9. Templo sa Kirtland

Ang Templo sa Kirtland nahimutang sa Kirtland, Ohio.

Mahinungdanon nga mga Hitabo: Ang Templo sa Kirtland mao ang una nga templo nga natukod niini nga kapaigoan (D&P 88:119; 95). Niini nga templo, si Joseph Smith nakakita og usa ka panan-awon sa celestial nga gingharian (D&P 137). Kini gipahinungod niadtong 27 sa Marso 1836 (D&P 109). Niadtong 3 sa Abril 1836, ang Manluluwas mipakita ug midawat sa templo isip usa ka dapit diin siya mopadayag sa iyang pulong ngadto sa iyang mga katawhan (D&P 110:1–10). Human niini nga pagpakita, sila si Joseph Smith ug Oliver Cowdery nakadawat og mga pagduaw gikan nila ni Moises, Elias, ug Elijah, ang tanan kinsa naghatag kanila sa piho nga mga yawe sa pagkapari ug mahinungdanon nga kasayuran (D&P 110:11–16). Kini nga templo mialagad sa mga Santos sulod sa duha ka mga tuig sa dili pa sila kinahanglan nga molayas sa Kirtland tungod sa pagpanggukod.