Vahe 13
1 Oku valoki‘i e Jobe a hono gaahi kaiga i he e nau tae fai totonu. 14 Oku ne fakaha ene falala ki he Otua. 20 Koe kole ke ne ilo ene hia aana, bea koeha ae finagalo oe Otua i he ene fakamamahi ia.
¶ 1 VAKAI, kuo mamata e hoku mata aeni kotoabe, kuo fanogo bea ilo ia e hoku teliga.
2 Koia oku mou ilo, oku ou ilo foki ia: oku ikai teu jii hifo au iate kimoutolu.
3 Amujiaage e au keu lea ki he Mafitiafi, bea oku ou fie alea moe Otua.
4 Ka koe kau fakatubu loi akimoutolu, koe kau faitoo taeaoga akimoutolu kotoabe.
5 Taumaiā ke mou matuaki logo bei bea ko hoo mou boto ia.
6 Fanogo eni ki he eku fakamatala, bea fakafanogo ki he gaahi lea a hoku lougutu.
7 He te mou leakovi ma ae Otua? bea lea fakakakā maana?
8 He te mou lava‘i ia? te mou fakakikihi ma ae Otua?
9 E lelei ke ne ekea akimoutolu? be te mou kākā‘i ia, o hage koe kākā‘i e he tagata e taha ae toko taha?
10 Koe mooni e valoki eia akimoutolu, o kabau te mou filifilimanako fufu be ae kakai.
11 E ikai fakamanavahe‘i akimoutolu e he ene afio? bea to kiate kimoutolu ene fakailifia?
12 Ko hoo mou gaahi lea fakamanatu oku tatau moe efuefu, koe fokotuu na o hoo mou gaahi lea, oku tatau moe gaahi eji umea.
13 Tuku hoo mou lau, bea tuku ai be au, koeuhi, keu lea, kae hoko kiate au aia e hoko.
14 Koeha oku ou utaki ai hoku kakano, bea ai eku moui ki hoku nima?
15 Ne ogo ene tamate‘i au, teu falala be kiate ia: ka teu fakamatala hoku gaahi hala i hono ao.
16 E fakamoui au foki eia: ka e ikai ha malualoi e ha‘u ki hono ao.
17 Fanogo lelei ki he eku lea, fanogo aki ho mou teliga a eku fakamatala.
18 Vakai eni, kuou teu eku fakamatala; oku ou ilo e fakatonuhia‘i au.
19 Kohai ia te ne talatalaaki‘i au? he ko eni, kabau teu fakalogo be, teu mate.
20 Koe mea e ua be, ke oua naa fai kiate au: koia e ikai ai teu fufu au iate koe.
21 Ke too atu ke mamao ho nima iate au: bea oua naaku bubutuu i hoo fakailifia.
22 Bea ke toki folofola mai, bea teu talia; bea teu lea atu, ka ke talia au.
23 Oku fiha eku gaahi hia mo eku agahala? fakailo mai kiate au eku talagataa mo eku agahala.
24 Koeha oku ke fufu ai ho fofoga, mo ke lau au ko ho fili?
25 He te ke baki‘i ae louakau kuo feaveaki? bea te ke tuli ekoe ae mohuku momoa?
26 He oku ke tohi ae gaahi mea fakamamahi kiate au, bea oku ke fakahoko kiate au ae gaahi hia o eku kei jii.
27 Oku ke ai hoku va‘e ki he akau fakamau vae, bea ke vakai bau hoku aluga kotoabe; oku ke ai ae fakailoga ki hoku muiva‘e.
28 Bea oku fakaaau ia o hage ha mea bobo, bea tatau moe kofu kuo kai e he ane.