1 Sese, idahaemi edikem ete edidem mme Lamanite ɔnɔ ntɔt ke otu kpukpru ikɔt esie, ete mmɔ ukumia Ammon, mme Aaron, mme Omner, mme Himni, ye nditɔ eka mmɔ ndomo kiet emi edikade ndikwɔrɔ ikɔ Abasi, ke ebiet ekededi emi mmɔ edidude, ke ebiet ekededi ke isɔŋ mmɔ.

2 Iŋ, enye ɔnɔ ewuhɔ ke otu mmɔ, ete mmɔ ekumum mmɔ ndibɔp mmɔ, mme ndisin mmɔ ke ufɔk ŋkpɔkɔbi; ŋko yak mmɔ ekufiari mmɔ etap, mme ndimia mmɔ, mme ndibin mmɔ nsio ke mme synagogue mmɔ, mme ndimia mmɔ ufen; ŋko yak mmɔ ekutop mmɔ ke itiat, edi ete yak mmɔ eyak mmɔ eduk ufɔk mmɔ nte emama, ŋko ye mme temple mmɔ, ye ndisana ebiet mmɔ.

3 Ndien ke ntem mmɔ eyeka enyuŋ ekwɔrɔ ikɔ nte asaŋade ye mme uduak mmɔ, koro edidem ama akabare esit ɔnɔ Jehovah, ye kpukpru ufɔk esie; ke ntak oro enye ɔnɔ ntɔt esie ke ofuri isɔŋ oro esɔk ikɔt esie, man ikɔ Abasi ukunyene se ikpande enye, edi man enye aka iso ke kpukpru isɔŋ oro, man ikɔt esie enyene ifiɔk ebaŋa mme ibak ido mme ete mmɔ, ndien man mmɔ enyene ifiɔk ete ke kpukpru mmɔ ekedi nditɔ eka, ndien man mmɔ ekuwot owo, mme ndikan owo ubɔk, mme ndiyip inɔ, mme ndisin efibe, mme ndinam utɔ ibak ndomo kiet.

4 Ndien idahaemi edikem ete kini edidem ama ɔkɔnɔ ntɔt emi, ete Aaron ye nditɔ eka esie eka ke obio ke obio, ye ke ufɔk ukpono kiet kiet tutu esim efen, esiak mme ufɔk Abasi, eyet mme oku ye mme andikpep aran ke ofuri isɔŋ ke otu mme Lamanite, man ekwɔrɔ enyuŋ ekpep ikɔ Abasi ke otu mmɔ; ndien ke ntem mmɔ etɔŋɔ ndinyene uwak mfɔn.

5 Ndien ema eda mme tɔsin edi ke ifiɔk Jehovah, iŋ, ema eda mme tɔsin edi ete edibuɔtidem ke mme ido mme Nephite; ndien ema ekpep mmɔ mme ŋwed ye mme prophecy emi ekeyakde enɔ tutu esim idahaemi.

6 Ndien ke akpanikɔ ke adaŋa nte Jehovah odude uwem, ke akpanikɔ ke adaŋa nte ediwak emi ekebuɔtde idem, mme ke adaŋa nte ediwak emi ekedade edi ifiɔk akpanikɔ, oto ke ukwɔrɔ ikɔ Ammon ye nditɔ eka esie, nte asaŋade spirit eriyarare ye eke prophecy, ye odudu Abasi emi anamde mme utibe ŋkpɔ ke mmɔ—iŋ, ami ndɔhɔ mbufo, adaŋa nte Jehovah odude uwem, ke nte ediwak mme Lamanite emi ebuɔtde idem ke ukwɔrɔ ikɔ mmɔ, ndien ekabare esit enɔ Jehovah, ikifiakke edem.

7 Koro mmɔ ema ekabare edi ndinen owo; mmɔ ema eyak mme ŋkpɔ ekɔŋ nsɔŋ ibuot mmɔ enim, man mmɔ ekuŋwana ye Abasi aba, nko ye eyen eka mmɔ ndomo kiet.

8 Idahaemi, mmɔ emi edi mmɔ emi ekekabare esit enɔ Jehovah:

9 Ikɔt mme Lamanite emi ekedude ke isɔŋ Ishmael;

10 Ŋko ye ikɔt mme Lamanite emi ekedude ke isɔŋ Middoni;

11 Ŋko ye ikɔt mme Lamanite emi ekedude ke obio Nephi;

12 Ŋko ye ikɔt mme Lamanite emi ekedude ke isɔŋ Shilom, ye emi ekedude ke isɔŋ Shemlon, ye ke obio Lemuel, ye ke obio Shimnilon.

13 Ndien emi edi mme enyiŋ mme obio mme Lamanite emi ekekabarede esit enɔ Jehovah; ndien emi edi mmɔ emi ekeyakde mme ŋkpɔ ekɔŋ nsɔŋ ibuot mmɔ enim, iŋ, kpukpru ŋkpɔ ekɔŋ mmɔ; ndien kpukpru mmɔ ekedi mme Lamanite.

14 Ndien mme Amalekite ikikabakare esit, ibɔhɔke owo kiet; ŋko owo mme Amulonite ndomo kiet ikikabakede esit; edi mmɔ ema esɔŋ esit mmɔ, nko ye esit mme Lamanite ke ŋkaŋ isɔŋ oro ke ebiet ekededi emi mmɔ ekeduŋde, iŋ, ye kpukpru mme efak mmɔ ye kpukpru mme obio mmɔ.

15 Ke ntak oro, nnyin imisiak kpukpru mme obio mme Lamanite emi mmɔ ekekabare esit enyuŋ edi ke ifiɔk akpanikɔ, ndien ema ekabare esit.

16 Ndien idahaemi edikem ete edidem ye mbon emi ekekabare esit ema enyene udɔŋ ete mmɔ enyene enyiŋ, man otodo ebahade mmɔ ye nditɔ eka mmɔ; ke ntak oro edidem ɔkɔk ibuot ye Aaron ye ediwak oku mmɔ, ebaŋa enyiŋ emi mmɔ edidade inɔ idem mmɔ, man mmɔ enyene ukpuhɔre.

17 Ndien edikem ete mmɔ ekot enyiŋ mmɔ mme Anti-Nephi-Lehi; ndien ekekot mmɔ ke enyiŋ emi ndien owo ikikotke mmɔ mme Lamanite aba.

18 Ndien mmɔ ema etɔŋɔ ndidi mbon emi esinde idem enam utom eti eti; iŋ, ndien mmɔ enam ufan ye mme Nephite; ke ntak oro, mmɔ enam ama ye mmɔ, ndien isuŋi Abasi ikisimke mmɔ aba.