11. Luna sa Templo sa Far West
Ang kapanimuy-an sa Far West, Missouri, nahimo nga pinuy-anan alang sa 3,000 ngadto sa 5,000 ka mga Santos kinsa nangita og kadangpan gikan sa panggukod didto sa mga Lalawigan sa Jackson ug Clay. Sa 31 sa Oktubre 1838 ang Propeta Joseph Smith ug uban nga mga pangulo sa Simbahan gidakop ug, human mahusay sa Richmond, gibilanggo sa Bilanggoan sa Liberty. Sa panahon sa tingtugnaw sa 1838–39, ang mga Santos sa Ulahing mga Adlaw giabug gikan sa Far West ug ubang mga dapit sa Missouri ug gipahimutang pag-usab sa Illinois.
Mahinungdanon nga mga Hitabo: Ang luna sa templo gipahinungod ug ang mga tukurang bato gipahimutang. Pito ka mga pagpadayag nga gimantala sa Doktrina ug mga Pakigsaad nadawat (mga seksyon 113–115; 117–120). Si Joseph F. Smith, ang ikaunom nga Presidente sa Simbahan natawo sa 13 sa Nobyembre 1838 sa Far West. Ang Far West mialagad og kadali isip mga punoang buhatan sa Simbahan ubos sa Propeta Joseph Smith.
11. Luna sa Templo sa Far West Sa 1838 ang Ginoo misugo sa mga Santos sa pagtukod og templo dinhi (tan-awa sa D&P 115:7–8). Ang panggukod sa mga manggugubot nakapugong kanila sa pagbuhat sa ingon.