Ang New York, Pennsylvania, ug Ohio nga Dapit sa TBA

Habagatang Bainbridge Si Joseph Smith Jr. ug Emma Hale naminyo dinhi sa 18 sa Enero 1827 (tan-awa sa JS—K 1:57).

Colesville Ang unang sanga sa Simbahan giorganisar sa panimalay ni Joseph Knight Sr., sa Lungsod sa Colesville, niadtong 1830.

Panimalay ni Joseph Smith Jr. sa Harmony Kadaghanan sa paghubad sa Basahon ni Mormon nahuman dinhi. Diha sa daplin sa Suba sa Susquehanna ang pagkapari napahiuli niadtong 1829 (tan-awa sa D&P 13; 128:20; JS—K 1:71–72).

Fayette Ang Tulo ka mga Saksi nakakita sa bulawan nga mga palid ug ni anghel Moroni (D&P 17). Ang paghubad sa Basahon ni Mormon nahuman dinhi sa Hunyo 1829. Ang Simbahan giorganisar dinhi sa 6 sa Abril 1830 (tan-awa sa D&P 20; 21).

Mendon Ang unang panimalay ni Brigham Young ug Heber C. Kimball.

Kirtland Mga misyonaryo kinsa gipadala ngadto sa mga Lamanite mihapit dinhi niadtong 1830 ug mibunyag kang Sidney Rigdon ug uban pa sa Kirtland nga dapit. Kini mao ang punoang buhatan sa Simbahan gikan sa 1831 hangtud sa 1838. Ang unang templo niini nga kapaigoan natukod sa Kirtland ug gipahinungod sa ika 27 sa Marso 1836 (tan-awa sa D&P 109).

Kanal sa Erie Ang tulo ka mga sanga sa Simbahan sa New York milalin agi sa Kanal sa Erie ug Lawa sa Erie ngadto sa Kirtland, Ohio, sa Abril ug Mayo 1831.

Hiram Sila si Joseph ug Emma mipuyo dinhi sukad sa Septyembre 1831 hangtud sa Septyembre 1832. Sila si Joseph ug Sidney Rigdon mitrabaho sa Hubad ni Joseph Smith sa Biblia (HJS). Mga pagpadayag nga nadawat dinhi: D&P 1, 65, 67, 68, 69, 71, 73, 74, 76, 77, 79, 80, 81, 99, 133.

Amherst Si Joseph Smith gipaluyohan isip Presidente sa Halangdong Pagkapari sa 25 sa Enero 1832 (tan-awa sa D&P 75).

Toronto Panimalay nila ni John Taylor, ikatulo nga Presidente sa Simbahan, ug Mary Fielding Smith, asawa ni Hyrum Smith.