13. Balay nga Mansyon sa Nauvoo
Si Joseph Smith Jr. ug ang iyang pamilya mibalhin ngadto sa Balay nga Mansyon sa Nauvoo sa Agosto 1843. Sa kaulahian usa ka ekstensyon ang gidugang ngadto sa silangan nga bahin sa punoan nga estraktura alang sa kinatibuk-an nga 22 ka mga lawak. Nagsugod sa Enero 1844, si Ebenezer Robinson midumala sa balay isip usa ka hotel, ug ang Propeta miangkon og 6 sa mga lawak alang sa iyang pamilya. Ang balay maingon og mialagad isip usa ka sentro sa sosyal sa katilingban sa Nauvoo. Mahinungdanon nga mga hataas og katungdanan giabiabi dinhi sa Propeta.
Mahinungdanon nga mga Hitabo: Sa 27 saHunyo 1844 ang Propeta Joseph ug ang iyang igsoong lalaki nga si Hyrum gipusil ug gipatay sa Carthage, Illinois, ug ang ilang mga lawas gidala ngadto niini nga balay aron hayaon sa dili pa ang paglubong. Sila gilubong sa usa ka gamay nga luna nga lubnganan sa pamilya tabok lamang sa Dakong Karsada, sa kasadpan sa karaang troso nga panimalay nga gipuy-an ni Joseph sa iyang unang pag-abut sa Nauvoo. Si Emma Smith mipuyo sa Balay nga Mansyon hangtud sa 1871. Dayon siya mibalhin ngadto sa Balay sa Nauvoo, diin siya namatay sa 1879.
13. Balay nga Mansyon sa Nauvoo Ang panimalay sa banay ni Propeta Joseph Smith sugod sa 1843. Sa unang mga adlaw sa Simbahan, kini mao ang sentro sa sosyal nga kinabuhi diha sa mga Santos.