Ang Missouri, Illinois, ug Iowa nga Dapit sa TBA

Independence Giila isip ang sentro nga dapit sa Zion (tan-awa sa D&P 57:3). Usa ka luna sa templo gipahinungod sa 3 sa Agosto 1831. Ang mga Santos giabug gikan dinhi sa 1833.

Suba sa Fishing Si Joseph Smith ug ang Kampo sa Zion mipanaw gikan sa Kirtland, Ohio, ngadto sa Missouri sa 1834 aron pagpahiuli sa mga Santos sa Lalawigan sa Jackson ngadto sa ilang yuta. Ang D&P 105 gipadayag diha sa daplin niini nga suba.

Far West Kini mao ang kinadak-ang kapanimuy-an sa mga Mormon sa Missouri. Usa ka luna alang sa templo gipahinungod niini nga dapit (tan-awa sa D&P 115). Sa 8 sa Hulyo 1838, ang Korum sa Napulog Duha ka mga Apostoles nakadawat og tawag gikan sa Ginoo aron pag-alagad sa mga misyon didto sa mga Isla sa Britanya (tan-awa sa D&P 118).

Adan-ondi-Ahman Ang Ginoo miila niini nga dapit sa ibabaw nga Missouri isip luna diin ang umaabut nga mahinungdanon nga pagpundok mahitabo sa panahon nga si Jesukristo moabut aron makigkita uban ni Adan ug sa iyang matarung nga mga kaliwatan (tan-awa sa D&P 78:15; 107:53–57; 116).

Bilanggoan sa Liberty Si Joseph Smith ug ang uban gibilanggo dinhi sa bakak nga mga sumbong sukad sa Disyembre 1838 hangtud sa Abril 1839. Taliwala sa masamok nga mga panahon alang sa Simbahan, si Joseph mitawag sa Ginoo alang sa paggiya ug nakadawat sa D&P 121–123.

Nauvoo Nahimutang sa Suba sa Mississippi, kini nga lugar mao ang pundokanan nga dapit alang sa mga Santos gikan sa 1839 ngadto sa 1846. Dinhi ang usa ka templo gitukod, ug ang mga ordinansa sama sa pagbunyag alang sa mga patay, ang pagtuga ug pagbugkos sa mga pamilya gisugdan. Dinhi ang Kapunongan sa Kahupayan gitukod niadtong 1842. Mga pagpadayag nga nadawat naglakip sa D&P 124–129.

Carthage Dinhi ang Propeta Joseph Smith ug ang iyang igsoong lalaki nga si Hyrum gimartir sa 27 sa Hunyo 1844 (tan-awa sa D&P 135).

Winter Quarters Ang mga punoang buhatan nga kapanimuy-an alang sa mga Santos (1846–48) paingon ngadto sa Walog sa Salt Lake. Ang Kampo sa Israel giorganisar alang sa panaw paingon sa kasadpan (tan-awa sa D&P 136).

Council Bluffs (Kanesville) Ang Unang Kapangulohan gipaluyohan dinhi sa ika 27 sa Disyembre 1847, uban ni Brigham Young isip Presidente.