Aoaoga a Peresitene
Aotelega Faasolopito

Aotelega Faasolopito

O lenei tusi e le o se talafaasolopito, ae o se tuufaatasiga o mataupu faavae e pei ona aoaoina mai e Peresitene Harold B. Lee. E ui o lea, ina ia mafai ona malamalama i aoaoga e tusa ai ma mea na tutupu i le talafaasolopito, o lea ua saunia ai le lisi o loo i lalo e aotele ai nisi o mea tetele ma maoae i lona soifua ia o loo i ai se sootaga pito sili ona felata’i ma ana aoaoga.

1899, Mati 28:

Na soifua mai Harold Bingham Lee [i ona matua] o Samuelu Mariona ma Luisa Emeline Bingham Lee i Clifton, Oneida County, Idaho.

1907, Iuni 9:

Papatisoina e Lester Bybee, i Clifton Idaho (8: o fuainumera o loo faapuipuiina o loo faaalia ai tausaga o le matua o Harold B. Lee)

1912, tautoulu:

Ulufale atu i le Oneida Stake Academy, Preston, Idaho, ma lana uo faaleaoaoga o Ezra Taft Benson (13).

1916, taumafanafana:

Uulufale atu i le Aoga Faafaiaoga a Albion State, Albion, Idaho (17).

1916–17, taumalulu:

Faiaoga i le Aoga o Silver Star, latalata ane i Weston, Idaho (17).

1918–20:

Puleaoga o le Aoga faaleitumalo i Oxford, Idaho (18–21).

1920–22:

Faifeautalai, Misiona Western States, Denver, Colorado (21–23).

1923, taumafanafana:

Auai i le Iunivesite o Iuta. Mulimuli ane na faamaeaina lona tikeri e ala i suesuega e faia i le fale ma auina atu galuega faatonuina ma suega i le meli (24).

1923, Novema 14:

Faaipoipo ia Fern Lucinda Tanner i le Malumalu i Sate Leki(24).

1923–28:

Puleaoga o le Aoga a Whitter ma le Aoga a Woodrow Wilson, Aai o Sate Leki(24–29).

1930, Oketopa 26:

Faamanuia i le tofiga o le peresitene o le Siteki o Paionia, 1930–37 (31).

1933, Novema 7:

Filifilia i le Au Faatonu o le Aai o Sate Leki, auauna mai le 1933–37 (34).

1935, Aperila 20:

Tofia Harold B. Lee e le Au Peresitene sili e sailia se polokalama e fesoasoani ai mo e matitiva (36).

1936, Aperila 18:

Valaaulia e avea ma pule faatonu i fuafuaga tau le puipuiga a le Ekalesia (suia mulimuli ane i le polokalama o le uelefea a le Ekalesia) (37).

1939, Aperila 16:

Faamaeaina le uluai fale teuoloa i le Welfare Square i totonu o le Aai o Sate Leki (40).

1941, Aperila 6:

Lagolagoina o se tasi o le Korama a Aposetolo e Toasefululua (42). Faauuina i le aso 10 Aperila, 1941.

1954:

Faataunuuina ni konafesi a alii fitafita i Iapani, Korea, Okinawa, Filipaina ma Guam (55).

1958, Aokuso:

Malaga i Aferika i Saute ma le Nuu Paia (59).

1960, Mati 27:

Faatuina le siteki muamua i Europa i Manchester, Egelani (60).

1961, Setema 30:

I le taitaiga a le Au Peresitene Sili na faasalalauina ai se fuafuaga mo le tuu faatasia o polokalama uma a le Ekalesia (62).

1962, Setema 24:

Maliu o Fern Lucinda Tanner, faletua o Harold B. Lee (63).

1963, Iuni 17:

Faaipoipo ia Freda Joan Jensen i le Malumalu i Sate Leki (64).

1966, Aokuso 27:

Maliu o Maurine Lee Wilkins, afafine o Harold B. Lee (66).

1970, Ianuari 23:

Lagolagoina e avea ma Peresitene o le Korama a Aposetolo e Toasefululua ma le Fesoasoani Muamua ia Peresitene Iosefa Filitia Samita (70).

1972, Iulai 2:

Maliu o Peresitene Iosefa Filitia Samita (73).

1972, Iulai 7:

Faauuina ma faamanuiaina e avea ma Peresitene o le Ekalesia (73).

1972, Aokuso 25–27:

Pulefaamalumalu i le konafesi a le eria i le Aai o Mekisiko (73).

1972, Setema 20:

Faatuina le Paranesi i Ierusalema i le Togalaau o loo i ai le Tuugamau o le Faaola (73).

1972, Oketopa 5:

Faasalalauina o le polokalama o le uelefea i le lalolagi atoa (73).

1972, Oketopa 6:

Lagolagoina e avea ma Peresitene o le Ekalesia i se potopotoga paia (73).

1972, Tesema 14:

Faatulagaina le Misiona faava-o-malo a le Ekalesia (73).

1973, Mati 8:

Faavaeina le uluai siteki i Asia i Seoul, Korea (73).

1973, Aokuso 24–26:

Pulefaamalumalu i le konafesi a le eria i Munich, Siamani (74).

1973, Tesema 26:

Maliu Peresitene Harold B. Lee i le Aai o Sate Leki (74).

1973, Tesema 31:

Faamaumauga faafuainumera i le faaiuga o le tausaga: 3,321,556 tagata o le ekalesia; 630 siteki; 4,580 uarota; 108 misiona; 17,258 faifeautalai; 15 malumalu.