10. Ang Walog sa Adan-ondi-Ahman
Magtan-aw paingon sa silangan tabok sa walog sa Adan-ondi-Ahman, usa ka mahilum, matahum nga walog nga nahimutang sa amihanang kasadpang Missouri duol sa katilingban sa Gallatin.
Mahinungdanon nga mga Hitabo: Tulo ka mga tuig sa wala pa siya mamatay, si Adan mitawag sa iyang matarung nga mga kaliwatan ngadto niini nga walog ug mitugyan ngadto kanila sa iyang katapusan nga panalangin (D&P 107:53–56). Sa 1838 ang Adan-ondi-Ahman mao ang nahimutangan sa kapanimuy-an sa mga 500 ug 1,000 ka mga Santos sa Ulahing mga Adlaw. Ang mga Santos mibiya niini nga kapanimuy-an sa diha nga sila gipapahawa gikan sa Missouri. Sa dili pa ang Ikaduhang Pag-anhi ni Kristo diha sa himaya, si Adan ug ang iyang matarung nga mga kaliwatan, diin naglakip sa mga Santos sa tanang mga kapaigoan, magpundok pag-usab niini nga walog aron pagsugat sa Manluluwas (Dan. 7:9–10, 13–14; D&P 27; 107:53–57; 116:1).
10. Ang Walog sa Adan-ondi-Ahman Dinhi si Adan ug ang iyang matarung nga mga kaliwatan nagtagbo (tan-awa sa D&P 107:53–57). Si Adan, ubang mga propeta, ug matinud-anon nga mga Santos gikan sa tanang mga katuigan mosugat sa Manluluwas dinhi sa dili pa ang Iyang Ikaduhang Pag-anhi.