1 И сега, зборувам исто во врска со оние кои не веруваат во Христос.

2 Ете, дали ќе верувате во денот на вашата посета—ете, кога ќе дојде Господ, да, и тоа на тој голем ден кога земјата ќе биде тркалана заедно како свиток, и елементите ќе се стопат од интензивна жештина, да, на голем ден кога ќе бидете доведени да стоите пред Јагнето Божје—ќе кажете ли тогаш дека не постои Бог?

3 Тогаш дали уште ќе Го негирате Христос, или можете да Го видите Јагнето Божјо? Дали претпоставувате дека ќе живеете со Него со свесноста за вашата вина? Дали претпоставувате дека би можеле да бидете среќни да живеете со Тоа свето Битие, кога вашите души се измачени со свесноста за вина дека секогаш сте ги злоупотребиле Неговите закони?

4 Ете, ви велам дека би биле понесреќни да живеете со свет и праведен Бог, под свесноста за вашата нечистотија пред Него, отколку да живеете со проклетите души во пеколот.

5 Зашто ете, кога ќе бидете доведени да ја видите вашата голотија пред Бог, и исто така Божјата слава, и светоста на Исус Христос, ќе распали пламен на неизгаслив оган врз вас.

6 О тогаш вие неверници, завртете се кон Господ; повикајте Го моќно Отецот во името на Исус, за можеби да ве смета за безгрешни, чисти, праведни, и бели, прочистени преку крвта на Јагнето, на тој голем и последен ден.

7 И повторно ви зборувам на вас кои ги негирате откровенијата на Бог, и велат дека се завршени, дека не постојат откровенија, ниту пророштва, ниту дарови, ниту исцелување, ниту зборување на јазици, ниту толкување на јазици;

8 Ете ви велам, тој што ги негира овие нешта не го знае евангелието на Христос; да, не ги прочитал светите писма; и ако ги прочитал, не ги разбира.

9 Зашто нели читаме дека Бог е истиот вчера, денес, и засекогаш, и во Него нема варијабилност ниту сенка на променливост?

10 И сега, ако си замислувавте бог кој се променува, и во кого има сенка на променливост, тогаш си замислувавте бог кој не е Бог на чудата.

11 Но ете, ќе ви покажам Бог на чудата, и тоа Богот на Авраам, и Богот на Исак, и Богот на Јаков; и Тоа е истиот Бог Кој ја создал небесата и земјата, и сите нешта кои се во нив.

12 Ете, Тој го создаде Адам, и преку Адам дојде човечкиот пад. И поради човечкиот пад дојде Исус Христос, и тоа Отецот и Синот; и поради Исус Христос се случи човечкото искупување.

13 И поради човечкото искупување, кое дојде преку Исус Христос, донесени се во присуството на Господ; да, ова е начинот на кој сите луѓе се искупени, бидејќи смртта на Христос го исполни воскреснувањето, кое донесе искупување од бескраен сон, од кој сон сите луѓе ќе бидат разбудени преку Божјата моќ кога ќе засвири трубата; и ќе истапат, и мали и големи, и сите ќе стојат пред Неговиот суд, искупени и ослободени од вечните окови на смртта, која е привремена смрт.

14 И тогаш ќе дојде пресудата на Светиот врз нив; и тогаш ќе дојде времето кога тој што е нечист сѐ уште ќе биде нечист; и тој што е праведен сѐ уште ќе биде праведен; тој што е среќен сѐ уште ќе биде среќен; а тој што е несреќен сѐ уште ќе биде несреќен.

15 И сега, О сите вие кои си замислувавте бог кој не може да прави чуда, јас би ве прашал, дали се случија сите овие нешта за кои зборував? Дали допрва дојде крајот? Ете, ви велам, Не; и Бог не престана да биде Бог на чудата.

16 Ете, зарем нештата кои Бог ги направи не се чудесни во нашите очи? Да, и кој може да ги разбере зачудувачките дела на Бог?

17 Кој ќе каже дека ова не е чудо дека според Неговото слово беа и небото и земјата; и според моќта на Неговото слово човекот беше создаден од правта на земјата; и преку моќта на Неговото слово беа направени чуда?

18 И кој ќе каже дека Исус Христос не направи многу моќни чуда? И постоеја многу моќни чуда направени од рацете на апостолите.

19 И ако беа направени чуда тогаш, зошто Бог престана да биде Бог на чудата а сепак да биде непроменливо Битие? И ете, ви велам дека Тој не се променува; ако е така Тој ќе престане да биде Бог; а Тој не престанува да биде Бог, и е Бог на чудата.

20 И причината зошто Тој престана да прави чуда помеѓу човечките деца е поради тоа што запаѓаат во неверување, и се тргаат од вистинскиот пат, и не го познаваат Бог во Кого треба да веруваат.

21 Ете, Јас ви велам дека секој што верува во Христос, не сомневајќи се во ништо, што и да побара од Отецот во името на Христос ќе му биде дадено; и ова ветување е за сите, и тоа до краиштата на земјата.

22 Зашто ете, така кажа Исус Христос, Божјиот Син, на Неговите ученици кои би останале, да, и исто на сите Негови ученици, слушајќи го мноштвото: Одете во целиот свет, и проповедајте го евангелието на секое суштество;

23 И Тој што верува и е крстен ќе биде спасен, но Тој што не верува ќе биде проколнат;

24 И овие знаци ќе ги следат оние што веруваат—во Мое име ќе истеруваат ѓаволи; ќе зборуваат на нови јазици; ќе држат змии; и ако пијат нешто смртоносно нема да им штети; ќе ги положат рацете на болните и тие ќе закрепнат;

25 И секој што ќе верува во Моето име, не сомневајќи се во ништо, на него ќе му ги потврдам сите Мои зборови, и тоа до краиштата на земјата.

26 И сега, ете, кој може да застане против Господовите дела? Кој може да ги негира Неговите кажувања? Кој ќе се крене против семоќната сила на Господ? Кој ќе ги презира Господовите дела? Кој ќе ги презира децата на Христос? Ете, сите вие кои ги презирате Господовите дела, ќе се чудите и ќе загинете.

27 О тогаш немој да презирате, и не чудете се туку послушајте ги Господовите зборови, и прашајте Го Отецот во името на Исус за сите нешта што ќе ви требаат. Не се сомневајте, туку верувајте, и започнете како во старите времиња, и дојдете при Господ со сето ваше срце, и изработете го вашето спасение со страв и треперење пред Него.

28 Бидете мудри во деновите на вашата проба; тргнете се од секаква нечистотија; не барајте, да ја задоволите вашата жед, туку прашајте со непоколеблива цврстина, за да не се предадете на искушението, туку да Му служите на вистинскиот и жив Бог.

29 Гледајте да не бидете крстени недостојно; гледајте да не земате од сакраментот на Христос недостојно; туку гледајте да правите сите нешта со достојност, и да го правите во името на Исус Христос, Синот на живиот Бог; и ако го направите ова, и издржите до крај, вие никако нема да бидете отфрлени.

30 Ете, ви говорам како да зборувам од мртвите; бидејќи знам дека ќе ги добиете моите зборови.

31 Не осудувајте ме поради мојата несовршеност, ниту мојот татко, поради неговата несовршеност, ниту оние кои пишувале пред него; туку попрво заблагодарете Му се на Бог што Тој ви ги прикажал нашите несовршености, за да научите да бидете помудри отколку нас.

32 И сега, ете, го напишавме овој запис според нашето знаење, со знаците кои меѓу нас се познати како реформирано Египетски, предадени и променети од нас, според нашиот начин на говор.

33 А ако нашите плочи беа доволно големи ние ќе напишевме на Еврејски; но Еврејскиот исто така беше променет од нас; и да можевме да пишуваме на Еврејски, ете, би немале несовршености во нашиот запис.

34 Но Господ ги знае нештата кои ги напишавме, и исто дека ниеден друг народ не го знае нашиот јазик; и бидејќи ниеден друг народ не го знае нашиот јазик, затоа Тој подговил средство за неговото толкување.

35 И овие нешта се напишани за да ги ослободиме нашите облеки од крвта на нашите браќа, кои запаѓаат во неверување.

36 И ете, овие нешта кои ги посакувавме во врска со нашите браќа, да, и тоа нивното обновување до знаењето за Христос, се според молитвите на сите светци кои живееја во земјата.

37 И нека Господ Исус Христос овозможи нивните молитви да бидат одговорени според нивната вера; и нека Бог Отецот се сети на заветот што Тој го направи со Израеловиот дом; и нека Тој ги благослови засекогаш, преку вера во името на Исус Христос. Амин.