7. Tindahan ni Newel K. Whitney ug mga Kauban

Kini nga tindahan nakahimo og dako nga papel diha sa kasaysayan sa Simbahan sa Kirtland. Sila si Joseph ug Emma Smith nakapuyo dinhi og kadali. Kini nahimo nga mga punoang buhatan sa Simbahan niadtong 1832. Daghan nga mahinungdanong mga pagpadayag ang nadawat dinhi. Ang Tulunghaan sa mga Propeta gihimo diha sa tindahan gikan sa 24 sa Enero 1833 hangtud sa pipila ka higayon sa Abril 1833.

Mahinungdanon nga mga Hitabo: Ang Propeta Joseph nakadawat sa pagpadayag sa Pulong sa Kaalam (D&P 89). Siya mihimo sa daghang mga trabaho sa paghubad sa Biblia dinhi.