Sunodsunod nga Panghitabo sa Kasaysayan sa Simbahan

Si Joseph Smith (1805–44) natawo ngadto nila ni Joseph Smith Sr. ug Lucy Mack Smith, sa Sharon, Vermont (tan-awa sa JS—K 1:3).

Ang Propeta Joseph Smith nakadawat sa Unang Panan-awon diha sa kakahoyan sa mga Lungsod sa Palmyra ug Manchester, New York, duol sa iyang panimalay (tan-awa sa JS—K 1:15–17).

Si Joseph Smith giduaw ni anghel Moroni ug gisultihan sa talaan sa Basahon ni Mormon. Si Joseph mitan-aw sa bulawan nga mga palid nga gilubong didto sa kasikbit nga bungtod (Cumorah) (tan-awa sa JS—K 1:27–54).

Si Joseph Smith nakabaton sa bulawan nga mga palid gikan ni Moroni didto sa Bungtod sa Cumorah (tan-awa sa JS—K 1:59).

Si Juan Bautista mitugyan sa Aaronic nga Pagkapari ngadto nila ni Joseph Smith ug Oliver Cowdery sa Harmony, Pennsylvania (tan-awa sa D&P 13; JS—K 1:71–72).

Sila si Joseph Smith ug Oliver Cowdery nakadawat sa Melchizedek nga Pagkapari gikan nila ni Pedro, Santiago, ug Juan duol sa Suba sa Susquehanna taliwala sa Harmony, Pennsylvania, ug Colesville, New York (tan-awa sa D&P 128:20).

Ang paghubad sa Basahon ni Mormon nakumpleto. Ang Tulo ka mga Saksi ug Walo ka mga Saksi gipakita sa bulawan nga mga palid (tan-awa sa 2 Ne. 11:3; 27:12–13; D&P 17).

Ang unang giimprinta nga mga kopya sa Basahon ni Mormon nahimong magamit, Palmyra, New York.

Ang Simbahan naorganisar sa Lungsod sa Fayette, New York.

Unang mga misyonaryo gitawag aron mosangyaw ngadto sa mga Lamanite (Lumad nga mga taga-America) (tan-awa sa D&P 28; 30; 32).

Ang mga Santos gimandoan nga magpundok sa Ohio (tan-awa sa D&P 37; 38:31–32).

Ang dapit alang sa dakbayan sa Zion (ang Bag-o nga Jerusalem) sa Independence, Missouri, gipadayag ngadto kang Propeta Joseph Smith (tan-awa sa D&P 57; A sa HP 1:10).

Sila si Sidney Rigdon ug Frederick G. Williams gigahin isip mga Magtatambag sa Kapangulohan sa Simbahan (tan-awa sa ulohan sa D&P 81) ug gihatagan sa mga yawe niining katapusan nga gingharian (tan-awa sa ulohan sa D&P 90; bersikulo 6).

Ang mga Santos nagsugod sa pagpanglayas gikan sa mga manggugubot sa Lalawigan sa Jackson, Missouri tabok sa Suba sa Missouri ug ngadto sa Lalawigan sa Clay.

Si Presidente Joseph Smith mibiya sa Kirtland, Ohio, paingon sa Missouri isip pangulo sa Kampo sa Zion aron sa pagdala og kahupayan sa mga Santos nga gipalagput gikan sa Lalawigan sa Jackson.

Ang Korum sa Napulog Duha ka mga Apostoles naorganisar, Kirtland, Ohio (tan-awa sa D&P 107:23–24).

Ang pag-organisar sa Unang Korum sa Kapitoan nagsugod, Kirtland, Ohio.

Ang Doktrina ug mga Pakigsaad gidawat isip usa ka sumbanan nga basahon sa Simbahan, Kirtland, Ohio.

Ang Templo sa Kirtland gipahinungod (tan-awa sa D&P 109).

Si Jesukristo mipakita ngadto nila ni Joseph Smith ug Oliver Cowdery sulod sa Templo sa Kirtland. Sila si Moises, Elias, ug Elijah mipakita ug mihatag sa mga yawe sa pagkapari (tan-awa sa D&P 110).

Si Heber C. Kimball ug lain nga unom miabut sa Liverpool, Inglaterra, sa unang langyaw nga misyon sa Simbahan.

Ang ngalan sa Simbahan gipaila pinaagi sa pagpadayag (tan-awa sa D&P 115:4).

Ang Propeta Joseph Smith ug uban gibilanggo sa Bilanggoan sa Liberty, Liberty, Lalawigan sa Clay, Missouri (tan-awa sa D&P 121–123).

Ang pagbunyag alang sa mga patay gipahibalo sa publiko ni Propeta Joseph Smith.

Si Elder Orson Hyde mipahinungod sa Balaan nga Yuta alang sa pagbalik sa mga kaliwat ni Abraham (tan-awa sa D&P 68:1–3; 124:128–129).

Ang Kapunongan sa Kahupayan sa mga babaye giorganisar, Nauvoo, Illinois.

Unang hingpit nga mga pagtuga sa templo gihatag.

Sila si Joseph Smith ug Hyrum Smith gimartir sa Bilanggoan sa Carthage (tan-awa sa D&P 135).

Ang mga Santos sa Nauvoo misugod sa paglabang sa Suba sa Mississippi aron paglalin sa kasadpan. Daghang mga Santos sa silangan milawig gikan sa Dakbayan sa New York paingon sa California sakay sa barko nga Brooklyn.

Ang Mormon Battalion gitawag sa pag-alagad sa kasundalohan sa America didto sa Iowa.

Kang Presidente Brigham Young nga pundok sa unang lumulupyo mibiya sa Winter Quarters sa pagpanaw sa kasadpan (tan-awa sa D&P 136).

Si Presidente Brigham Young misulod sa Walog sa Salt Lake.

Ang komperensya sa Simbahan mipaluyo nila ni Presidente Brigham Young, Elder Heber C. Kimball, ug Elder Willard Richards isip Unang Kapangulohan.

Ang mga timus didto sa Walog sa Salt Lake midaut sa mga pananom. Ang mga umahan naluwas gikan sa hingpit nga kadaut sa diha nga ang mga panon sa mga kanaway mihurot sa mga timus.

Ang Pang-Domingo nga Tulunghaan giorganisar ni Richard Ballantyne.

Ang Deseret News misugod sa pagmantala sa Dakbayan sa Salt Lake.

Ang mga panon sa karomata ni Willie ug Martin nalaming sa sayo nga unos sa yelo. Napalgan sa moluwas nga pundok gikan sa Walog sa Salt Lake.

Ang Kapunongan sa Kahupayan giorganisar pag-usab ubos sa direksyon ni Presidente Brigham Young.

Young Ladies Retrenchment Association (Kapunongan sa Paghigpit sa Pagkakalibutanon sa mga Batan-ong Kababayen-an) giorganisar, nag-una sa programa sa Batan-ong mga Babaye.

Ang Young Men’s Mutual Improvement Association (Kapunongan sa Kauswagan sa Tanan sa mga Batan-ong mga Kalalakin-an) giorganisar, nag-una sa programa sa Batan-ong mga Lalaki.

Ang Templo sa St. George gipahinungod. Si Presidente Brigham Young nakadawat og pagpadayag sa paghan-ay sa kapunongan sa pagkapari ug mga istaka sa Zion.

Si Aurelia Spencer Rogers mihimo sa unang tigum sa Primarya sa Farmington, Utah.

Si John Taylor gipaluyohan isip Presidente sa Simbahan. Ang Perlas nga Labing Bililhon gidawat isip usa ka sumbanan nga basahon.

Pagpadayag ngadto ni Presidente John Taylor sa pag-organisar sa mga Kapitoan.

Si Wilford Woodruff gipaluyohan isip Presidente sa Simbahan.

“Manipesto” gipaluyohan diha sa kinatibuk-ang komperensya, nagpahibalo sa paghunong sa paghimo og dinaghan nga kaminyoon (tan-awa sa OP—1).

Si Presidente Wilford Woodruff mipahinungod sa Templo sa Salt Lake, diin gitukod sulod sa 40 ka mga tuig.

Si Lorenzo Snow nahimo nga Presidente sa Simbahan.

Si Presidente Lorenzo Snow nakadawat og pagpadayag sa St. George diin nag-aghat kaniya sa paghatag og gibug-aton sa ikapulo (tan-awa sa D&P 119).

Si Joseph F. Smith nahimo nga Presidente sa Simbahan.

Si Presidente Joseph F. Smith nakadawat sa panan-awon sa katubsanan sa mga patay (tan-awa sa D&P 138).

Si Heber J. Grant nahimo nga Presidente sa Simbahan.

Ang Programa sa Seguridad sa Simbahan gitukod aron pagtabang sa mga kabus sa panahon sa Grabe nga Depresyon; nahimo nga programa sa kaayohan sa Simbahan. Kini nga programa mitunga gumikan sa pagpadayag nga unang nadawat ni Presidente Heber J. Grant.

Mga Luyo-luyo ngadto sa Napulog Duha una nga gitawag.

Si George Albert Smith nahimo nga Presidente sa Simbahan.

Si David O. McKay gipaluyohan isip Presidente sa Simbahan.

Si Elder Harold B. Lee, ubos sa direksyon sa Unang Kapangulohan mipahibalo nga ang tanang mga programa sa Simbahan ipahiangay pinaagi sa pagkapari aron paglig-on sa pamilya ug sa tagsa-tagsa.

Ang paghimo sa gabii sa banay gihatagan pag-usab og gibug-aton.

Si Joseph Fielding Smith nahimo nga Presidente sa Simbahan.

Bag-o nga mga magasin sa Simbahan—Ensign, New Era, ug Friend—misugod sa pagmantala.

Si Harold B. Lee nahimo nga Presidente sa Simbahan.

Si Spencer W. Kimball nahimo nga Presidente sa Simbahan.

Si Presidente Spencer W. Kimball mipahibalo sa pag-organisar og usab sa Unang Korum sa Kapitoan.

Duha ka mga pagpadayag gidugang ngadto sa Perlas nga Labing Bililhon. Sa 1981, kini gisugyot sa Simbahan aron mahimo nga D&P 137 ug 138.

Pagpadayag gipaluyohan sa Simbahan nga nagtugyan sa pagkapari ngadto sa matag takus nga sakop nga lalaki sa walay pag-isip sa kaliwat o kolor (tan-awa sa OP—2).

Ang edisyon sa Simbahan sa King James nga Biblia uban sa mga abag sa pagtuon gimantala.

Bag-o nga mga edisyon sa Basahon ni Mormon, Doktrina ug mga Pakigsaad, Perlas nga Labing Bililhon gimantala sa Ingles.

Mga Kapangulohan sa Erya gipasiugdahan, uban sa mga sakop nga gitawag gikan sa mga Kapitoan.

Si Ezra Taft Benson nahimo nga Presidente sa Simbahan.

Ikaduha nga Korum sa Kapitoan giorganisar pag-usab.

Si Howard W. Hunter nahimo nga Presidente sa Simbahan.

Si Gordon B. Hinckley nahimo nga Presidente sa Simbahan.

Katungdanan sa representante sa rehiyon gihunong. Pagpahibalo sa bag-o nga katungdanan sa pagkapangulo pagailhon isip Kadagkoan sa Erya.

“Ang Banay: Usa ka Pamahayag ngadto sa Kalibutan” gikan sa Unang Kapangulohan ug Konseho sa Napulog Duha ka mga Apostoles gimantala.

Mga Kadagkoan sa Erya pagaordinahan isip mga Kapitoan. Ikatulo, Ikaupat, ug Ikalima nga mga Korum sa Kapitoan gipahibalo.

Si Presidente Hinckley mipahibalo sa pagtukod og mas gagmay nga mga templo.

Mga ginsakopan sa Simbahan miabut og 10 ka milyon.

Si Presidente Hinckley mipahibalo sa tumong sa pag-angkon og 100 ka mga templo nga magamit sa tuig 2000.