1 Idaha emi edikem ete eke ini Amulek ama eketre nditiŋ mme ikɔ emi, mmɔ edaha ekpɔŋ otu owo enyuŋ edi isɔŋ Jershon.

2 Iŋ, ndien nditɔ eka emi ekesuhɔre, ke ini mmɔ ema eke ekwɔrɔ enɔ mme Zoramite, nko edi isɔŋ Jershon.

3 Ndien edikem ete ke ini mme ikpɔ owo mme Zoramite ema eke ekɔk ibut kiet ke abaŋa mme ikɔ emi eke ekwɔrɔde enɔ mmɔ, mmɔ ema eyaresit ke ntak ikɔ oro, koro ama abiat ŋkari mmɔ; ke ntak oro mmɔ ikpaŋke utɔŋ inɔ mme ikɔ oro.

4 Ndien mmɔ edɔŋ enyuŋ esobo mme owo ɔtɔ kiet ke ofuri isɔŋ, ndien ekɔk ibuot ye mmɔ ke abaŋa mme ikɔ emi eketiŋde.

5 Idaha emi mme andikara mmɔ ye mme oku mmɔ ye mme andikpep mmɔ ike iyakke mme owo efiɔk ebaŋa mme udɔŋ mmɔ; ke ntak oro mmɔ eduŋɔre efiɔk esit kpukpru owo ke ndibe.

6 Ndien edikem ete ke ini mmɔ ema eke eduŋɔre efiɔk esit kpukpru owo, ema ebin mbon emi eke enyimede ye mme ikɔ emi Alma ye eyen eka esie eketiŋde esio ke isɔŋ oro; ndien mmɔ ema ewak; ndien mmɔ edi nko ke isɔŋ Jershon.

7 Ndien edikem ete ke Alma ye nditɔ eka esie ema ekpep mmɔ ŋkpɔ.

8 Idaha emi mbon mme Zoramite ema eyaresit ye ikɔt Ammon emi ekedude ke Jershon, ndien ada ibuot ukara mme Zoramite, sia ekedide ata idiɔk owo, ɔdɔŋ etop ɔnɔ ikɔt Ammon ɔdɔhɔ mmɔ ete mmɔ ebin esio ke isɔŋ mmɔ kpukpru mbon emi ekedide isɔŋ mmɔ.

9 Ndien enye etiŋ ediwak ikɔ ndik ye mmɔ. Ndien idaha emi ikɔt Ammon ike ifeheke mme ikɔ mmɔ; ke ntak oro mmɔ ikebinke mmɔ isio, edi mmɔ ema ebɔ kpukpru mme ubuene mme Zoramite emi ekedide etiene mmɔ; ndien mmɔ ema ebɔk mmɔ, enyuŋ esin mmɔ ɔfɔŋ, enyuŋ enɔ mmɔ mme isɔŋ nte inyene mmɔ; ndien mmɔ ema enam ŋkpɔ enɔ mmɔ nte asaŋade ye se mmɔ ekeyomde.

10 Idaha emi emi ama edemere mme Zoramite ke iyaresit abaŋa ikɔt Ammon, ndien mmɔ etɔŋɔ ndibuaha ye mme Lamanite ye ndidemere mmɔ nko ke iyaresit mbaŋa mmɔ.

11 Ndien ke ntem mme Zoramite ye mme Lamanite etɔŋɔ ndinam mbeŋe idem mbaŋa ekɔŋ ye ikɔt Ammon, nko ye mme Nephite.

12 Ndien ke ntem ke ɔyɔhɔ isua ukara efuteba mme ebiere ikpe nnɔ ikɔt Nephi eketre.

13 Ndien ikɔt Ammon ewɔrɔ ke isɔŋ Jershon, enyuŋ edi ke isɔŋ Melek, ndien eyak itie ke isɔŋ Jershon enɔ mbon ekɔŋ mme Nephite, man mmɔ eŋwana ye mbon ekɔŋ mme Lamanite ye mme mbon ekɔŋ mme Zoramite; ndien ke ntem ke ekɔŋ eke ɔtɔŋɔ ke ufɔt mme Lamanite ye mme Nephite, ke ɔyɔhɔ isua ukara efuteta mme ebiere ikpe; ndien eye enɔ mbuk mme ekɔŋ mmɔ ke emi ama ebe.

14 Ndien Alma, ye Ammon, ye nditɔ eka mmɔ, nko ye nditɔ iren Alma iba enyɔŋ eka isɔŋ Zarahemla, ke ini ema ekedi mme ŋkpɔ utom ke ubɔk Abasi ke ndida ediwak mme Zoramite ndi erikabare esit; ndien ema ebin kpa nte ediwak emi ekenamde ekabare esit esio ke isɔŋ mmɔ; edi mmɔ enyene mme isɔŋ nte inyene ke isɔŋ Jershon, ndien mmɔ etaŋ mme ŋkpɔ ekɔŋ ndikpeme idem mmɔ, ye iban mmɔ, ye nditɔ mmɔ, ye mme isɔŋ mmɔ.

15 Idaha Alma, ke ɔfuhɔde abaŋa ukwaŋ-ŋkpɔ ikɔt esie, iŋ abaŋa mme ekɔŋ, ye mme uduɔk iyip, ye mme eneni emi okodude ke ufɔt mmɔ; ndien ke ama ekeka nditiŋ ikɔ, mme ɔdɔŋ ete etiŋ ikɔ, enɔ kpukpru owo ke kpukpru obio; ndien ke okutde ete ke esit mme owo etɔŋɔ ndikɔri nsɔŋ, ndien ete ke mmɔ etɔŋɔ ndiyaresit ke ntak emi ikɔ ɔsɔŋde, esit esie ama ɔfuhɔ eti eti.

16 Ke ntak oro, enye anam ete nditɔ iren esie esobo ɔtɔ kiet, man enye ɔnɔ mmɔ kiet kiet item, saŋa saŋa, ke abaŋa mme ŋkpɔ emi abaŋade nnen nnen ido. Ndien nnyin iminyene mbuk mme ibet esie, emi enye eke ɔnɔde mmɔ nte ŋwed esie edide.