuʻá pe kau takí.

Mahalo he ʻikai lava ke ke mapuleʻi ʻa e lahi hoʻo femanakoʻakí; ka te ke lava ʻo fili ʻa e founga hoʻo fakafeangaí. ʻE lava hono fehuʻi ko ia ki he ʻEikí pe ko e hā ʻa e meʻa te ke lava ʻo ako mei he aʻusia ko ʻení, ʻo tukutaha ai hoʻo tokangá ki ha ola te ke lava ʻo mapuleʻí. ʻOku hoko ʻa hono tekaki hoʻo moʻuí ki he ʻOtuá ko ha konga mahuʻinga ia hono fakahaaʻi ʻo e tuí pea te ne ʻomi ha ngaahi tāpuaki lahi he taimí ni mo ha ngaahi tāpuaki lahi ange he maama ka hoko maí.