1 Ահա, մի հիշատակարան պիտի պահվի ձեր մեջ. և նրանում դու պիտի կոչվես տեսանող, թարգմանիչ, մարգարե, Հիսուս Քրիստոսի առաքյալ, եկեղեցու երեց՝ Հայր Աստծո կամքով և քո Տեր՝ Հիսուս Քրիստոսի շնորհով,

2 Ոգեշնչված լինելով Սուրբ Հոգուց՝ դնել նրա հիմքը և կառուցել այն՝ ամենասուրբ հավատքի համար:

3 Եկեղեցի, որը կազմակերպվեց և հիմնադրվեց ձեր Տիրոջ հազար ութ հարյուր երեսուներորդ տարվա չորրորդ ամսին և ապրիլ կոչվող ամսվա վեցերորդ օրը:

4 Ուստի, դու, նկատի ունենալով եկեղեցին, պիտի ուշք դարձնես նրա բոլոր խոսքերին ու պատվիրաններին, որոնք նա կտա քեզ, երբ նա ստանա դրանք՝ ողջ սրբությամբ քայլելով իմ առաջ.

5 Քանզի նրա խոսքը դուք պետք է ընդունեք, ինչպես որ իմ իսկ բերանից, ողջ համբերությամբ ու հավատքով:

6 Քանզի այդ բաները կատարելով, դժոխքի դռները չեն հաղթի ձեզ. այո՛, և Տեր Աստված ձեր առջևից կցրի խավարի զորությունները և այնպես կանի, որ երկինքները կցնցվեն՝ ձեր բարիքի և իր անվան փառքի համար:

7 Քանզի այսպես է ասում Տեր Աստվածը. Նրան եմ ես ոգեշնչել՝ հզոր ուժով առաջ տանելու Սիոնի գործը բարիքի համար, և նրա ջանասիրությունը ես գիտեմ, և նրա աղոթքները ես լսել եմ:

8 Այո՛, Սիոնի համար նրա լացը ես տեսել եմ, և ես այնպես կանեմ, որ նա այլևս չի սգա նրա համար. քանզի նրա ցնծության օրերը եկել են՝ նրա մեղքերի թողությամբ և նրա գործերի վրա իմ օրհնությունների դրսևորմամբ:

9 Քանզի, ահա, բոլոր նրանց, ովքեր տքնում են իմ այգում, ես կօրհնեմ մի մեծ օրհնությամբ, և նրանք կհավատան նրա խոսքերին, որոնք նրան տրվել են իմ միջոցով՝ Մխիթարիչի կողմից, որոնք հայտնում են, որ Հիսուսը խաչվեց մեղսավոր մարդկանց կողմից՝ աշխարհի մեղքերի համար, այո՛, փշրված սրտի մեղքերի թողության համար:

10 Ուստի ինձ պետք է, որ նա կարգվի քո կողմից, իմ առաքյալ Օլիվեր Քաուդերի.

11 Դա արարողություն լինելով քեզ համար, որ դու երեց ես նրա ձեռքի տակ, նա լինելով առաջինը քեզ համար, որպեսզի դու երեց լինես իմ անունը կրող Քրիստոսի այս եկեղեցու համար,–

12 Եվ առաջին քարոզիչն այս եկեղեցու՝ եկեղեցու համար և աշխարհի առաջ, այո՛, հեթանոսների առաջ. այո, և այսպես է ասում Տեր Աստվածը, ահա, տե՛ս, հրեաների համար նույնպես: Ամեն: