Te u talanoa fēfē ki heʻeku ongomātuʻá pe pīsopé ʻo fekauʻaki mo e femanakoʻaki ʻa e fefine mo e fefine pe tangata mo e tangatá?

Ko Ha Fanga Kiʻi Tokoni ʻAonga

• Kapau ʻokú ke ongoʻi fiemālie ke talanoa ki ha taha hoʻo mātuʻá, mēmipa ʻo e fāmilí pe taki ʻi he Siasí, fakakaukau ke ke vahevahe ange kiate kinautolu e ngaahi ongo ʻokú ke maʻú. Tokoni ke mahino kiate kinautolu e meʻa ʻokú ke fouá kae lava ke nau fakahaaʻi atu ʻenau ʻofá mo e poupoú.

• Kapau ʻoku ʻikai mahino kiate kinautolu ʻa e aʻusia ko ʻení, kole ange ke nau lau ʻa e ngaahi maʻuʻanga tokoni ʻa e Siasí ki he femanakoʻaki ʻa e fefine mo e fefine pe tangata mo e tangatá ʻa ia ʻoku maʻu ʻi he konga ki he Tokoni ʻo e Moʻuí mo e Moʻui Fakafalala Pē Kiate Kitá ʻi he uepisaiti ʻa e Siasí pe ko e polokalama Gospel Library (ko ha ngaahi maʻuʻanga tokoni lelei ʻeni ʻe niʻihi Femanakoʻaki ʻa e Fefine mo e Fefine pe Tangata mo e Tangatá: Fāmilí mo e Ngaahi Kaungāmeʻá pe Femanakoʻaki ʻa e Fefine mo e Fefine pe Tangata mo Tangatá: Kau Taki ʻo e Siasí, ChurchofJesusChrist.org.) Mahalo pē he ʻikai faingofua ke kamataʻi e fetalanoaʻaki ko ʻení, ka ʻoku mahuʻinga ke fai ha talatalanoa ki ai.

• Kātakiʻi e kakai ʻoku mou feohí, peá ke manatuʻi ʻoku mou ako fakataha pē. Kapau ʻoku faingataʻa ke mahino ki he niʻihi ʻokú ke ʻofa aí pe faingataʻa ke maʻu ʻenau poupoú, mahalo te nau fie maʻu hoʻo tokoní.

• Fakahaaʻi ki hoʻo ongomātuʻá mo e kau takí ʻa e angaʻofa mo e fakaʻapaʻapa tatau pē ʻokú ke fakaʻamu ke nau fakahaaʻi atu kiate koé. Ko e ngaahi maʻuʻanga tokoni ko ʻeni maʻá e femanakoʻaki ʻa e fefine mo e fefine pe tangata mo e tangata ʻi he Tokoni ʻo e Moʻuí mo e Moʻui Fakafalala Pē Kiate Kitá, hangē ko e Femanakoʻaki ʻa e Fefine mo e Fefine pe Tangata mo e Tangatá: Fekauʻaki mo e (ChurchofJesusChrist.org), ʻoku fakataumuʻa ia ke tokoniʻi e taha kotoa pē ke mahino lelei ange kiate kinautolu ʻa e femanakoʻaki ʻa e fefine mo e fefine pe tangata mo e tangatá ha fakakaukau mei he tafaʻaki ʻa e ongoongoleleí.