1 Musap gaed, chiney e yibi buch u tomuren fapi gidiiʼ ku Ammon e kan ayliyraed nga lan fare binaw nu Jershon, arragon, nge ku tomuren ni fapi Lamanites e kan tulufraed u lan fare binaw, ma pi ldoew roraed e kʼeyag fapi gidiiʼ ko fare binaw—

2 Chiney e pi ldoew roraed e dan thiʼegraed ni bachan e kayug ra yoʼor gaed; ma ku aram rogon ko pi ldoew ko fapi Nephites ni dan thiʼegraed—machane yibi buch u tomuren ni kar kʼeyaged e pi ldoew roraed, nge ku tomuren fare rran ni un baley nag e abich, mayoer, nge meybil, (ni aram u lan e bin ragag nge nelʼ e duw ko fare lung ko fapi tapuf-oloboch nga dakean fapi gidiiʼ ku Nephi) me tabab i ʼulʼul e gapas u dakean gaʼangin yang e nam.

3 Arragon, ma fapi gidiiʼ e ruguyed rogon ni ngar fol gaed ko pi motochiyel ku Somoel; mi yaed yulʼyulʼ i muguʼuliy e pi gamʼing ku Got, u rogon fare motochiyel ku Moses; ya ni fil ngoraed ni ngar fol gaed ko fare motochiyel ku Moses nge madaʼ ko ngiyalʼ ni ke muguʼul.

4 Ere aray rogon ni paer fapi gidiiʼ ni dariy beeʼ ni gatheay e gapas roraed ni poloʼ e bin ragag nge nelʼ e duw ko fare lung ko fapi tapuf-oloboch nga dakean fapi gidiiʼ ku Nephi.

5 Me yibi buch u napʼan ni tabab e bin ragag nge medilip e duw ko lung ko fapi tapuf-oloboch, ma kab aw e gapas.

6 Machane yibi buch u langgin tungun e bin ragag nge medilip e duw, me yib beeʼ nib moʼon nga lan fare binaw nu Zarahemla, ni ire toʼogor ku Kristus, ya ire tabab ko machib ngakʼ fapi gidiiʼ nib togopluw ko fapi prophecy ni tay fapi profet, ni morngaʼagen fare wub ku Kristus.

7 Ngiyalʼ ney e dariy ba motochiyel nib togopluw nga rogon e mich rokʼ beeʼ; ya rib togopluw ko motochiyel ku Got ni ngan sunmiy ba motochiyel ni nge dab ki taʼareb nag e gidiiʼ u butʼ.

8 Ya aray rogon ni yoeg fare chep nib thothup: Mu dugiliyed e biney e rran ko miniiʼ e ngam pigpig gaed ngakʼ.

9 Chiney e faʼanra bay beeʼ ni baʼadag ni nge pigpig ngakʼ Got, ma ir rokʼ u matawon laniyaenʼ; ara, faʼanra ba michaenʼ ngakʼ Got ma ir u matʼawon laniyaenʼ ni nge pigpig ngakʼ; machane faʼanra de michaenʼ ngakʼ ma dariy e motochiyel ni be yoeg ni ngan gechig nag riy.

10 Machane faʼanra thang beeʼ e fan rokʼ beeʼ ma ngan gechig nag ni yamʼ; ma faʼanra moroʼroʼ beeʼ ma kiyra gechig nag; ma faʼanra iring beeʼ banʼen ma kiyra gechig nag; ma faʼan yow ra paer beeʼ ni gathi mabgol rokʼ ma kiy ra gechig nag; arragon, ya gubin e pi ngongol ney nib kireb ma ni gechig nagraed riy.

11 Ya bay ba motochiyel ni gidiiʼ e thingar ni pufthin nagraed u rogon e oloboch roraed. Machane, dariy e motochiyel nib togopluw ko mich ko gidiiʼ; ere, ra beeʼ ma yira gechig nag ko pi oloboch ni ke bucheg; ere aramfan ni gubin e gidiiʼ ma taʼareb rogon u butʼ.

12 Ma re toʼogor ku Kristus ney, ni fithingan i Korihor, (ma fare motochiyel e dariy gelingin ni nge tileg) e tabab i machib nag ngakʼ fapi gidiiʼ ni dariy Kristus. Ere baʼaray rogon ni machib, nibe gaʼar:

13 O gimed e piʼin ni kam mʼaged gimed kam pired u butʼ u tan ba gagyeg ni meechiyang nge ba athap ni dariy, mangfan ni gimed be mʼagmed nga bogi banʼen ni dariy fan? Mangfan ni gimed be sap nag ba Kristus? Ya dariy beeʼ nra yog ni nge nang ko mang e bay yib.

14 Musap gaed, pinnʼey ni gimed be yoeg ni bogi prophecy, ni gimed be yoeg ni ke af iyib nga butʼ u paʼ e pi profet nib thothup, musap gaed, bogi yalen rok e pi chitamangmed nib meechiyang.

15 Mang e ke rinʼ make dugil u wunʼmed nib riyulʼ? Musap gaed, dabiyog ni ngam nanged morngaʼagen bogi banʼen ni damur guyed; ere dabiyog ni ngam nanged ni bay ba Kristus.

16 Kam changar gaed nga mʼon kamoeged ni gimed be guy ba ngiyalʼ i nʼen ni bay ni nʼaegfan e pi denen romed. Machane musap gaed, ireyer ni ke gabliymed ba tafnaey ni sabalbalyang; ma biney e sabalbalyang ko tafnaey romed e yib ni bachan fapi yalen ko pi chitamangmed, ni wawliymed nga orel nge michaenʼmed nga bogi banʼen ni deriyulʼ.

17 Ma kub yoʼor boech bogi banʼen ni aram rogon ni weliy ngoraed, ni be yoeg ni dariy bbayul ni ngan falʼeg ni fan ko pi denen ko gidiiʼ, ya gubin e gidiiʼ ma bay waʼathan u lan e biney e yafos u rogon ni be gagyeg nag ir; ere gubin e gidiiʼ ma be monʼog u rogon e llowaenʼ rokʼ, ere gubin e gidiiʼ ma rayog rokʼ banʼen u rogon gelingin; ma demutrug ko mang e rarinʼ beeʼ ma de kireb.

18 Ere aray rogon ni machib ngoraed, nib yoʼor e piʼin ni wawliy gumʼirchaʼen nga orel, mar puged oewchraed ngalang ngar ʼuf gaed nga fithikʼ e pi denen roraed, me wawliy e piʼin nib ppin nga orel nib yoʼor, nge piʼin pumoʼon, ni ngar rinʼed e tin galong banʼen—ma be yoeg ngoraed u napʼan ni ra yimʼ beeʼ, ma kemus e yafos rokʼ aram.

19 Ere chiney e re moʼon ney e ki yaen ko fare binaw nu Jershon, ni nge machib nag e pinnʼey u fithikʼ fapi gidiiʼ ku Ammon, ni ur moyed ba ngiyalʼ i nʼen ni yaed fapi gidiiʼ ko fapi Lamanites.

20 Machane musap gaed bagael boech e gonop roraed ngakʼ boʼor i yaed fapi Nephites; ya rafeked, ngar mʼaged, mar feked iyaen nga pʼoewchen Ammon, ni ire tolang ko priest ko tinem e gidiiʼ.

21 Me yibi buch ni yoeg ni ngan chuweg u lan e binaw. Me yib nga lan fare binaw nu Gideon, ma arame tabab ko machib ngakʼ e tinem e gidiiʼ; ma deyog ni felʼ rogon e tin be lemnag u roey, ya ni koel ngan mʼag min fek iyaen nga pʼoewchen e chaʼ nib tolang ko priest, nge chaʼ ni pilung ko tapuf-oloboch ko fare binaw.

22 Me yibi buch ni fare tolang ko priest e gaʼar ngakʼ: Mangfan ni gabe yaen iyaen nga um thilthilyeg e pi yalen Somoel? Mang ni gabe machib nag e pi gidiiʼ ney ni dariy Kristus, ni ngam wagagaey nag e falfalaenʼ roraed? Mang ni gabe non nib togopluw ko gubin fapi prophecy ko fapi profet nib thothup?

23 Chiney e fare tolang ko priest e Giddonah fithingan. Me gaʼar Korihor ngakʼ: Bachan e dagur fil iyaen fapi yalen nib meechiyang ko pi chitamangmed, nge bachan e da gur fil ko pi gidiiʼ ney ni ngar mʼaged yaed nga tanggin e pi gamʼing nge muruwel nib mechiyang ni sunmiy e pi priest ni kakrom, ni ngar gagyeg niged gelingraed nge matʼawngiraed u dakeanraed, ni ngan tayraed nib minaenʼ raed, ni nga dabra puged oewchraed ngalang, ya ngan tayraed u butʼ u rogon e thin rom.

24 Gabe yoeg ni pi gidiiʼ ney e ba puf rograed. Musap, gube yoeg ni yaed bay u kalbus. Gabe yoeg ni fapi prophecy ni kakrom e ba riyulʼ. Musap, gube yoeg ni damnang nib riyulʼ.

25 Gabe yoeg ni pi gidiiʼ ney e ba buch e roraed ma bogi gidiiʼ ni kar mul gaed, ni bachan e denen rokʼ rebo gallabthir. Musap, gube yoeg ni beeʼ nib bitir e de buch e rokʼ ni bachan e gallabthir rokʼ.

26 Ma kag be yoeg ni Kristus e ra yib. Machane musap, gube yoeg ngom ni damnang ni bay yib ba Kristus. Ma kag be yoeg ni yira liiʼ ngemʼ ni bachan e pi denen nu fayleng—

27 Ere aray rogon ni kam wawliy e pi gidiiʼ ney ni ngar falwok gaed ko pi yalen rokʼ e pi chitamangmed nib mathukthuk, ni boed rogon ni gabaʼadag; ma kam tayraed u butʼ, ni gowa yaed bay u kalbus, ni nge yog ni felʼ rogmed ko pi muruwel u paʼraed, ma dakir mʼagaenʼraed ngay ni ngar puged oewchraed riy ngalang ni darur rus gaed, ma nga dabki mʼagaenʼraed ngay ni ngar falfalaenʼ gaed ko matʼawon nge yalen roraed.

28 Arragon, dar mʼagaenʼraed ngay ni ngar muruwel gaed ko tin faraed banʼen ya yaed be rus ni richey me puwaenʼ fapi priests roraed, ni yaed be gagyeg nagraed ni rogon ni yaed baʼadag, ma kar miliyed raed ni nge michaenʼraed, ko pi yalen roraed nge pi likʼaey roraed nge pi fiti laniyaenʼraed nge pi piliyeg changar roraed nge pinʼen roraed nib dake riyulʼ mab dake miith morngaʼagen, ma faʼanra dab rrinʼed ni boed rogon e pi thin ni karoeged, ma bay beeʼ nra puwaenʼ ngoraed, ni yaed be yoeg niʼir e Got—ni beeʼ ni dawor ni guy fa kan nang, ni beeʼ ni da immoy ma ku dabi yib.

29 Chiney e napʼan ni fare tolang ko priest nge fare pilung ko tapuf-oloboch e ruguyew fini ʼelʼel gumʼirchaʼen, arragon, napʼan ni kar guyew ni ra togopluw ngakʼ Got, ma dakur piiʼew e fulweg ko thin rokʼ; ere roegew ni ngan mʼag; mar piiʼew nga lan paʼ fapi salthaw, ma arame ni fek iyaen nga lan fare binaw nu Zarahemla, ni nge yog nni fek iyaen nga pʼoewchen Alma, nge fare pilung ko tapuf-oloboch niʼir e am u gaʼangin yang fare nam.

30 Me yibi buch u napʼan ni kan fek iyaen nga pʼoewchen Alma nge fare pilung ko tapuf-oloboch, ma ki ʼulʼul ngay ni boed rogon ni rinʼ u lan fare binaw nu Gideon; arragon, ma ki ʼulʼul ko welthin nibe gathibthib nib togopluw.

31 Me non ni rib gaaʼ laman u pʼoewchen Alma, me togopluw ngakʼ fapi priest nge sensey, ni be dugliy e kireb nga dakeanraed, ni yaed be wawliy fapi gidiiʼ ni ngar rinʼed fapi yalen rokʼ e pi chitamangraed nib meechiyang, ni fan e nge felʼ rograed ko pi muruwel rokʼ fapi gidiiʼ.

32 Ere chiney e gaʼar Alma ngakʼ: Gur ma gamnang ni dagur falʼeg rogmaed u dakean e muruwel ni be tay e pi gidiiʼ ney; ya musap kug muruwel u napʼan ni tabab fare lung ko fapi tapuf-oloboch nge yibi madaʼ ko chiney, nga paʼag ni fan ngog, ni yug aram rogon nib yoʼor e milekag ni kug tay ni gube liyeg e nam ni nggu weliy fare thin ku Got ngakʼ e gidiiʼ rog.

33 Ere yug aram rogon nib yoʼor e muruwel ni kug rinʼ u lan e galasia, ma dawori yog ngog taʼareb e senine ni puluwon e muruwel rog; ara ngakʼ rebi walageg, ma kemus ni fare gilʼ e tapuf-oloboch; e kan piiʼ puluwmaed riy u rogon e motochiyel u nʼumngin i napʼan ni gamaed be pithig e oloboch.

34 Ere chiney, e faʼanra dabiyog banʼen ngomaed ni puluwon e muruwel romaed u lan e galasia, ma buʼuw falʼngin ngomaed ni nggu muruwel gaed u lan e galasia gathi kemus ni nggu weliyed e tin riyulʼ, ni nge yog e falfalaenʼ ngomaed u fithikʼ e falfalaen ni be tay pi walagmaed?

35 Ere mangfan ni gabe yoeg ni gamaed be machib ngakʼ e pi gidiiʼ ney ni nge felʼ rogmaed riy, ni mus ni gur, ma gamnang ni dariy banʼen ni be yog ngomaed? Ere chiney, ba mich u wunʼum ni gamaed be baen nag e pi gidiiʼ ney, ni be sumriy e falfalaenʼ nga langgin gumʼirchaʼraed?

36 Me fulweg Korihor ngakʼ ni gaʼar, Arragon.

37 Ma arame gaʼar Alma ngakʼ: Mich u wunʼum ni bay e Got?

38 Me fulweg ni gaʼar, Dangay.

39 Ere gaʼar Alma ngakʼ: Kag ra siyeg bayay ni bay e Got, ma kag siyeg ni bay Kristus? Ya musap, gube yoeg ngom, ni gumnang ni bay e Got, ma kura yib Kristus.

40 Ere chiney e mang e pow riy rom ni dariy e Got, ara Kristus e dabi yib? Gube yoeg ngom ni dariy, ma kemus ni yigoʼ thin rom.

41 Machane, musap, bay gubin banʼen rog ni mich riy ni pinnʼey e ba riyulʼ; ma ku arragon ni gur ma bay gubin banʼen rom ni mich riy ngom ni bogi banʼen nib riyulʼ; ere ngam siyeg ni deriyulʼ? Mich u wunʼum ni pinnʼey e ba riyulʼ?

42 Musap, gumnang nib mich u wunʼum, machane ke gabliyem fare yaʼel ni ma baen, ma kam chuweg rom fare Kan ni Thothup ku Got ni nga dabi yib tagilʼ u fithikʼam; ere fare moʼoniyanʼ e ke suweyem, ma ke fekem iyaen nga um rinʼ e tin baʼadag, ma nga um rinʼ e pi gagyeg ni nge wereg e gidiiʼ ku Got.

43 Ere chiney e gaʼar Korihor ngakʼ Alma: Faʼan gara dag ba pow ngog, ni nge yog ni mich u wunʼug ni bay e Got, arragon, mu dag ngog ni bay gelingin, ma arame fin ra mich u wunʼug ni riyulʼ e thin rom.

44 Ere Alma gaʼar ngakʼ: Gur e ke gaman e pow ni kan dag ngom; gabe lumel nag laniyaen e Got rom? Gara yoeg ni ngam gaʼar, Mu dag ngog ba pow, ni aram rogon ni bay e mich rom ngakʼ gubin e pi chaʼaney ni walagem, nge gubin e pi profet nib thothup? Fapi chep nib thothup e ki immoy, arragon, ma gubin banʼen ma be micheg ni bay e Got; arragon, bay e fayleng, nge gubin banʼen ni bay u dakean, arragon, nge mithmith riy, arragon, nge ku gubin e pi fayleng ni be mithmith ni rogon ni yaed ma mithmith e be micheg ni bay ba Tasunmiy ni thʼaebi Gaʼlungun.

45 Ma gabe yaen iyaen, ni gabe wawliy gumʼirchaʼen e pi gidiiʼ ney, ni gabe micheg ngoraed ni dariy e Got? Ere ngam togopluw ko gubin e pinnʼey ni mich riy? Me gaʼar: Arragon, gura togopluw ngay, ma kemus ni faʼan gara dag ngog ba pow.

46 Ere chiney e yibi buch ni Alma e gaʼar ngakʼ: Musap, ke kireb anʼug ni bachan e ʼelʼel u gumʼirchaʼem, arragon, ma kag ra keruʼuy fare nangaenʼ ko tin riyulʼ, ni rayog ni nge malog e yaʼel rom riy.

47 Machane musap, kay gub felʼ ni ra malog e yaʼel rom ko bin ni gur e ngam miliy e pi yaʼel nib yoʼor nga butʼ iyaen ko gafgow, u dakean e sabaenbaen rom nge pi safalʼfalʼ thin rom; ere faʼanra kag ra yoeg bayay ni dariy e Got, ma musap Got e ra gechig nigem, ni gara maʼay, ma dab kiyog ni ngam pithig lʼugnam bayay, ni nga dab kiyog ni ngam baen nag e pi gidiiʼ ney.

48 Ere chiney e gaʼar Korihor ngakʼ: Dagur yoeg ni dariy e Got, machane dar mich u wunʼug ni bay e Got; ma kugog faram, ni gur e damnang ni bay e Got; ere faʼanra dabiyog ni ngam dag ngog ba pow, ma dabi mich u wunʼug.

49 Ere gaʼar Alma ngakʼ: Baʼaray e nʼen ni nggu piiʼ ngom ni pow, ni gur e arame bay mu maʼay, ni boed ni kugog; ere gube yoeg, u dakean fithingan Got, ni ngam maʼay, ni nga dab kiyog ni ngam non.

50 Ere chiney e napʼan ni yoeg Alma e pi thin ney, me maʼay Korihor, ni dakiyog ni nge non, ni boed ni yoeg Alma.

51 Ere chiney e napʼan ni guy fare tapuf-oloboch e biney, me yol ni nge biʼeg Korihor, ni gaʼar: Ke mich u wunʼum nga gelingin Got? Niʼir e um athapeg ni nge dag Alma e pow rokʼ ngom? Gabaʼadag ni nge gechig nag boech e gidiiʼ, ni nge dag ngom ba pow? Musap, ke dag ngom ba pow; ere chiney e kube maerwaer u wunʼum?

52 Me yol Korihor, ni gaʼar: Kug nang ni kug maʼay, ya dab kiyog ni nggu non; ma kug nang ni dariy banʼen ni rayog rokʼ ma kemus ni fare gelingin Got e rayog riy ni nge yib nag e biney nga dakeanaeg; arragon, ma gubin e ngiyalʼ ma gumnang ni bay ba Got.

53 Machane musap, fare moʼoniyanʼ e ke baen nigeg; ya yibi mʼug ngog ni boed yaʼan ba angel, me gaʼar ngog: Mman ngam sulweg e pi gidiiʼ ney, ya yaed gubin ma kar malog gaed ni yaed be leak ba Got ni dannang. Me gaʼar ngog: Dariy e Got; arragon, me fil ngog e pinʼen ni nggu weliy. Ere kug fil iyaen e pi thin rokʼ; ma kug fil iyaen ni bachan e rib mʼag ko lem; ere kug fil iyaen, ke madaʼ ko ngiyalʼ ni ke yoʼor e piʼin ni kar leaked gag, ni arame rug lemnag ni bogi banʼen nib riyulʼ; ere ireray fan ni gu togopluw ko tin riyulʼ, nge yibi madaʼ ko ngiyalʼ ni kug miliy e biney e gechig nga dakeanag.

54 Chiney e napʼan ni ke muʼ i yoeg e biney, me wenig nag ku Alma ni nge meybil ngakʼ Got, ni nge chuweg machaan rokʼ.

55 Machane gaʼar Alma ngakʼ: Faʼanra ngan chuweg e biney e mach rom ma kag ra wawliy bayay nga orel gumʼirchaʼen e pi gidiiʼ ney; ere, nge buch rom ni boed ni baʼadag Somoel.

56 Me yibi buch ni fare gechig e dan chuweg rokʼ Korihor; ere ninʼ nga wean, me yaen u rebo naʼun ngo reb nibe maen ggan.

57 Chiney e morngaʼagen e nʼen ni ke buch rokʼ Korihor e garar ni rib papay u dakean gaʼangin yang e nam; arragon, bay e babyor ni kan yoloey ni piiʼ fare tapuf-oloboch nge yaen ngakʼ gubin e gidiiʼ u lan fare nam, nibe yoeg ni piʼin ni michaenʼ ko pi thin rokʼ Korihor e thingar kalgaed ngaenʼraed nib papay, ara dangay ma ku aram rogon e gechig e ra aw ngoraed.

58 Me yibi buch ni yaed gubin ni ke mich ngaenʼraed e denen ku Korihor; ere yaed gubin ma ni sulwegraed bayay ngakʼ Somoel; ere ireray e nʼen ni museg e kireb ni boed e tin i rinʼ Korihor. Ma Korihor e iyaen u rebo naʼun ngo reb, nibe maen ggan ni nge kaey.

59 Me yibi buch ni arame napʼan nibe yaen u fithikʼ e gidiiʼ iyaen, arragon, u fithikʼ bogi gidiiʼ ni kar kiiʼeged yaed ko fapi Nephites ma kanoeg e Zoramites ngoraed, nibe powiʼiyraed beeʼ nib moʼon ni kanoeg Zoram ngakʼ—ma napʼan ni yaen u fithikʼraed, min yitʼ nga butʼ ngan yaen u dakean, nge yaeni madaʼ ko ngiyalʼ ni ke yimʼ.

60 Ere aray ni kad guyed rogon ni ma mus e yafos rokʼ e chaʼ ni ma thilyeg e pi yalen rokʼ Somoel; ma aray e kad guyed ni fare moʼoniyanʼ e dabi ayuweg e gidiiʼ rokʼ ko bin tomur e rran, ya kemus ni nge miliyraed nib papay iyaen nga butʼ nga infierno.