6. Balay nga Troso ni Peter Whitmer Sr.

Ang gitukod pag-usab nga balay nga troso ni Peter Whitmer Sr., gitukod diha sa dapit sa katukuran sa orihinal nga panimalay sa Fayette, New York.

Mahinungdanon nga mga Hitabo: Si Joseph Smith mihuman sa paghubad sa Basahon ni Mormon dinhi sa naghinapos sa Hunyo 1829. Sa mga kakahoyan duol niini nga panimalay, ang Tulo ka mga Saksi nakakita sa anghel Moroni ug sa bulawan nga mga palid. Ang ilang pagpamatuod karon giimprinta sa tanang mga kopya sa Basahon ni Mormon. Sa 6 sa Abril 1830, mga 60 ka mga tawo nagpundok diha sa panimalay ni Peter Whitmer aron pagsaksi sa pormal nga pagtukod sa Simbahan ni Jesukristo. Ang unang mga tigum ug mga komperensya sa bag-o nga Simbahan gihimo dinhi. Kawhaan sa mga pagpadayag nga gilangkob diha sa Doktrina ug mga Pakigsaad nadawat diha sa panimalay ni Peter Whitmer.