Ko ha angahala nai ʻa e ongoʻi ʻokú te femanakoʻaki ko ha fefine mo e fefine pe tangata mo e tangatá

ʻOku ʻIkai ko ha Angahala ʻa e Femanakoʻakí ʻIate ia Pē

Naʻe pehē ʻe Palesiteni M. Lāsolo Pālati:

“Tau ʻai mahino pē: ʻOku tui ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ‘ko hono aʻusia ko ia ʻo e femanakoʻaki fakaetangata mo fakaefefiné (same-sex attraction) ko ha moʻoni fihituʻu ia ki he kakai tokolahi. ʻOku ʻikai ko ha angahala ʻa e femanakoʻakí, ka hono ngāueʻí. Neongo ʻoku ʻikai fili ʻe he fakafoʻituituí ʻa e faʻahinga femanakoʻaki ko iá, ka ʻoku nau fili ʻa e anga ʻenau fakafeangai ki aí. ʻOku kakapa atu ʻa e Siasí ki he fānau kotoa ʻa e ʻOtuá ʻi he ʻofa mo e mahino, kau ai [ʻa kinautolu ʻoku femanakoʻaki fakaetangata mo fakaefefiné]’” (“ʻOku Fie Maʻu Kimoutolu ʻe he ʻEikí he Taimí Ni!” Liahona, Sepitema 2015, 15).

Neongo ʻoku ʻikai ko ha angahala ʻa e femanakoʻaki ʻa e fefine o e fefine pe tangata mo e tangata, ka ʻe ala faingataʻa ia. Neongo he ʻikai fili ha taha ia ke maʻu e ngaahi ongo ko ʻení, ka te ne lava ʻo tukupā ke tauhi e ngaahi fekau ʻa e ʻOtuá. ʻOku totonu ke fili ʻa e mātuʻa ʻa ha fānau ʻoku femanakoʻaki ai ʻa e fefine mo e fefine pe tangata mo e tangata pe tala ʻoku fakafāfine/fakatangatá, ke ne ʻofa mo tali lelei ʻa e fānau ko iá. ʻI heʻetau hoko ko ha kāingalotu ʻo e Siasí, ʻoku totonu ke tau fili ke fakatupu ha ʻātakai ʻoku talitali lelei ai kinautolú.