1 Chiney, e napʼan ni Ammon e be fil ngakʼ fapi gidiiʼ ku Lamoni iyaen, ma ngad suloed ko fare chep ku Aaron nge pi walagen; ya tomuren ni chuw u lan fare binaw nu Middoni me powiʼiy fare Kan ni Thothup iyaen ko fare binaw ku Nephi, nge madaʼ ko naʼun rokʼ fare pilung niʼir e gaaʼ u gaʼangin yang e nam ma kemus ni yigoʼ fare binaw ku Ishmael; ma ire chitamangin Lamoni.

2 Me yibi buch ni yaen ngakʼ nga naʼun u tafen fare pilung, ni yaed pi walagen, me siroʼ u pʼoewchen fare pilung, me gaʼar ngakʼ: Musap, O pilung, gamaed pi walagen Ammon, ni gamaed e kam chuwegmaed faram u kalbus.

3 Ere chiney, O pilung, faʼanra dab mu liiʼmaed, ma gamaed ramang tapigpig rom. Me gaʼar fare pilung ngoraed: Mpuw gaed ngalang, ya gura piiʼ e yafos romed ngomed, ma dab gu pagmed ni ngam manged tapigpig rog; machane gura athapegmed riy ni ngam machib niged gag; ya ke wagaey laninʼug ni bachan fini gol nge fini felʼ fapi thin rokʼ walagmed i Ammon; ma gube athapeg ni nggu nang ko mang fan ni deʼun ngomed nga wuruʼ yu Middoni.

4 Me gaʼar Aaron ngakʼ fare pilung: Musap, fare Kan ni Thothup ku Somoel e ku bay bang niki pining ni ngki yaen ngay; ke yaen ko fare binaw ku Ishmael, ni nge fil fare thin rokʼ ngakʼ fapi gidiiʼ ku Lamoni.

5 Ma aram me gaʼar fare pilung ngoraed: Mang e biney ni kam weliyed ni morngaʼagen fare Kan ni Thothup ku Somoel? Musap gaed, ireray e renʼen ni be balyang anʼug riy.

6 Ma ku, mang e bin baʼaray ni yoeg Ammon—Faʼan gara kalngaenʼ ma gara thap, ma faʼanra dab mu kalngaenʼ, ma yira chuwegem ko bin tomur e rran?

7 Me piiʼ Aaron e fulweg rokʼ me gaʼar ngakʼ: Ba mich u wunʼum ni bay e Got? Me gaʼar fare pilung: Gumanang ni fapi Amalekites e yaed mayoeg ni bay e Got, ma kug piiʼ matʼa wongraed ni ngar toeyed e galasia, ni nge yog nra moʼolung gaed nga taʼabang ngar liyoer gaed ngakʼ. Ma faʼanra chiney e gimed be yoeg ni bay e Got, meʼere musap gaed ra mich u wunʼug.

8 Ere chiney e napʼan ni rungʼag Aaron e biney, ma arame ri falfalaenʼ, me gaʼar: Musap, aram fini riyulʼ ni gab fos, O pilung, ma aram fini riyulʼ ni bay e Got.

9 Me gaʼar fare pilung: I Got e ire fa Bin Gaaʼ e Kan ni fek e pi chitamangdaed nga wuruʼ fare binaw nu Jerusalem?

10 Me gaʼar Aaron ngakʼ: Arragon, i ir fa Bin Gaaʼ e Kan, niʼir e sunmiy gubin banʼen ni bay u tharmiy ngu fayleng. Be mich u wunʼum e biney?

11 Me gaʼar: Arragon, rib mich u wunʼug ni fa Bin Gaaʼ e Kan e sunmiy urngin banʼen, ma gubaʼadag ni ngam weliy ngog morngaʼagen gubin e pinnʼey, ma ra mich u wunʼug e thin rom.

12 Me yibi buch u napʼan ni guy Aaron ni fare pilung e ra mich u waenʼ e thin rokʼ, ma arame yaeni tabab ko ngiyalʼ ni sum Adam, ni be poey fapi chep nib thothup ngakʼ fare pilung—u rogon ni sunmiy Got e gidiiʼ ni boed yaʼan, me piiʼ Got e motochiyel ngoraed, ma bachan e denen, ma arame mul e gidiiʼ.

13 Ere Aaron e weliy fan ngakʼ fapi chep nib thothup ni tabab ko ngiyalʼ nni sunmiy Adam, ni be tamilngeg ngakʼ fan nge rogon e mul ni tay e gidiiʼ, nge dodow ni wokon e tinu fayleng, nge fare woʼen e bayul, nni yarmiy aram ko sommʼon nni sunmiy e fayleng, u dakean Kristus, ni fan ngakʼ e piʼin nra michaenʼraed nga fithingan.

14 Ere bachan e mul ni tay e gidiiʼ ma arame daki bung rograed ni nge yog e tawaʼath ngoraed; machane fapi gafgow nge yamʼ ni tay Kristus e bayuliy e pi denen roraed, u dakean e mich nge kalngaenʼ, nge ku boech; ma arame thang wolbuwan e yamʼ, ni arame dabi gel e loew ko yamʼ, ma gafgow ni yamʼ e bayi mʼayfan nga fithikʼ e athap ko rir; ere Aaron e tamilngeg gubin e pinnʼey ngakʼ fare pilung.

15 Me yibi buch u tomuren ni Aaron e ke tamilngeg e pinnʼey ngakʼ, me gaʼar fare pilung: Manga nggu rinʼ me yog ngog e re yafos ney ni manechubog ni kam weliy morngaʼagen? Arragon, manga nggu rinʼ me yog ni ngug mang fak Got, me puw e biney e yaʼel nib kireb nge chuw u lan ngorongreg, mug thapeg fare Kan ni Thothup rokʼ, ni nge yog nug sug ko falfalaenʼ, ni nge siy ni chuwegeg ko bin tomur e rran? Musap gaed, i gaʼar: Gura pag gubin e pinʼen ni bay rog, arragon, gura pag e lung rog, ni nge yog ni yog ngog e biney e falfalaenʼ.

16 Machane Aaron e gaʼar ngakʼ: Faʼanra gabe athapeg e rennʼey, ma faʼan gara yipʼ oewchem nga butʼ u pʼoewchen Got, arragon, faʼan gara kalngaenʼ ko gubin e denen rom, mag yipʼ oewchem nga butʼ u pʼoewchen Got, mag pining fithingan u fithikʼ e mich, nibe mich u wunʼum ni rayog ngom, ma arame rayog ngom e re athap ni gabaʼadag.

17 Me yibi buch u napʼan ni yoeg Aaron e pi thin ney, ma fare pilung e yipʼ oewchen nga butʼ u pʼoewchen Somoel, ni ke ragbug; arragon, nge madaʼ ko ngiyalʼ ni ke paraw nga butʼ, me non nib gaaʼ laman, ni be gaʼar:

18 O Got, Aaron e ke yoeg ngog ni bay e Got; ma faʼanra bay e Got, ma faʼanra gur Got, muguy rogon nggu nangem, ma gura pag gubin e pi denen rog ni bachan e nggu nangem, ma gomanga yog ni ngug chuw u paʼ e yamʼ, mug thap ko bin tomur e rran. Ere chiney e napʼan ni fare pilung e ke yoeg e pi thin ney, me mirgey ni gowa ke yimʼ.

19 Me yibi buch ni fapi tapigpig rokʼ e ra miil gaed ngak ranoed roeged nga faʼen ni leʼengin e pilung gubin e pinʼen ni ke buch ko fare pilung. Me yib ngakʼ fare pilung; ma napʼan ni guy nib thig u butʼ ni gowa ke yimʼ, nge ku Aaron nge pi walagen ni yaed ba sakʼiy ni gowa yaed tapgin ni ke aw nga butʼ, me damomuw ngoraed, me yoeg ko pi tapigpig rokʼ ara fapi tapigpig ko fare pilung, ni ngar fekedraed ngar liiʼedraed ngar mʼaed.

20 Machane fapi tapigpig e kar guyed ko mang e rinʼ me aw fare pilung nga butʼ, ere dar mʼagaenʼraed ngay ni ngar math gaed ngakʼ Aaron nge walagen; ere ur wenig gaed ngakʼ faʼen leʼengin e pilung ni yaed be gaʼar: Mang fan ni gabe yoeg ni nggu liiʼed e pi pumoʼon ney, nra taʼbagyaed ma bagael ngodaed ni gaed gubin? Ere thingar da aw gaed nga butʼ u pʼoewchraed.

21 Ere chiney ni guy faʼen leʼengin e pilung fapi tapigpig ni kar rus gaed ma ki rus ni rib gel, ma riki yib boech e moʼoniyanʼ nga dakean. Ere yoeg ko fapi tapigpig rokʼ ni nga ranoed ngar pininged e gidiiʼ, ni ngar liiʼed Aaron nge pi walagen.

22 Ere napʼan ni guy Aaron e nʼen ni be nomeg faʼen leʼengin e pilung, ma kumnang fini ʼelʼel gumʼirchaʼen fapi gidiiʼ, me magar ngay ni nge mukun buʼulung i gidiiʼ nga taʼabang, ya ra almarin e togopluw nge wagagaey nga fithikʼraed; ere kʼiyeg paʼ nge bigbigiy fare pilung nge suwon ngalang, me gaʼar ngakʼ: Mu sakʼiy. Me sakʼiy, me sul gelingin ngakʼ.

23 Ere chiney e rennʼey e nrinʼ u pʼoewchen faʼen leʼengin e pilung nge boech fapi tapigpig nib yoʼor. Ma napʼan ni kar guyed me gin oewchraed ngay, ma aram mar rus gaed. Ma fare pilung e sakʼiy nga mʼon, me tabab i weliy fare thin ngoraed. Ere me weliy ni aram rogon nge yaeni mus nga chon e tabinaew rokʼ ni yaed gubin ma ke michaenʼraed ngakʼ Somoel.

24 Ere chiney e immoy ba ulung i gidiiʼ nra moʼolung gaed nga taʼabang ni bachan e motochiyel rokʼ faʼen leʼengin e pilung, ma arame tabab e nonnon nib almarin nga fithikʼraed ni bachan e Aaron nge pi walagen.

25 Machane fare pilung e sakʼiy nga mʼon u fithikʼraed nge welthin ngoraed. Me wurengaenʼraed ngakʼ Aaron nge piʼin ni yaed bay rokʼ.

26 Me yibi buch u napʼan ni guy fare pilung fapi gidiiʼ ni ke wurengaenʼraed, me guy rogon Aaron nge pi walagen ni ngar sakʼiy gaed nga mʼon u lulukungun e ulung roraed, ni ngar machib niged fare thin ngoraed.

27 Me yibi buch ni fare pilung e piiʼ ba bbugi thin nge yaen u dakean gaʼangin yang fare binaw, u fithikʼ gubin e gidiiʼ rokʼ ni yaed bay u lan gubin e binaw rokʼ, ni yaed bay ko pi binaw nib liyeg e ginnʼem, ni bay nga mathil iyaen nge madaʼ ko day, u baʼan ngek ngu baʼan ngael, mab kiiʼ ko fare binaw nu Zarahemla nibe kiiʼeg bangi wuruʼ e binaw nib achig radan, ni yib ko day ni ngek nge yaen ko day ni ngael, me yaen nge liyeg e pi mathil nu dappʼeday, nge pi mathil nu wuruʼ e binaw ni bay nga baʼan leluʼoch u charen e binaw nu Zarahemla, me yaen u dakean e pi mathil nu Manti, u bugul fare lulʼ ni Sidon, nib yaen u ngek nib sor ko ngael—ere aray rogon ni fapi Lamanites nge fapi Nephites ni yaed ba kiiʼ u butʼ.

28 Chiney, e bagaʼ ni tin baʼaray nib gameed ko fapi Lamanites e yaed ma paer u lan wuruʼ e binaw, ma yaed ma paer u lan e tent; ma kar garar gaed u wuruʼ e binaw u baʼan ngael, u lan e binaw ku Nephi; arragon, nge ku aram rogon ko baʼan ngael ko fare binaw nu Zarahemla, u mathil u charen e day, ngu baʼan ngael u lan fare binaw ku Nephi, ko gin ni sommʼon ni tafnay e pi chitamangraed, nge aram rogon iyaen u mathil u dappʼelʼay.

29 Ma kub yoʼor e Lamanites ni bay nga baʼan ngek u charen e day, ko gin ni ke piiʼraed fapi Nephites ngay. Ere aray rogon ni fapi Nephites e ba chugur ni nge liyegraed fapi Lamanites; machane fapi Nephites e kar suweyed gaʼangin yang nga leluʼoch ko binaw ni bay nga mathil u wuruʼ e binaw, u bugul fare lulʼ ni Sidon, ni tabab ko ngek nge yaen ko ngael, nge liyeg e baʼan wuruʼ e binaw; ko leluʼoch, nge yibi madaʼ ko fare binaw ni karoeged ni Galwog.

30 Ma bay nga dakean e mathil ko fare binaw ni fithingan e Kanpag, ni bachan e bakan nga leluʼoch ni yib nga lan fare binaw ni immoy e gidiiʼ riy ma kan liiʼraed, ni ireram e piʼin bay yilraed ni kad weliyed morngaʼagen, niʼir faram e pirʼeg fapi gidiiʼ nu Zarahemla, ni ireram e gin sommʼon nnib ngay.

31 Marbaed u rom nga lan wuruʼ e binaw ko yimuch. Ere aray rogon e binaw ni bay nga leluʼoch ni fithingan e Kanpag, ma binaw ni bay nga yimuch e kanoeg ni Galwog, niʼir wuruʼ e binaw nib sug ko gubin e gamanman ni malboch ni gubin mit, ni bang riy e yib ko fare binaw nib kan nga leluʼoch ni fan ko ggan.

32 Ere chiney, e kemus ni reb nge baley e rran napʼan e milekag ni ma tay e Nephite riy, u dakean e mathil nu Galwog nge fare binaw ni fithingan e Kanpag, ni yib ko ngek nge yaen ko day ko ngael; ere aray rogon fare binaw ku Nephi nge fare binaw nu Zarahemla nib chugur ni nge liyeg e day, ma bay bangi binaw nib achichig u thilin e binaw ni bay nga leluʼoch nge binaw ni bay nga yimuch.

33 Me yibi buch ni fapi Nephites e ra tafnayed fare binaw ni Galwog, ni tabab ko ngek nge yaeni madaʼ ko day u baʼan ngael, ere aray rogon ni fapi Nephites u fithikʼ e gonop roraed, ni yaed e matanag roraed nge salthaw roraed, e kar thabeyed fapi Lamanites ni bay ko yimuch, ni nga dab kur feked e binaw ni bay ko leluʼoch, ni nga dabiyog ni ngar suweyed e binaw ni bay nga lan e leluʼoch.

34 Ere fapi Lamanites e dab kiyog nra feked bayang ma kemus ni lan fare binaw ku Nephi, nge wuruʼ e binaw nib liyeg. Chiney e ireray rogon ni gonopiy fapi Nephites—ni bachan fapi Lamanites e bogi toʼogor ngoraed, ma dabra paged ni ngan gafgow nagraed u gubin yang, ma ngki yog ni bay bang ni rayog ni ngar miil gaed ngay, nrogon ni yaed baʼadag.

35 Ere chiney ni gag, u tomuren ni kug mu i weliy e pinnʼey, mug sul bayay ko fare chep ku Ammon nge Aaron, Omner nge Himni, nge pi walagraed.