Seksiyon 22
Pagpadayag nga gihatag pinaagi ni Joseph Smith ang Propeta, sa Manchester, New York, Abril 16, 1830. Kini nga pagpadayag gihatag ngadto sa Simbahan agi og sangpotanan sa uban kinsa nabunyagan na kaniadto nga nagtinguha sa pakighiusa sa Simbahan nga dili na bunyagan pag-usab.
1, Ang bunyag mao ang usa ka bag-o ug walay kataposan nga pakigsaad; 2–4, Ang bunyag nga may pagtugot gikinahanglan.
1 Tan-awa, sultihan ko kamo nga ang tanang karaan nga pakigsaad akong gimando nga wagtangon niining butanga; ug kini ang bag-o ug walay kataposan nga pakigsaad, gani kana nga gikan pa sa sinugdanan.
2 Mao nga, bisan og ang usa ka tawo bunyagan og usa ka gatos ka higayon kini dili makatabang kaniya, kay kamo dili makasulod sa higpit nga ganghaan pinaagi sa balaod ni Moises, ni pinaagi sa inyong mga buhat nga walay hinungdan.
3 Kay tungod sa inyong mga buhat nga walay hinungdan akong gimando nga kining kataposan nga pakigsaad ug kini nga simbahan pagatukoron ngari kanako, gani sama sa karaang mga adlaw.
4 Mao nga, sulod kamo sa ganghaan, sumala sa akong gisugo, ug ayaw tinguhaa ang pagtambag sa inyong Dios. Amen.