1 Makiramdam, O ikayung Gentil, at pakiramdaman ding amanu nang Jesucristo, ing anak ning mabie Dios, a minutus kaku para magsalita ku agpang keka, uling, lawan inutus naku a dapat kung isulat, a sasabing:

2 Gumulut, ikayung anggang Gentil, ibat karing kekayung marok a paralan; at sumisi karing kekayung marok a dapat, karing kekayung kalaraman at pamamurait, at king kekayung pamaglandi, at king kekayung makasalikut a makasumaming dapat, at ing kekayung pamaniamba karing dios-diosan, at king kekayung pamakamate at ding kekayung mapanlinlang a sacerdote, at ing kekayung pamangandiria, at ding kekayung pamipate, at ibat karing kekayung anggang karokan at makasumaming dapat, at munta kayu kaku, at mabinyag king kakung lagiu, bang atanggap yu ing kapatawaran karing kekayung kasalanan, at kumatmu king Espiritu Santo bang mipabilang kayu karing kakung tau a kayabe king bale ning Israel.