Nodra iVakavuvuli na Peresitedi ni Lotu
iVakaleka ni iTukutuku Makawa

iVakaleka ni iTukutuku Makawa

E sega ni itukutuku makawa na ivola oqo, ia era uturi vata kina na ivakavuvuli ni kosipeli me vaka e vakavuvulitaka o Peresitedi David O. McKay. Ia, ni gadrevi me biu na nona ivakavuvuli ena dua na kena ikotokoto me vaka na itukutuku makawa, sa mani vakarautaki kina na ituvatuva ni veika e yaco ena veigauna eso oqo. Na ivakaleka ni itukutuku oqo e sega ni tukuni kina eso na veika bibi ka yaco ena nona gauna ni bula, me vaka na nodra sucu na luvena kei na makubuna.

1873, 8 ni Sepiteba:

Sucu mai Huntsville Utah, vei rau o David McKay kei Jeanette Evans McKay.

1881:

Sa biuta ko David McKay ena ilakolako vakakaulotu ki Peritania. Erau sa mani cicivaka tu na iteitei kei na matavuvale o David O. kei tinana (7; na naba ka kovuti toka sai koya na nona yabaki o David O. McKay).

1887:

Ciqoma na nona veivakalougatataki vakapeteriaki mai vei John Smith (13).

1889:

Tokoni me vunivola ni Wilivola ni Sigatabu ni Tabanalevu e Huntsville (15)

1893–94:

Veiqaravi vakaqasenivuli ka qasenivuli liu ena Paraimari e Huntsville; tokoni me qasenivuli ni Wilivola ni Sigatabu ena Tabanalevu e Huntsville (19–20).

1894–97:

Curu ki na Univesiti e Utah ka rawata kina na imatai ni cocovi ena nona kalasi (20–23).

1897–99:

Vakacavara kina e dua na kaulotu yabaki rua ki Peritania. Me ikuri ni nona cakacaka vakadaukaulotu, e a liutaki ira na daukaulotu kece sara e Sikoteladi (23–25).

1899–1900:

Veivakavulici ena Koronivuli ni Weber Stake e Ogden, Utah (25–26).

1900:

Lesi ki na Matabose ni Matawilivola ni Sigatabu ni Weber Stake (27).

1901, 2 ni Janueri:

Vakamautaki Emma Ray Riggs ena Valetabu e Salt Lake (27).

1902:

Lesi me qasenivuli liu ni Koronivuli ni Weber Stake (28).

1906:

Tabaki me iApositolo mai vei Peresitedi Joseph F. Smith (32).

1914–18:

Yaco tiko kina na iMatai ni iValu Levu (40–44).

1918:

Lesi me peresitedi raraba ni Deseret Sunday School Union. Tabaka na Ancient Apostles (45).

1919–21:

Veiqaravi vaka-komisina ni vuli ena Lotu (45–47)

1920, Tiseba:

Ena nodratou veilesi na Mataveiliutaki Taumada, e a biubiu kina vata kei Elder Hugh J. Cannon ena dua na ilakolako me dua na yabaki me laki sikova na veitabana ni kaulotu ni Lotu e vuravura raraba (47).

1922–24:

Veiqaravi me peresitedi ni Tabana ni Kaulotu e Iurope (49–51).

1934:

Tokoni ka vakatikori me ikarua ni daunivakasala vei Peresitedi Heber J. Grant (61).

1939–45:

Yaco na iKarua ni iValu Levu (65–71).

1945:

Tokoni ka vakatikori me ikarua ni daunivakasala vei Peresitedi George Albert Smith (71).

1950:

Tokoni ka vakatikori me Peresitedi ni Kuoramu ni Apositolo Le Tinikarua (77).

1951, 9 ni Epereli:

Tokoni ka vakatikori me ikaciwa ni Peresitedi ni Lotu, vata kei Stephen L. Richards me imatai ni daunivakasala vata kei J. Reuben Clark Jr. me ikarua ni daunivakasala. Ena gauna oqori sa yacova kina na dua na milioni na iwiliwili ni lewenilotu (77).

1952, June:

Biubiu ena dua na ilakolako me ciwa na macawa ki Iurope, ena ilakolako oqori e a sikovi ira kina na lewenilotu ena ciwa na matanitu (78).

1953:

Ciqoma na icocovi cecere duadua ni Sikauti, na Silver Bufffalo (79).

1954:

Tekivutaka na ilakolako vakaulotu ka 32, 000 na maile na kena balavu; na imatai ni Peresitedi ni Lotu me sikova na veitabana ni kaulotu ena Lomai Amerika kei na Ceva kei Amerika; imatai ni Vakaitutu Raraba me sikova na tabana ni kaulotu ena Ceva kei Aferika (80).

1955, Okosita:

Sikovi Iurope vata kei na Tabernacle Choir (81).

1955, Sepiteba:

Vakatabuya na Valetabu e Bern Switzerland (82).

1956, Maji:

Vakatabuya na Valetabu e Los Angeles California (82)

1956, Okotova:

Vakatabuya na Vale ni iSoqosoqo ni Veivukei (83)

1958, Epereli:

Vakatabuya na Valetabu e Hamilton New Zealand (84)

1958, Sepiteba:

Vakatabuya na Valetabu e Lodoni Igiladi (85)

1964, Noveba:

Vakatabuya na Valetabu e Oakland California (91).

1970, 18 ni Janueri:

Mate mai Salt Lake City ni sa yabaki 96. Ni mai cava na nona gauna ni veiliutaki, sa mai yacova na tolu na milioni vakacaca na iwiliwili ni lewenilotu.