“කළු සහ සුදු, වහල්ලා සහ නිදහස් තැනැත්තා, පිරිමි සහ ගැහැණු” ඇතුලු “සියල්ලන්ම දෙවියන්වහන්සේ හා සමාන” බව මොර්මොන්ගේ පොත උගන්වයි (2 නෙපි 26:33). සභාවේ ඉතිහාසය පුරාම, බොහෝ රටවල සෑම ජාතියකම සහ ජනවර්ගයකම ජනයා බව්තීස්ම වී සභාවේ ඇදහිලිවන්ත සාමාජිකයන් ලෙස ජීවත් වී ඇත. ජෝසෆ් ස්මිත්ගේ ජීවිත කාලය තුළ, සභාවේ කළු ජාතික පිරිමි සාමාජිකයන් කිහිපදෙනෙකුව පූජකත්වයට වෙන්කර තිබිණි. එහි ඉතිහාසයේ මුල් අවධියේදී, සභාවේ නායකයන් විසින් අප්රිකානු සම්භවයක් ඇති කළු ජාතික පුරුෂයන්ට පූජකත්වය ලබාදීම නැවැත්වූහ. සභාවේ වාර්තා මෙම ක්රියාවෙහි මූලාරම්භය පිළිබඳ පැහැදිලි අවබෝධයක් ලබානොදේ. සභාවේ නායකයන් විශ්වාස කළේ මෙම ක්රියාව වෙනස් කිරීම සඳහා දෙවියන්වහන්සේගෙන් එළිදරව්වක් අවශ්ය බවයි, එමෙන්ම ඔවුන් යාච්ඤාශීලීව මගපෙන්වීම සෙවීය. මෙම එළිදරව්ව සභාවේ සභාපතිවරයා වූ ස්පෙන්සර් ඩබ්. කිම්බල් වෙත පැමිණි අතර, 1978 ජුනි 1 වන දින, සෝල්ට් ලේක් දේවමාළිගාවේදී සභාවේ අනෙකුත් නායකයින්ට එය තහවුරු කරන ලදි. වරක් පූජකත්වයට අදාළ වූ ජාතිය සම්බන්ධ සියලු සීමාවන් මෙම එළිදරව්ව මගින් ඉවත් කරන ලදි.