¶ 1 KA nae tali e Jobe, o ne behe,

2 Fakafanogo lelei ki he eku lea, bea ko hoo mou fakafiemalie eni.

3 Mou kataki, kau lea atu; bea hili eku lea, fai be hoo mou manuki.

4 Oiaue, he oku ou lāuga ki he tagata? bea ka ne koia, koeha nai e ikai mamahi ai hoku laumalie?

5 Tokaga mai, bea mou ofo, bea ai ho mou nima ki ho mou gutu.

6 Io, i he eku fakamanatu oku ou manavahe aubito, bea oku buke a hoku kakano e he tetetete.

7 Koeha oku moui ai ae agakovi, o hoko o motua, io, bea lahi i he malohi?

8 Kuo fakatuu mau ho nau hako fakataha mo kinautolu, bea moe nau fānau i ho nau ao.

9 Oku malu ho nau fale mei he manavahe, bea oku ikai iate kinautolu ae mea ta ae Otua.

10 Oku fakatau‘i e he e nau bulu tagata o touia tae hala; oku fanau e nau bulu fefine o tae to hono uhiki.

11 Oku nau tuku atu e nau fānau o hage koe faga sibi, bea oku mee hobohobo e nau fānau.

12 Oku nau too hake ae kihi‘i lali moe haabe, bea nau fiefia i he le‘o oe mea ifi.

13 Oku nau fakaoji ho nau gaahi aho i he fakafiemalie, bea fakafokifabe oku nau alu hifo ki he faitoka.

14 Koia oku nau behe ai ki he Otua, Alu iate kimautolu, he oku ikai te mau holi ke ilo ho gaahi hala.

15 Kohai ae Mafimafi, ke behe ke mau tauhi ia? bea koeha ae totogi te mau ma‘u, o kabau te mau lotu ki ai?

16 Vakai, oku ikai i ho nau nima e nau monuia: oku mamao iate au ae fakakaukau oe agahala.

17 Oku liuga fiha ae tamate‘i oe māma ae agahala? moe hoko e nau fakaauha kiate kinautolu? oku tufaki e he Otua ae gaahi mamahi i hono houhau.

18 Oku nau tatau moe tefito‘i kaho i he mata oe matagi, bea hage koe kafukafu oku ave e he afā.

19 Oku hili e he Otua a ene agahala ki he ene fānau: oku ne totogi kiate ia, bea te ne ilo ia.

20 E mamata e hono mata ki hono fakaauha, bea e inu ia i he houhau oe Mafimafi.

21 He koeha ene fiemalie i hono fale amui iate ia, oka tuuua malie ae lau o hono gaahi mahina?

22 E akonaki‘i e ha taha ae Otua ke ilo? he oku ne fakamāu eia akinautolu oku maoluga.

23 Oku mate ha toko taha lolotoga ene malohi lahi, mo ene nofo tofu be mo fiemalie.

24 Oku fonu hono jino i he gako, bea lolololo hono gaahi hui i he uho.

25 Bea oku mate ha toko taha i he mamahi lahi o hono laumalie, bea ikai aubito haa ne kai e fiemalie ai.

26 Te na tokoto tatau be i he efu, bea e uufi akinaua e he faga kelemutu.

27 Vakai, oku ou ilo hoo mou gaahi mahalo, moe gaahi filioi kovi oku mou mahalo aki kiate au.

28 He oku mou behe, Kofaa ae fale oe eiki? bea kofaa ae gaahi nofoaga oe kakai agahala?

29 Ikai kuo mou eke kiate kinautolu oku fealuaki i he hala? bea ikai oku mou ilo e nau gaahi tala,

30 Aia kuo tuku tologa ae agahala ki he aho oe fakaauha? e taki atu akinautolu ki he aho oe houhau.

31 Kohai te ne fakaha hono hala ki hono mata? bea e totogi ehai kiate ia ae mea kuo ne fai?

32 Ka e omi ia ki he faitoka, e nofo ma‘u ia i he fonualoto.

33 E melie kiate ia ae gaahi tuutaga kelekele oe luo, bea e fuji kiate ia ae kakai kotoabe, o hage koe taefaalaua ae kakai nae mua iate ia,

34 Bea ka kuo behe, bea koeha oku mou fakafiemalie taeaoga kiate au, kae vakai oku ai ae loi i hoo mou gaahi lea?