¶ 1 BEA nae toki tali e Sofaa mei Neama, o ne behe,

2 Ikai oku totonu ke talia ae gaahi lea lahi ni? bea e fakatonuhia‘i koe ae tagata faa lau?

3 E fakalogo‘i ae kakai e hoo gaahi loi? bea i hoo manuki, e ikai fakama koe e ha taha?

4 He kuo ke behe, Ko eku akonaki oku totonu be, bea oku ou maa i ho ao.

5 Kae taumaiā ke folofola mai ae Otua, o ne faai hono fofoga kiate koe;

6 Bea ne fakaha kiate koe ae gaahi mea lilo oe boto, he oku lahi hake aubito ia i he mea oku ha mai! Koia ke ke ilo, oku jii ae totogi oku eke e he Otua i he mea oku tāu mo hoo agahia.

7 He te ke ilo ae Otua i he faa eke? he‘e ke faa kumi ke ilo haohaoa ae Mafimafi?

8 Oku maoluga ia o hage koe lagi; koeha aau te ke fai? oku māulalo hifo i heli; te ke faa ilo aeha?

9 Ko hono fuofua oku loloa lahi i he mamani, bea lau lahi ia i he tahi.

10 Kabau e tuuji eia, be tabuni ke mau, be tanaki fakataha, e taofi ia ehai?

11 He oku ne ilo‘i ae kakai vale: oku he vakai foki ki he fai kovi; bea e ikai te ne tokaga‘i?

12 He oku fie boto ae tagata vale, ne ogo oku fanau‘i ae tagata o hage koe uhiki oe asi kai vao.

13 Kabau te ke teu ho loto, bea mafao atu ho nima kiate ia;

14 Kabau oku i ho nima ae agahala, jiaki ia ke mamao, bea oua naa nofo ae kovi i ho gaahi fale.

15 He koia te ke toki haga hake ai ho mata o tae hano ila; io, te ke tuu mau, o ikai manavahe:

16 He te ke fakagalo‘i hoo mamahi, o manatu‘i ia o hage koe gaahi vai kuo tafe atu:

17 Bea e ajinijini lahi hoo motua i he hoata malie oe aho; te ke ulo atu, te ke tatau moe bogibogi.

18 Bea te ke fiemalie koe, he oku ai ae amanaki lelei; io, te ke keli, o mālōlō fiemalie be.

19 Bea te ke tokoto foki, bea e ikai fakamanavahe‘i koe e ha taha; io, e kumi mea mei ate koe e he toko lahi.

20 Ka e vaivai ae mata oe agahala, bea e ikai te nau hao, bea koe ifi oe mānava ae nau amanaki.