Summary sa Kasaysayan

Ang mosunod nga kronolohiya naghatag og usa ka mubo nga kinatibuk-ang paghulagway sa dakong panghitabo diha sa kinabuhi ni Presidente Gordon B, Hinckley.

Hunyo 23, 1910	Natawo ngadto nilang Bryant S. Hinckley ug Ada Bitner Hinckley didto sa Salt Lake City, Utah.
1922	Mitambong sa usa ka priesthood miting sa stake uban sa iyang amahan ug nakabaton og usa ka pagpamatuod sa propetikanhong tawag ni Joseph Smith.
1932	Migradwar sa University of Utah, nahuman sa pagtuon sa English, Journalism, ug kinaraan nga mga pinulongan.
1933 hangtud 1935	Nagserbisyo isip full-time nga misyonaryo didto sa European Mission, migahin sa tibuok panahon didto sa England.
1935 hangtud 1943	Nagtrabaho isip executive secretary sa Radyo, Publisidad, ug Mission Literature Commitee sa Simbahan.
1937	Gitawag ngadto sa kinatibuk-ang hunta sa Sunday School.
Abril 29, 1937	Giminyoan si Marjorie didto sa Salt Lake Temple.
1943 hangtud 1945	Nagtrabaho isip usa ka luyo-luyo sa superintendent alang sa Denver ug Rio Grande Railroad didto sa Salt Lake, Utah, ug Denve, Colorado.
1945 hangtud 1958	Mibalik og panarbaho sa Simbahan, niadtong 1951 nagsugod sa pagdumala sa inadlaw-adlaw nga pagpadagan sa bag-ong naporma nga Missionary Department.
1953 hangtud 1955	Ubos sa direksyon ni Presidente David O. McKay, nagrekomendar ug midumala sa produksyon sa pelikula sa endowment sa templo aron maatiman ang daghang mga pinulongan.
Oktubre 28, 1956	Gitawag aron sa pagserbisyo isip presidente sa East Mill Creek Stake.
Abril 6, 1958	Gipaluyohan isip usa ka Luyo-luyo sa Napulog Duha.
Oktubre 5, 1961	Gi-orden nga Apostol ug gi-set apart isip sakop sa Korum sa Napulog Duha pinaagi ni Presidente David O. McKay.
Hulyo 23, 1981	Gitawag sa pagserbisyo isip usa ka magtatambag sa Unang Kapanguluhan, aron moabag nilang Presidente Spencer W. Kimball ug Presidente Marion G. Romney ug ni N. Eldon Tanner.
Disyembre 02, 1982	Gitawag sa pagserbisyo isip ang Ikaduhang Magtatambag ngadto ni Presidente Kimball.
Nobyembre 10, 1985	Gitawag sa pagserbisyo isip ang Unang Magtatambag ngadto ni Presidente Ezra Taft Benson.
Hunyo 5, 1994	Gitawag sa pagserbisyo isip ang Unang Magtatambag ngadto ni Presidente Howard W. Hunter.
Marso 3, 1995	Nahimong senior nga Apostol pagkamatay ni Presidente Hunter.
Marso 12, 1995	Gi-set apart isip Presidente sa Ang Simbahan ni Jesukristo sa mga Santos sa Ulahing mga Adlaw.
Septyembre 23, 1995	Mi-issue sa “Ang Pamilya: Usa ka Pamahayag ngadto sa Kalibutan” atol sa kinatibuk-ang miting sa Relief Society.
Pebrero 1996	Ang gidaghanon sa mga miyembro sa Simbahan gawas sa Estados Unidos milabaw na sa gidaghanon sa mga miyembro sa Simbahan sulod sa Estados Unidos.
Abril 7, 1996	Nakita sa programa sa telebisyon sa Estados Unidos 60 Minutes.
Mayo 26, 1996	Mipahinungod sa Hong Kong China Temple, ang una sa 77 ka mga templo nga napahinungod atol sa iyang kapanguluhan, ang 63 niini siya mismo ang mipahinungod.
Abril 5, 1997	Nag-organisar sa tulo ka bag-ong mga Korum sa Seventy.
Oktubre 4, 1997	Nagpahibalo sa usa ka plano sa mas gamay nga mga templo nga pagatukuron sa tibuok kalibutan.
Enero 1, 2000	Uban sa iyang isig ka Apostoles sa Unang Kapanguluhan ug ang Korum sa Napulog Duha, nagmantala sa “Ang Buhi nga Kristo: Ang Pagpamatuod sa mga Apostoles”
Oktubre 1, 2000	Mipahinungod sa Boston Massachusetts Temple, ang ika-100 nga gigamit nga templo.
Oktubre 8, 2000	Mipahinungod sa Conference Center.
Marso 31, 2001	Mipahibalo sa paglalang sa Makanunayong Pundo sa Edukasyon.
Pebrero 8, 2002	Nag-welcome sa mga bisita gikan sa tibuok kalibutan ngadto sa Siyudad sa Salt Lake alang sa Winter Olympics.
Hunyo 27, 2002	Mipahinungod sa Nauvoo Illinois Temple sa ika-158 nga anibersaryo sa pagkamatay nilang Joseph ug Hyrum Smith.
Enero 11, 2003	Midumala sa unang sibya sa tibuok kalibutan nga pagbansay sa pagpangulo.
Pebrero 8, 2003	Namulong ngadto sa usa ka milyon ka mga bata sa Primary pinaagi sa sibya sa satellite sa pagsaulog sa ika-125 nga anibersaryo sa Primary.
Abril 6, 2004	Nagsubo sa kamatayon sa iyang asawa, si Marjorie.
Hunyo 23, 2004	Nakadawat og award sa Presidential Medal of Freedom, ang kinatas-an nga civilian award nga nahatag sa Estados Unidos.
Hunyo 26, 2007	Mipahibalo nga ang pagkamiyembro sa Simbahan milapas na sa 13 ka milyon ug ang unang usa ka milyon nga misyonaryo nakaserbisyo na sukad ang Simbahan naorganisar.
Enero 27, 2008	Namatay sa iyang panimalay sa Salt Lake City, Utah.