1 Sa pagkatinuod sultihan ko kamo, nga kabubut-on ko kini nga ang akong sulugoon nga si Jared Carter molakaw pag-usab ngadto sa mga nasod sa silangan nga bahin, gikan sa usa ka dapit ngadto sa laing dapit, ug gikan sa usa ka siyudad ngadto sa laing siyudad, pinaagi sa gahom sa pag-orden diin siya gi-orden, magsangyaw og maayong mga balita sa dako nga kalipay, gani sa walay kataposang ebanghelyo.

2 Ug ipadala nako kaniya ang Maghuhupay, nga motudlo kaniya sa kamatuoran ug sa agianan kon asa siya moadto;

3 Ug kon magmatinud-anon siya, koronahan ko na usab siya og mga binugkos.

4 Mao nga, tugoti nga ang imong kasingkasing magmaya, akong sulugoong Jared Carter, ug ayaw kahadlok, miingon ang imong Ginoo, gani si Jesukristo. Amen.