¶ 1 BEA hili ia nae mafaa ae gutu o Jobe, o ne lauikovi‘i a hono aho.

2 Bea lea a Jobe, o ne behe,

3 Ke auha ae aho nae fanau‘i ai au, moe bo koia nae kalaga ai, Kuo fanau‘i ae tama tagata.

4 Ke fakabouli ae aho koia; ke oua naa tokaga ki ai ae Otua mei oluga, bea oua naa ulo ai ae māma.

5 Ke ma‘u ia e he fakabouli moe ata oe mate; ke heka mau ki ai ae ao matolu; ke fakailifia ia e he fakabouli oe aho.

6 Ke ohofi ae bo koia e he fakabouli matolu; ke oua naa fakahoko ia ki he gaahi aho oe ta‘u, be kau ia i he lau oe gaahi mahina.

7 Io, ke lala ae bo koia, ke oua naa i ai ha le‘o fakafiefia.

8 Ke kabe‘i ia ekinautolu oku laukovi‘i ae aho, akinautolu oku nau teu ke fai hake e nau lāuga.

9 Ke fakabouli ae gaahi fetuu o hono efiafi bouli; ke holi ia ki he māma, kae oua jii naa i ai; bea oua naa ilo eia ae maa ae aho:

10 Koeuhi nae ikai ke tabuni ae gaahi mataba oe manāva kiate au, be fufu ae mamahi mei hoku mata.

11 Koeha nae ikai ai teu mate mei he manāva? koeha nae ikai ai teu tukuage hoku laumalie i he eku ha‘u mei he fatu?

12 Koeha nae tali teu ai au e he foi tui? moe huhu koeuhi keu huhu ai?

13 He ka ne ikai, behe kuou tokoto taegau‘e en, bea logo be, beau mohe be: o mālōlō ai,

14 O fakataha moe gaahi tu‘i moe gaahi bule o mamani, naa nau laga moo nautolu ae gaahi botu nae lala;

15 Bea fakataha moe gaahi eiki nae ma‘u koula, naa nau fakabito ho nau gaahi fale aki ae siliva:

16 Bea teu ikai o hage koe tama to i he fufu; o hage koe fānau oku ikai mamata ki he māma.

17 Oku gata i ai ae fakamamahi e he kau agahala; bea mālōlō i ai ae kau ogojia.

18 Oku mālōlō fakataha ai ae kau bobula; oku ikai ke nau ogo‘i ai ae le‘o oe fakamalohi.

19 Oku i ai ae iki moe lalahi; bea tauataina ai ae tamaioeiki mei he ene eiki.

20 Koeha oku tuku ai ae māma kiate ia oku i he mamahi, moe moui kiate ia oku laumalie mamahi;

21 Aia oku holi ki he mate, ka oku ikai ia; bea lahi ene kumi ki ai i he ene kumi ki he gaahi koloa fufu;

22 Akinautolu oku nekeneka aubito, mo fiefia, oka nau ka ilo ae faitoka?

23  Koeha kuo foaki ai ae māma ki he tagata kuo fakabuli hono hala, bea kuo akilotoa ia e he Otua?

24 He oku muomua eku gaahi to‘e ki he eku kai, bea ko eku tagi kalaga oku liligi atu o hage koe vai.

25 He koe mea neu manavahe lahi ki ai kuo to ia kiate au, bea koia neu ilifia ai kuo hoko mai.

26 Nae ikai teu fiemalie, be teu mālōlō, be teu nofo noabe; ka nae hoko be ae mamahi.