Ang Paingon sa Kasadpan nga Kalihokan sa Simbahan

Fayette Ang Propeta Joseph Smith mibiya sa Fayette paingon sa Kirtland, Ohio, sa Enero 1831. Ang tulo ka mga sanga sa New York misunod sa pagka Abril ug Mayo 1831 ubos sa pagmando sa Ginoo nga magpundok (tan-awa sa D&P 37; 38).

Kirtland Ang mga punoang buhatan sa Simbahan sukad sa 1 sa Pebrero 1831 hangtud sa 12 sa Enero 1838, sa diha nga ang Propeta mibalhin ngadto sa Far West, Missouri.

Independence Ang Ginoo miila sa Independence (sa Lalawigan sa Jackson, Missouri) isip sentro nga dapit sa Zion sa Hulyo 1831 (tan-awa sa D&P 57:3). Ang mga manggugubot mipugos sa mga Santos pagpagawas sa Lalawigan sa Jackson sa Nobyembre 1833.

Liberty Ang mga Santos gikan sa Lalawigan sa Jackson nagpundok didto sa Lalawigan sa Clay sukad sa 1833 hangtud sa 1836, sa diha nga sila gikinahanglan nga papahawaon na usab. Ang Propeta Joseph Smith ug uban gipangbilanggo dinhi.

Far West Usa ka dangpanan gitukod dinhi alang sa mga Santos sa 1836–38. Kini mao ang mga punoang buhatan sa Simbahan sa 1838. Sa 1838–39 ang mga Santos gipugos sa pagpalayas ngadto sa Illinois.

Nauvoo Ang mga punoang buhatan sa Simbahan sa 1839–46. Human sa pagkamartir sa Propeta ug sa iyang igsoong lalaki nga si Hyrum, ang mga Santos mibalhin ngadto sa kasadpan.

Council Bluffs Ang unang mga lumulupyo miabut dinhi sa Hunyo 1846. Ang mga sakop sa Mormon Battalion mibiya sa 21 sa Hulyo 1846 ubos sa pagpangulo ni James Allen.

Winter Quarters Ang mga punoang buhatan sa Simbahan sa 1846–48. Ang pundok nga nag-una sa dakong grupo ubos sa direksyon ni Presidente Brigham Young mibiya paingon sa Kasadpan sa Abril 1847.

Fort Leavenworth Ang Mormon Battalion gisangkapan dinhi sa wala pa magsugod sa pagmartsa paingon sa kasadpan sa Agosto 1846.

Santa Fe Si Philip Cooke nangulo sa Mormon Battalion samtang kini mimartsa gikan dinhi sa 19 sa Oktubre 1846.

Pueblo Tulo ka mga grupo sa masakitong mga tawo gimandoan ngadto sa Pueblo aron magpaayo, diin sila nagpalabay sa tingtugnaw sa 1846–47 uban sa mga Santos gikan sa Mississippi. Kini nga mga grupo misulod sa Walog sa Salt Lake sa Hulyo 1847.

San Diego Ang Mormon Battalion mikumpleto sa 3,200 ka kilometro nga martsa dinhi sa 29 sa Enero 1847.

Los Angeles Ang Mormon Battalion gibuhian gikan sa pangalagad sa kasundalohan dinhi sa 16 sa Hulyo 1847.

Sacramento Pipila ka gibuhian sa pangalagad nga mga sakop sa battalion mitrabaho dinhi ug didto sa Galingan ni Sutter sa layo pa nga silangan sa Suba sa America, diin sila mitabang sa pagkaplag sa bulawan.

Dakbayan sa Salt Lake Si Brigham Young miabut sa Walog sa Salt Lake sa 24 sa Hulyo 1847.