12. Bilanggoan sa Liberty

Usa ka gamay nga bilanggoan nga nahimutang sa Liberty, Missouri. Si Joseph Smith ug uban nga lima ka mga kaigsoonan gibilanggo sulod niini nga 1.2 ka metro (upat ka pye) ang gibag-on nga mga bongbong gikan sa 1 sa Disyembre 1838 hangtud sa 6 sa Abril 1839. (Si Sidney Rigdon gibuhian sa katapusan sa Pebrero.) Gitanggong sa ilalum o atub nga bahin sa gambalay, sila natulog diha sa salug sa mabugnaw nga bato nga gitabonan og mga dagami uban sa gamay nga kahayag ug dili igo nga panalipod gikan sa kabugnaw sa tingtugnaw.

Mahinungdanon nga Hitabo: Ang Propeta Joseph, nangamuyo alang sa liboan ka mga Santos sa Ulahing mga Adlaw nga giabug gikan sa Missouri, nakadawat og tubag sa iyang pag-ampo, diin iyang gitala sa usa ka sulat ngadto sa gihinginlan nga mga Santos (D&P 121–123).