Kirtland, Ohio, 1830–1838

Panimalay ni Newel K. Whitney Sila si Joseph ug Emma mipuyo dinhi sulod sa pipila ka mga semana human sa una nilang pagbalhin sa Kirtland sa 1831.

Umahan ni Isaac Morley Sila si Joseph ug Emma Smith mipuyo dinhi sukad sa Marso hangtud sa Septyembre 1831. Ang unang mga halangdon nga pari giorden dinhi. Si Joseph mitrabaho sa Hubad ni Joseph Smith (HJS).

Tindahan ni Newel K. Whitney Ang Unang Kapangulohan sa Simbahan gihatagan dinhi sa Ginoo sa mga yawe sa gingharian. Ang Tulunghaan sa mga Propeta unang nagtagbo dinhi. Ang HJS hapit na mahuman dinhi sa 1833. Sila si Joseph ug Emma mipuyo dinhi sukad sa 1832 hangtud sa 1833. Si Joseph nakadawat dinhi og daghang mga pagpadayag.

Balay-Abangan ni John Johnson Si Joseph Smith Sr. gitawag dinhi isip unang Patriyarka sa Simbahan sa 1833. Ang balay-abangan naglakip sa unang buhatan sa imprinta sa Kirtland. Ang The Evening and the Morning Star giimprinta dinhi human sa pagkaguba sa imprintahan sa Lalawigan sa Jackson, Missouri. Ang Napulog Duha ka mga Apostoles mibiya gikan dinhi sa 4 sa Mayo 1835 alang sa ilang una nga mga misyon.

Panimalay ni Joseph Smith Jr. Sila si Joseph ug Emma mipuyo dinhi sukad sa 1834 hangtud sa 1837. Ang paghubad sa basahon ni Abraham gisugdan.

Buhatan sa Imprinta Ang Pagpanudlo sa Hugot nga Pagtuo gihatag dinhi niini nga gambalay. Ang Napulog Duha ka mga Apostoles ug ang Unang Korum sa Kapitoan gitawag ug giorden dinhi. Ang Doktrina ug mga Pakigsaad (unang edisyon), ang Basahon ni Mormon (ikaduhang edisyon), Ang The Evening and the Morning Star, Latter Day Saints’ Messenger and Advocate,ug ang unang mga pagmantala sa Elders’ Journal giimprinta dinhi.

Templo sa Kirtland Kini nga templo mao ang pinakauna niini nga kapaigoan. Si Jesukristo mipakita ug midawat sa templo. Sila si Moises, Elias, ug Elijah mipakita ug mipahiuli sa piho nga mga yawe sa pagkapari (tan-awa sa D&P 110). Ang Tulunghaan sa mga Propeta nagkatigum usab dinhi. Mga pagpadayag nga nadawat dinhi: D&P 109, 110, 137.

Kirtland (walay tino nga mga nahimutangan) Sa 17 sa Agosto 1835 ang Doktrina ug mga Pakigsaad gidawat isip kasulatan. Mga pagpadayag nga nadawat sa Kirtland naglakip sa D&P 41–50, 52–56, 63–64, 102–104, 106–110, 134, ug 137. Ang seksyon 104 sa piho naghingalan og mga kabtangan nga itugyan sa mga sakop sa Simbahan nga miapil sa nagkahiusa nga kapunongan (tan-awa sa mga bersikulo 19–46).