Mga Hulagway sa mga Dapit sa Kasaysayan sa Simbahan

Kini nga mga hulagway sa mahinungdanon nga mga dapit sa kasaysayan sa Simbahan naglarawan sa mga yuta diin ang una nga mga Santos sa Ulahing mga Adlaw naglakaw, diin ang moderno nga mga propeta nagpuyo ug nagtudlo, ug diin daghan ang mga hitabo sa kasulatan nahitabo. Aron pagtabang kanimo sa paggamit og labawng maayo sa mga hulagway diha sa imong pagtuon, ang matag hulagway giubanan pinaagi sa usa ka mubo nga hubit. Ang numero sa hubit ug ang ulohan mitukma uban sa hulagway nga adunay sama nga numero ug ulohan. Ang unang parapo nga nagsunod sa ulohan sa paghubit nagpasabut sa panahon, dapit, mga palibut sa hulagway, lakip ang mahinungdanon nga mga butang nga tan-awon ug sa kasagaran diin nga direksyon ang tighulagway nag-atubang. Mahinungdanon nga mga hitabo sa kasulatan gikan niana nga dapit gitala diha, uban sa mga pakisayran sa kasulatan aron ikaw masayud kon asa mobasa og dugang pa mahitungod niadtong mga hitabo.