Mga Mapa ug Indeks sa Dapit-mga Ngalan

Ang mosunod nga mga mapa makatabang kanimo nga makasabut og maayo sa nag-unang kasaysayan sa Ang Simbahan ni Jesukristo sa mga Santos sa Ulahing mga Adlaw ug sa mga kasulatan nga gipadayag pinaagi ni Propeta Joseph Smith ug sa iyang mga sumusunod. Pinaagi sa pagkahibalo sa hiyograpiya sa mga yuta nga gihisgutan diha sa mga kasulatan, ikaw labaw pa nga makasabut sa mga panghitabo diha sa kasulatan.

1. Amihanang Silangang Tinipong Bansa

2. Palmyra-Manchester, 1820–1831

3. Ang New York, Pennsylvania, ug Ohio nga Dapit sa TBA

4. Kirtland, Ohio, 1830–1838

5. Ang Missouri, Illinois, ug Iowa nga Dapit sa TBA

6. Ang Paingon sa Kasadpan nga Kalihokan sa Simbahan

7. Mapa sa Kalibutan

Ang alpabetikal nga indeks sa dapit-mga ngalan makatabang kanimo nga makakita sa usa ka partikular nga dapit diha sa mga mapa. Matag pagtala naglakip sa numero sa mapa nga gisundan sa han-ay sa kasayuran nga gilangkuban sa kombinasyon sa letra-numero. Sama pananglit, ang nahimutangan sa Fort Hall gihatag isip 6:B1; kana mao ang, mapa 6, kwadro B1. Imong makita ang piho nga mga kwadro diha sa matag mapa pinaagi sa pagdangup ngadto sa mga pahiangay sa ibabaw ug kilid niana nga mapa. Puli nga mga ngalan sa mga dapit gilista diha sa parentesis; sama pananglit, Council Bluffs (Kanesville).

Ang mosunod usa ka giya sa pagsabut sa nagkalainlain nga mga simbolo ug mga matang sa pagpatik nga gigamit diha sa mga mapa. Agi og dugang, ang tinagsa nga mga mapa mahimo nga maglakip sa mga giya uban sa mga pagpasabut sa dugang nga mga simbolo nga may kalabutan nianang partikular nga mapa.

●

Ang pula nga tuldok nagpaila sa usa ka dakbayan o lungsod. Ang usa ka linya mahimo usahay nga magtudlo gikan sa tuldok ngadto sa ngalan sa dakbayan o dapit.

Kadagatan sa Atlantiko

Kini nga matang sa pagpatik gigamit aron sa pagtimaan sa hiyograpikanhon nga mga dapit, sama sa mga dagkong kadagatan, mga dagat, mga lawa, mga suba, mga bukid, mga kamingawan, mga walog, mga desierto, ug mga isla.

Palmyra

Kini nga matang sa pagpatik gigamit alang sa tanang mga dakbayan ug mga lungsod.

New York

Kini nga matang sa pagpatik gigamit alang sa mas gagmay nga politikanhong mga pagkabahin, sama sa mga rehiyon, ug mga bansa ug mga teritoryo sa America.

Canada

Kini nga matang sa pagpatik gigamit alang sa mas dagko nga politikanhong mga pagkabahin, sama sa mga bansa, mga nasud, ug mga kontinente.