Te u ʻilo fēfē ʻoku ou fakafāfine/fakatangata?

Ngaahi Meʻa ke Fakakaukau Ki Ai

Kapau ʻokú ke fehuʻia pe ʻokú ke fakafāfine/fakatangata, mahalo kuó ke ʻosi aʻusia ʻa e femanakoʻaki ʻa e fefine mo e fefine pe tanagta mo e tangatá, pea ʻokú ke fifili pe ʻoku ʻuhinga ki he hā ʻa e ngaahi ongo ko ʻení. ʻOku lahi ʻa e ngaahi meʻa fekauʻaki mo e ngaahi holi fakasekisualé pea ʻoku fakatupu ia ʻe ha ngaahi meʻa lahi. Neongo ʻe lava ke tala ʻe he fetokangaʻaki ʻi he ʻofá, fakaelotó pe fakasekisualé ho tuʻunga fakasekisualé, ka ʻoku ʻikai totonu ke ke fakakaukau ʻoku pehē. ʻOku malava pē ke hokohoko mo feliliuaki e holi fakasekisualé iá. Kapau ʻokú ke fehuʻia, ta ʻoku ʻikai totonu ke ke ongoʻi mafasia pe fakavavevave ke aofangatuku ho tuʻunga fakasekisualé.

ʻOku kehekehe pē ʻuhinga ʻo e ngaahi leá ki he kakai kehekehe, pea ʻe lava ke liliu e fakaʻuhingaʻi ʻo ha foʻi lea ʻi he lolotonga ʻetau moʻuí. Ko e hā ʻa e ʻuhinga kiate koe ʻa e foʻi lea ko e fakafāfine/fakatangata? Ko ha ongo nai ia? Ko hai nai au? Ko ha tōʻonga moʻui? Kuo tou-mo-liliu hono fakaʻaongaʻi e foʻi lea ko e fakafāfine/fakatangata ʻi he liliu ko ia e sosaietí mo e anga fakafonuá. Mahalo naʻa ʻuhinga hono tala ko ha fakafāfine/fakatangata koé, ko e pehē ʻokú ke foua ʻa e femanakoʻaki ʻa e fefine mo e fefine pe tangata mo e fangatá, ka ʻokú ke fili ke ʻoua naʻá ke ngāue ki he ngaahi ongo ko ʻení. Pe mahalo ʻoku hanga ʻe he hingoa ko ʻení ʻo fakamatalaʻi e founga ʻokú ke fakafōtunga fakaeloto, fakatuʻasino, fakasekisuale pe fakapolitikale ʻaki koé. Kapau ʻokú ke fifili pe ko e hā ʻ a e ʻuhinga ʻa ha taha ʻi heʻene pehē, “ʻOku ou fakafāfine/fakatangatá,” ʻeke ange pē kiate ia.