¶ 1 KA koeni, oku manuki‘i au ekinautolu oku mui iate au, ka koe nau gaahi tamai anautolu neu fehia ke lau fakataha moe faga kuli o eku gaahi faga manu.

2 Io, e aoga fefe kiate au ae malohi a ho nau nima, ka kuo auha e nau motua lelei?

3 Koe mea i he majiva moe hoge naa nau i he fakabouli o hage koe bo; o feholaki ki he toafa kuo majiva mo jiaki.

4 Naa nau tuuji ae gaahi akau kona, bea keli aka ke nau kai.

5 Nae kabuji akinautolu mei he kakai, (bea naa nau kalaga ki ai o hage ki ha kaihaa;)

6 Ke nau nofo i he gaahi lilifa oe luo, i he gaahi ana oe fonua, moe gaahi maka.

7 Naa nau tagi mei he gaahi akau; bea nau fakataha i lalo i he gaahi akau talatala.

8 Koe fānau ae kau vale, koe hako oe kakai mea vale; nae kabuji akinautolu mei he fonua.

9 Ka koeni, kuou hoko au koe nau hivehivaaga, io, koe nau lea manukiaga au.

10 Oku nau fākalilia kiate au, bea nau hola mamao iate au, bea ikai te nau manavahe ke aanu ki hoku mata.

11 Koe mea i he ene vete eku afo, o tautea au, koia kuo nau tukuage ai foki ae noo i hoku ao.

12 Oku tutuu ae kau talavou i hoku toomatau; oku nau teke‘i hoku va‘e, bea oku nau fokotuu hake o agatuu kiate au ae gaahi hala o ho nau fakaauha.

13 Oku nau maumau‘i hoku hala, oku nau fiefia i he eku mamahi, oku ikai ha nau tokoni.

14 Naa nau feohofi mai o hage i ha botu falahi: bea i he maumau naa nau filifilihi akinautolu kiate au.

15 Kuo to kiate au ae gaahi ilifia: oku nau tuli hoku laumalie o hage koe matagi: bea oku mole atu eku lelei o hage koe ao.

16 Bea koeni, kuo liligi hoku laumalie iate au; kuo buke au e he gaahi aho oe mamahi.

17 Oku mahuhuhuhu a hoku gaahi hui i he bouli: bea oku ikai ke mālōlō jii hoku gaahi uoua.

18 Kuo fetogi hoku kofu e he malohi lahi: oku ne nonoo takatakai au o hage koe kia o hoku kofutua.

19 Kuo ne li au ki he belebela, bea kuou tatau moe efu moe efuefu.

20 Oku ou tagi kiate koe, ka oku ikai te ke ogo‘i au: oku ou tuu hake, ka oku ikai te ke tokaga‘i au.

21 Kuo ke liliu o taeofa kiate au: oku ke tuu kiate au aki ho nima malohi.

22 Oku ke o hake au ki he matagi; mo ke fakaheka au ki ai, bea oku ke veteki eku mea.

23 He oku ou ilo bau te ke omi au ki he mate, bea ki he fale kuo tuutuuni ki he kakai moui kotoabe.

24 Ka e ikai te ne mafao atu hono nima ki he faitoka, ne ogo oku nau tagi i he ene fakaauha.

25 Ikai naaku tegihia ia aia nae mamahi? Ikai nae mamahi hoku laumalie koeuhi koe majiva?

26 I he eku amanaki ki he lelei, nae hoko mai ae kovi: bea i he eku tatali ki he māma, ne hoko mai ae fakabouli.

27 Nae lili hoku fatu, o ikai toka: nae taofi au e he gaahi aho oe mamahi.

28 Naaku alu mamahi be i he tae ulo ae laa; neu tuu hake o tagi i he fakataha.

29 Koe tokoua au oe faga talakone, moe kaumea oe faga lulu.

30 Kuo uliuli hoku kili iate au, bea kuo velehia hoku gaahi hui i he afu.

31 Kuo liliu eku haabe koe tagi, bea ko eku mea ifi koe le‘o okinautolu oku tagi.