1 Ndien edikem ete mme Nephite emi mme ŋkpɔ ekɔŋ mikiwotke, kini ema ekebuk mmɔ emi ekewotde—idahaemi owo ikibatke ibat mme owo emi ekewotde, ke ntak ibat mmɔ okokponde—kini mmɔ ema ekekure ndibuk mme akpa mkpa mmɔ kpukpru mmɔ enyɔŋ eka mme isɔŋ mmɔ, ye mme ufɔk mmɔ, ye iban mmɔ, ye nditɔ mmɔ

2 Idahaemi ema ewot ediwak iban ye nditɔ ye akaŋkaŋ, ŋko ye mme ufene mmɔ ye mme enaŋ mmɔ; ndien ŋko ema esobo ediwak mme iŋwaŋ mkpasip mmɔ, koro udim owo ema edihi mmɔ.

3 Ndien idahaemi nte ediwak mme Lamanite ye mme Amlicite emi ekewotde ke mben akpa Sidon ema etop mmɔ edɔŋ ke mme mmɔŋ Sidon; ndien sese mme ɔkpɔ mmɔ edu ke udem inyaŋ, ndien mmɔ ewak.

4 Ndien ema ebahare mme Amlicite ye mme Nephite, koro mmɔ ema enim idem mmɔ idiɔŋɔ ye ndatndat ke ɔkpɔ-iso ukem ukem nte mme Lamanite; edi mmɔ ikikwatke idet mmɔ nte mme Lamanite.

5 Idahaemi ema ekwat ibuot mme Lamanite; ndien mmɔ ekedi iferi, ibɔhɔke ekedide ikpa unam ekekunede ke isin mmɔ, ŋko ye ŋkpɔ ekɔŋ mmɔ, emi mmɔ ekekunede, ye mme utigha mmɔ, ye mme idaŋ mmɔ, ye mme itiat mmɔ, ye mme ikaŋ ɔkpɔ mmɔ, ye ntre ŋko.

6 Ndien ikpa idem mme Lamanite ekedi obubit, nte asaŋade ye idiɔŋɔ emi ekenimde mme ete mmɔ, emi ekedide isuŋi ɔnɔ mmɔ ke ntak ndudue mmɔ ye nsɔŋ ibuot mmɔ kabaŋa nditɔ eka mmɔ, emi ekedide Nephi, Jacob, ye Joseph, ye Sam, emi ekedide ndinen ye ndisana owo.

7 Ndien nditɔ eka mmɔ eyom ndiwot mmɔ, ke ntak oro esuŋi mmɔ; ndien Jehovah Abasi enim mmɔ idiɔŋɔ, iŋ, ke Laman ye Lemuel, ŋko ye nditɔ iren Ishmael, ye iban Ishmaelitish.

8 Ndien ekenam emi man ubon mmɔ enyene ubahare ye ubon nditɔ eka mmɔ, man oto do Jehovah Abasi etim ikɔt esie enim, man mmɔ ukubuaha unyuŋ ubuɔtidem ye mme ido emi ediwɔrɔde ke nsobo mmɔ.

9 Ndien edikem ete ke owo ekededi emi ekenyenede nditɔ yemme Lamanite ama ada ukem ukem isuŋi oro ɔnɔ ubon esie.

10 Ke ntak oro, owo ekededi emi akayakde idem esie ete mme Lamanite eda ewɔrɔ ekekot enye ke ibuot oro, ndien ema edori enye idiɔŋɔ ke idem.

11 Ndien edikem ete ke owo ekededi emi mibuɔtke idem ke ido mme Lamanite, edi ɔbuɔtidem ke mme ŋwed oro emi ekedade eto isɔŋ Jerusalem edi, ŋko ye ke ido mme ete mmɔ, emi ekedide nnen nnen, emi ekebuɔtde idem ke mme ibet Abasi onyuŋ enimde mmɔ, ekekot mmɔ mme Nephite, mme ikɔt Nephi, tɔŋɔ ke ini oro ka iso—

12 Ndien edi mmɔ ewet mme ŋwed emi edide akpanikɔ abaŋade ikɔt mmɔ, ŋko ye ikɔt mme Lamanite.

13 Idahaemi nnyin iyifiak ika mbuk mme Amlicite, koro mmɔ ŋko ema enyene idiɔŋɔ emi ekenimde mmɔ ke idem; iŋ, mmɔ ekenim idem mmɔ idiɔŋɔ oro, iŋ, kpa idiɔŋɔ ndatndat ke ɔkpɔ-iso mmɔ.

14 Ke ntem ke ikɔ Abasi osu, koro emi edi mme ikɔ emi enye eketiŋde ɔnɔ Nephi ete: Sese, mme Lamanite ke ami nsuŋi, ndien ami nyenim idiɔŋɔ ke idem mmɔ man mmɔ ye ubon mmɔ enyene ubahare ye afo ye ubon fo, tɔŋɔ kini emi ka iso ye ke nsinsi, ibɔhɔke mmɔ ekabare esit ebaŋa ibak mmɔ enyuŋ enyɔŋ etiene mi man ami nyene mbɔm mbaŋa mmɔ.

15 Ndien ŋko: Ami nyenim enye idiɔŋɔ emi enyenede nditɔ ye nditɔ eka fo, man esuŋi mmɔ ŋko.

16 Ndien ŋko: Ami nyenim enye idiɔŋɔ emi aŋwanade ye afo ye ubon fo,

17 Ndien nko, ami ndɔhɔ ke enye emi esinde fi ke owo idikotke enye ubon fo aba; ndien ami nyediɔŋ fi, ndien owo ekededi emi edikotde ubon fo, tɔŋɔ ke emi ye ke nsinsi; ndien emi ekedi mme eŋwɔŋɔ Jehovah ɔnɔde Nephi ye ubon esie.

18 Idahaemi mme Amlicite ikifiɔke ete ke mi mmɔ ikinam mme ikɔ Abasi osu kini mmɔ eketɔŋɔde ndinim idem mmɔ idiɔŋɔ ke ɔkpɔ-iso mmɔ; edi mmɔ ema edu ke aŋwa-aŋwa nsɔŋ ibuot ye Abasi; ke ntak oro ama ɔfɔn ete isuŋi oro esim mmɔ.

19 Idahaemi ami nyom nte yak mbufo ekut ete ke mmɔ ekeda isuŋi emi enɔ idem mmɔ; ndien kpa ntem ke owo kiet kiet emi esuŋide ada ubiom ikpe ɔnɔ idem esie.

20 Idahaemi edikem ete ke ediwak usen ikibehe kini ekɔŋ emi ekeŋwanade ke isɔŋ Zarahemla, ke mme Lamanite ye mme Amlicite, ete ke mbon ekɔŋ mme Lamanite efen ema edi ekɔŋ ye ikɔt Nephi, ke ukem ebiet emi akpa mbon ekɔŋ ekeŋwanade ye mme Amlicite.

21 Ndien edikem ete ke ema edɔŋ mbon ekɔŋ ekebin mmɔ esio ke isɔŋ mmɔ.

22 Idahaemi Alma ke idem esie ke ema ekenɔ enye unan ikidɔkke ika ekɔŋ kini emi ye mme Lamanite;

23 Edi enye ɔdɔŋ ediwak mbon ekɔŋ ekeŋwana ye mmɔ; ndien mmɔ edɔk eka enyuŋ ewot ediwak mme Lamanite, enyuŋ ebin nsuhɔ mmɔ esio ke mme adaŋa isɔŋ mmɔ.

24 Ndien mmɔ efiak enyɔŋ edi enyuŋ etɔŋɔ ndisiak emem ke isɔŋ, koro mfina mikiduhe aba ke esisit ini ye mme asua mmɔ.

25 Idahaemi ekenam kpukpru ŋkpɔ emi, iŋ, kpukpru mme ekɔŋ ye mme eneni emi eketɔŋɔ enyuŋ etre ke ɔyɔhɔ isua ukara ition mme ebiere ikpe.

26 Ndien ke isua kiet ke ekewot mme tɔsin ye mme tɔsin ukpɔŋ ke itie duop, man mmɔ edɔk mme utip mmɔ nte utom mmɔ edide, mme mmɔ ekedi eti mme mme mmɔ ekedi idiɔk, ndidɔk nsinsi inemesit mme nsinsi ukut, nte asaŋade ye spirit emi mmɔ ekemekde ndisuk ibuot nnɔ, mme enye edi eti spirit mme edi idiɔk esie.

27 Koro owo kiet kiet ɔbɔ mme utip esie oto enye emi enye ekemekde ndisuk ibuot nnɔ, ndien emi nte asaŋade ye mme ikɔ spirit prophecy; ke ntak oro yak enye edi nte asaŋade ye akpanikɔ. Ndien ke ntem ke ɔyɔhɔ isua ukara ition mme ebiere ikpe eketre.