1 Yalishca jipa ñuca, Nefi, cai cuzascunata liishca carcani caicuna bronce jirru fangacunapi quilcashca carca, ñuca huauquicuna shamurca nihuarcapash: Imata canga cai liishca cuzascunaca? Riqui caicunaca yuyaipa chasquinachu espiritual cuzascuna cajta, imami yalinga espírituhuan na aichapica?

2 Ñuca, Nefi, paicunaman nircani: Riqui achil villachijman ricuchimushca carca Espíritupaj shimimanda; Espíritumanda tucui cai cuzascunaca yachachishca achil villachijcunaman, pimi shamunga runacunapaj huahuacunaman aicha caimanda.

3 Chaimanda, cai cuzascuna imamanda ñuca liishcani ishcandi temporal espiritualtapash ricunami can; ricurinshnalla Israelpaj huasica, ña cashpapash jipaman cashpapash, tucui alpa jahualla chajchushca canga, tucui jatun llactacunahuanbash.

4 Riqui, taucacuna tian pitami ñana yachashca can picunami Jerusalénpi cajcunata. Ari, tucuimanda yalishca tucui tribucunamanda ashtahuanbacha apai tucushca can; calpachi tucushca caiman chaiman mama cocha isla jahuacunaman; maipi cajta pipash ñucanchimanda na yachan, apai tucushca cajtalla ñucanchica yachanchi.

5 Paicuna apai tucushcamandapacha, cai cuzascuna paicunamanda achil villashca cashca, tucui picunamandapash jipalla calpachi tucushca pandachishcapash canata, Israelpaj Achilmanda; paipaman shinlliyachin paicunapaj shungucunata; chaimanda, paicuna calpachishca canga tucui jatun llactacunahuan tucui runacunahuan millanayai tucushca canga.

6 Shina cajpipash, Gentilcunahuan paicuna micuchishca cashca jipa, Apunchijca paipaj maquita vichai alsashca cajpi gentilcunapaj jahuapi, shuj bandera laya churashca cajpi, paicunapaj huahuacuna rigrapi apashcacuna canga, paicunapaj ushicuna apai tucushca canga paicunapaj rigra jahuacunapi, riqui cai cuzascunaca imatami parlashcani temporal can; cashnami can Apunchijpaj pactachinacunaca ñucanchi taitacunahuan; ñucanchita nishca can shamui punllacunapi, tucui ñucanchipa huauquicunapash picunami Israelpaj huasimanda can.

7 Caica nishca can punlla shamujta tucui Israelpaj huasi calpachishca pandachishcapash jipa, Apunchij Diosca ushaihuan jatun llactaca jatarichinga Gentilcunahuan, ari, cai alpa jahuallapipash; ñucanchi cati aillucunaca calpachi tucushca canga paicunahuan.

8 Ñucanchi cati aillucuna calpachi tucushca cashpa jipa Apunchij Diosca shuj manllarinayai ruranata Gentilcunahuan rurashpa catinga, chaica ñucanchi cati aillucunapaj jatun valishca canga; chaimanda, cai can ricuchishca can paicuna micuchishca canga Gentilcunahuan apai tucushca canga paicunapaj rigracunapi paicunapaj rigra jahuacunapipash.

9 Caica valishcapash canga Gentilcunapa; na Gentilcunapalla ashtahuangari tucui Israelpaj huasipa, yachachita cungapa jahua pacha taitapaj pactachinacunata Abrahamman, nishpa: quiquinba cati aillucunapi alpapaj tucui reinocuna achilyachishca canga.

10 Munaiman, ñuca huauquicuna, quiquinguna yachanguichiman alpapaj tucui reinocuna na achilyachishca cangachu imashpapash jatun llactacunata paipaj rigrata llujchishpa ricuchijpi.

11 Chaimanda, Apunchij Diosca catinga jatun llactacunata paipaj achil rigrata llujchishpa ricuchinga, apaita ushangapa paipaj pactachinacunata paipaj quishpiringapa villaicunatapash maijangunami Israelpaj huasimanda cajcunaman.

12 Chaimanda, pai llujchinga cutin paicunata huatai tucushcashnamanda, paicuna tandanajunga paicunapaj chasquina alpacunaman; paicuna yana tutashna canamanda yanallamandapash llujchi tucushca canga; paicuna yachanga Apunchijca paicunapaj Jatun Quishpichij, Jatun Causachij, Israelpaj Shinlli.

13 Chai jatun millanaipash iglesiapaj yahuarca, caica tucui alpapaj ramerami can, paicunapaj umacunamanllata tigranga; paicuna pura macanajunga, paicunapaj maquicunamandallata espadaca paicunapaj umacunapi urmanga, paicunapaj yahuarhuanllata machanga.

14 Shujllangaman jatun llacta quiquinhuan macanajujcunaca, Oh Israelpaj huasi, caishuhuan chaishuhuan tigraringa, paicuna urmanga Apunchijpaj llactapuracunata tujllangapa allashca huaicupi. Tucui picuna Siónhuan macanajujcunaca tucuchishca canga, chai jatun rameraca, pimi Apunchijpaj ali ñangunata huaglichishca carca, ari, chai jatun millanayai iglesia, alpaman urmanga, paipaj urmaica jatun canga.

15 Riqui, achil villachij nin, ñapash punlla shamujun Satanásca na ashtahuan ushaita charinga runacunapaj huahuacunapaj shungucunapi; ñapacha punlla shamunga tucui jariyashcacuna na alita rurajcunapash jupashna canga; punllaca shamunga paicuna rupachishcapacha canga.

16 Punllaca ñapacha shamunga Diospaj tucuilla fiñaica tucui runacunapaj huahuacunapaj jahuapi jicharishca canga; paica na saquingachu na alita rurajcuna alita rurajcunata tucuchichun.

17 Chaimanda, pai alita rurajcunata alchishpa charinga paipaj ushaihuan, shina paipaj tucuilla fiñai shamuchunbash, ali rurajcunata alchishpa charishca canga, paicunapaj na ricunayachijcunata ninahuan tucuchingacaman. Chaimanda, alita rurajcunaca na manllangachu; achil villachij shina nin, paicuna quishpiringami, shina ninahuanshna.

18 Riqui, ñuca huauquicuna, cangunaman nini, cai cuzascunaca ña shamungapacha; ari, yahuar, nina, cushni llujshijun samaipash shamungapacha; cai alpa jahualla pacha canga; cai shamun runacunaman aicha caimanda caica cangami Israelpaj Achilman shina paicunapaj shungucunata shinlliyachijpi.

19 Riqui, ali rurajcunaca na tucuringachu; punllaca shamungapachami tucui picunami Siónhuan macanajujcunaca anchuchi tucushca canga.

20 Apunchijca ciertopacha alichinga shuj ñanda paipaj llactapuracunaman, Moiséspaj parlashca shimicuna pactarichun, maijan pai parlarca nishpa: Apunchij quiquingunapa Dios shuj achil villachijta, ñucashnallata jatarichinga; paita uyanguichi tucui cuzascuna pai ima nishcata. Yalingapashmi tucuicuna cai achil villachijta na uyajcunaca llactapuramanda anchuchi tucushca canga.

21 Cunan ñuca, Nefi, yachachini, Moisés parlashca achil villachijca Israelpaj Achil carca; chaimanda, pai ali ruranapi ricushpa chasquichinga.

22 Ali rurajcunaca na manllangachu, paicunami na pandachishca canga. Ashtahuangari ayapaj reino can, runacunapaj huahuacunaman rurashca canga, chai reinoca rurashca canga picunami aichapi cajcunaman—

23 Punllaca ñapash shamungami tucui iglesiacuna charijyangapalla rurashcacuna, tucui maijanguna rurashcacuna aichapi ushaita miraringapa, maijan rurashca cai alpapa ñavicunapi rijsi rijsi tucungapalla rurashcacuna, maijanguna mascajcuna aichapaj munashcacunata cai alpapaj cuzascunatapash, tucui laya na ali ruraicunata rurajcunata; ari, tucuripi, tucuicuna ayapaj reinota catijcunaca manllangami, chujchunbash manllaimanda chujchungapash; paicuna shungu faquirinacuna can alpacaman; paicunami jupashna rupachishpa cana; cai can imashna achil villachijpaj shimicunata nishcahuan.

24 Punllaca ñapash shamun ali rurajcunaca huahua chicugushna corralman apashcapacha canga, Israelpaj Achilca reinangapacha tucui mandaihuan, ninan ushai, ushaipash, jatun punchapambahuanbash.

25 Paipaj huahuacunata alpapaj chuscundi ladocunamanda tandachinga; paipaj llamacunata yupanga, paita rijsinga; tianga shuj llama corral shuj michijpash; paipaj llamacunata micuchinga, jihuata paipi taringa.

26 Paipaj llactapuracunapaj ali ruraicunamanda, Satanás na ushaita charinga; chaimanda, pai tauca huatacunata na cacharishca canga; pai na ushaita charinga llactapuracunapaj shungucunapaj jahuapi, paicuna ali ruraipi causan, Israelpaj Achil reinan.

27 Cunan riqui, ñuca, Nefi, nircani tucui cai cuzascuna shamungapacha aicha caimanda.

28 Ashtahuangari, riqui, tucui jatun llactacuna, reinocuna, shimi rimaicuna, llactapuracunapash ali alichishcashna causanga Israelpaj Achilpi shina paicuna arrepentirijpica.

29 Cunan ñuca, Nefi, tucuchini; ñuca manllani ashtahuan cai cuzascunamanda parlanata.

30 Chaimanda, ñuca huauquicuna, ñuca munani canguna cai cuzascunata yarichun cai bronce jirru fangacunapi quilcashcacunaca na llullachu; paicuna testifican shuj jari cazuj canata Diospaj rurachunbacha saquishcacunata.

31 Chaimanda, canguna na crinata minishtinguichichu ñucalla ñuca taitahuanlla testificashcanchi, yachachishcanchipash. Chaimanda, canguna rurachunbacha saquishcacunata cazujcuna cana canguichi, tucurinacaman catiriajushpa, canguna quishpirishca canguichi chai tucuri punllapi. Shinami. Shinacapashcachun.