1 Nefi

Imibhalo Lengcwele

INcwadzi yaMormon

Sendvulelo naboFakazi
1 Nefi
2 Nefi
Jakobe
Enoshi
Jaromu
Omini
EmaVi aMormon
Mosiya
Alima
Hilamani
3 Nefi
4 Nefi
Mormon
Etheri
Moroni
Sicondziso seNkhomba eNcwadzini yaMormon

1 Nefi

Sehluko 1
Nefi ucala umbhalo webantfu bakubo—Lehi ubona embonweni insika yemlilo futsi ufundza encwadzini yetiphrofetho—Udvumisa Nkulunkulu, umemetela ngekuta kwaMesiya, futsi uphrofetha ngekubhujiswa kweJerusalema—Uhlukubetwa ngemaJuda. Cishe ngemnyaka wa 600 ngaphambi kwekutalwa kwaKhristu.
Sehluko 2
Lehi utsatsa umndeni wakhe uya ehlane ngaseLwandle loluBovu—Bashiya imphahla yabo—Lehi unikela ngemhlatjelo eNkhosini uphindze ufundzisa emadvodzana akhe kutsi agcine imiyaleto—Lamani naLemuweli bavungamela uyise—Nefi uyalalela uphindze uthandaza ngekukholwa; iNkhosi ikhuluma kuye, futsi ukhetfwa kutsi abuse ngetulu kwabomnakabo. Cishe ngemnyaka wa 600 ngaphambi kwekutalwa kwaKhristu.
Sehluko 3
Emadvodzana aLehi abuyela eJerusalema kuyolandza bongcwengcwe belitfusi—Labani wala kudzela bongcwengcwe—Nefi uyabayala uphindze uyabakhutsata bomnakabo—Labani weba imphahla yabo uphindze wetama kubabulala—Lamani naLamuweli bashaya Nefi naSemu futsi bakhutwa yingilosi. Cishe ngemnyaka wa 600 kuya kuwa 592 ngaphambi kwekuta kwaKhristu.
Sehluko 4
Nefi ubulala Labani ngekuyalwa yiNkhosi uphindze utsatsa bongcwengcwe belitfusi ngelicebo lekuhlakanipha—Zoramu ukhetsa kuhlangana nemndeni waLehi ehlane. Cishe ngemnyaka wa 600 kuya kuwa 592 ngaphambi kwekuta kwaJesu.
Sehluko 5
Sariya ukhonona kuLehi—Bobabili bajabulela kubuya kwemadvodzana abo—Benta imihlatjelo—Bongcwencgwe belitfusi bacuketse imibhalo yaMosi neyebaphrofethi—Bongcwengcwe bakhomba kutsi Lehi usitukulwane saJosefa—Lehi uphrofetha mayelana nentalelwane yakhe kanye nekulondvolotwa kwabongcwengcwe. Cishe ngemnyaka wa 600 kuya kuwa 592 ngaphambi kwekubuya kwaKhristu.
Sehluko 6
Nefi ubhala ngetintfo taNkulunkulu—Inhloso yaNefi kuvumisa bantfu kutsi bete kuNkulunkulu wa-Abrahama baphindze basindziswe. Cishe ngemnyaka wa 600 kuya kuwa 592 ngaphambi kwekuta kwaKhristu.
Sehluko 7
Emadvodzana aLehi abuyela eJerusalema futsi amema Ishmayeli kanye nendlu yakhe kutsi bahambe nabo eluhambeni lwabo—Lamani kanye nalabanye bayahlubuka—Nefi uncusa bomnakabo kutsi babe nelukholo eNkhosini—Bambopha ngetintsambo futsi benta lisu lekumbulala—Ukhululwa ngemandla elukholo—Bomnakabo bacela intsetselelo—Lehi kanye nalabo bekanabo banikela ngemhlatjelo kanye neminikelo yekushiswa. Cishe ngemnyaka wa 600 kuya kuwa 592 ngaphambi kwekutalwa kwaKhristu.
Sehluko 8
Lehi ubona umbono wesihlahla sekuphila—Udla sitselo saso futsi ufisa kutsi umndeni wakhe nawo wente njalo—Ubona indvuku yensimbi, indlela lengumntjuntju nalencane kakhulu, kanye nenkhungu yebumnyama lembonya bantfu—Sariya, Nefi, kanye naSemu badla sitselo, kodvwa Lamani naLemuweli bayala. Cishe ngemnyaka wa 600 kuya kuwa 592 ngaphambi kwekutalwa kwaKhristu.
Sehluko 9
Nefi wenta emasethi lamabili emibhalo—Ngayinye ibitwa ngekutsi bongcwengcwe baNefi—Bongcwengcwe labakhulu bacuketse umlandvo welive; labancane bona baphatselene ikakhulukati netintfo letingcwele. Cishe ngemnyaka wa 600 kuya kuwa 592 ngaphambi kwekutalwa kwaKhristu.
Sehluko 10
Lehi uphrofetha kutsi emaJuda atawutfunjwa baseBhabhulona—Watisa ngekufika kwaMesiya emkhatsini wemaJuda, uMsindzisi, uMhlengi—Lehi ngalokunjalo watisa ngekuta kwaloyo lotawubhabhatisa iMvana yaNkulunkulu—Lehi watisa ngekufa kanye nekuvuka kwaMesiya—Ucatsanisa kuhlakateka kanye nekugcogcwa kwa-Israyeli nesihlahla semncumo—Nefi ukhuluma ngeNdvodzana yaNkulunkulu, ngesipho saMoya loNgcwele, kanye nangesidzingo sekulunga. Cishe ngemnyaka wa 600 kuya kuwa 592 ngaphambi kwekutalwa kwaKhristu.
Sehluko 11
Nefi ubona Moya weNkhosi uphindze ukhonjiswa embonweni sihlahla sekuphila—Ubona unina weNdvodzana yaNkulunkulu futsi ufundza ngekutehlisa kwaNkulunkulu—Ubona umbhabhatiso, bufundisi, kanye nekubetselwa kweMvana yaNkulunkulu—Ubona ngalokunjalo kubitwa nebufundisi bebaPhostoli labalishumi nakuBili beMvana—Cishe ngemnyaka wa 600 kuya kuwa 592 ngaphambi kwekutalwa kwaKhristu.
Sehluko 12
Nefi ubona embonweni live lesetsembiso; kulunga, bubi, kanye nekuwa kwalabahlala kulo; kufika kweMvana yaNkulunkulu emkhatsini wabo; nekutsi baFundzi labaLishumi nakubili batawumahlulela kanjani Israyeli; kanye nekunengeka kanye nekungcola kwesimo salabo labancishelwe kukholwa. Cishe ngemnyaka wa 600 kuya kuwa 592 ngaphambi kwekutalwa kwaKhristu.
Sehluko 13
Nefi ubona embonweni libandla ladeveli limiswe emkhatsini kwebeTive, kutfolwa kanye nekwakha eMelika, kulahleka kwetincenye letiningi letisobala kanye naletiligugu teliBhayibheli, simo semphumela wekuhlubuka kwebetive, kubuyiselwa kwelivangeli, kuvela kwemibhalo lengcwele yetinsuku tekugcina, kanye nekwakhiwa kweSiyoni. Cishe ngemnyaka wa 600 kuya kuwa 592 ngaphambi kwekutalwa kwaKhristu.
Sehluko 14
Ingilosi itjela Nefi ngetibusiso nangeticalekiso letitowela etikwebeTive—Mabili kuphela emabandla: liBandla leMvana yaNkulunkulu kanye nelibandla ladeveli—LabaNgcwele baNkulunkulu kuto tonkhe tive bahlushwa ngilo lelibandla lelikhulu nalelinengekile—UmPhostoli Johane utawubhala mayelana nekubhubha kwemhlaba. Cishe ngemnyaka wa 600 kuya kuwa 592 ngaphambi kwekutalwa kwaKhristu.
Sehluko 15
Intalelwane yaLehi kufanele ilitfole kubeTive livangeli ngetinsuku tekugcina—Kugcogcwa kwa-Israyeli kufananiswa nesihlahla semncumo emagala aso latawuchunyelelwa futsi—Nefi uhumusha umbono wesihlahla sekuphila futsi ukhuluma ngekulunga kwaNkulunkulu ekuhlukaniseni lababi kulabalungile. Cishe ngemnyaka wa 600 kuya kuwa 592 ngaphambi kwekutalwa kwaKhristu.
Sehluko 16
Lababi batsatsa liciniso njengentfo lematima—Emadvodzana aLehi ashada emadvodzakati a-Ishmayeli—ILiyahona iyabacondzisa endleleni yabo ehlane—Imilayeto levela eNkhosini ibhalwa kuyo iLiyahona tikhatsi-ngetikhatsi—Ishmayeli uyafa; umndeni wakhe uyavungama ngenca yetinhlupheko. Cishe ngemnyaka wa 600 kuya ku 592 ngaphambi kwekutalwa kwaKhristu.
Sehluko 17
Nefi uyaletwa kutsi akhe umkhumbi—Bomnakabo baphikisana naye—Uyabancusa ngekubalandzisa umlandvo wetento taNkulunkulu ku-Israyeli—Nefi ugcwaliswa ngemandla aNkulunkulu—Bomnakabo abavunyelwa kutsi bamtsintse, hleze babune njengemhlanga lowomile. Cishe ngemnyaka wa 592 kuya kuwa 591 ngaphambi kwekutalwa kwaKhristu.
Sehluko 18
Umkhumbi uyacedvwa—Kutalwa kwaJakobe kanye naJosefa kuyashiwo—Licembu lingena emkhunjini liya eveni lesetsembiso—Emadvodzana a-Ishmayeli kanye nebafati babo bahlangana ngekutitika nekuvukela—Nefi uyaboshwa, futsi umkhumbi ubuyiselwa emuva siphepho lesibi—Nefi uyakhululwa, futsi ngemthandazo wakhe siphepho siyancamuka—Bantfu bafika eveni lesetsembiso. Cishe ngemnyaka wa 591 kuya kuwa 589 ngaphambi kwekutalwa kwaKhristu.
Sehluko 19
Nefi wenta bongcwengcwe belitje lensimbi futsi ubhala umlandvo webantfu bakubo—Nkulunkulu wema-Israyeli utawufika eminyakeni lengemakhulu lasitfupha kusukela ngesikhatsi Lehi asuka eJerusalema—Nefi ukhuluma ngekuhlupheka kanye nekubetselwa Kwakhe—EmaJuda atawudzelelwa futsi ahlakatwe kute kube tinsuku tekugcina, ngesikhatsi asabuyela eNkhosini. Cishe ngemnyaka wa 588 kuya kuwa 570 ngaphambi kwekutalwa kwaKhristu.
Sehluko 20
INkhosi yembula tinhloso Tayo ku-Israyeli—Israyeli ukhetsiwe esitsandvweni setinhlupheko futsi utawuphuma eBhabhulona—Catsanisa na-Isaya 48. Cishe ngemnyaka wa 588 kuya kuwa 570 ngaphambi kwekutalwa kwaKhristu.
Sehluko 21
Mesiya utawuba kukhanya kubeTive futsi utawukhulula tiboshwa—I-Israyeli itawugcogcwa ngemandla ngetinsuku tekugcina—Emakhosi atawuba boyise lababondlako—Catsanisa na-Isaya 49. Cishe ngemnyaka wa 588 kuya kuwa 570 ngaphambi kwekutalwa kwaKhristu.
Sehluko 22
Israyeli utawuhlakatwa ebusweni bonkhe bemhlaba—BeTive batawumondla futsi bamkhulise Israyeli ngelivangeli etinsukwini tekugcina—Israyeli utawugcogcwa futsi asindziswe, lababi batawukusha njengetinhlanga—Umbuso wadeveli utawubhujiswa, Sathane utawuboshwa. Cishe ngemnyaka wa 588 kuya kuwa 570 ngaphambi kwekutalwa kwaKhristu.