¶ 1 KA nae fai ai be e Elihu ene lea, o ne behe,

2 Ke ke kataki jii be au, bea teu fakaha kiate koe aia oku toe iate au ke lea aki koeuhi koe Otua.

3 Teu omi a eku ilo mei he mamao, bea teu tuku ae maonioni ki hoku Tubuaga.

4 He koe mooni e ikai hala a eku gaahi lea: koia ia oku haohaoa i he ilo oku iate koe.

5 Vakai, oku mafimafi ae Otua, bea oku ikai te ne manuki‘i ha toko taha: oku mafimafi ia i he malohi moe boto.

6 Oku ikai te ne fakatologa ae moui ae agakovi: ka oku ne foaki ae totonu ki he majiva.

7 Oku ikai too eia hono fofoga mei he maonioni; ka oku nau i he gaahi tu‘i i he nofoaga fakaeieiki; io, oku ne fakatuu mau akinautolu ke taegata, bea kuo hakeaki‘i akinautolu.

8 Bea kabau kuo ha‘i aki akinautolu ae gaahi ukamea fakamau, bea fakamau aki ae gaahi afo oe mahaki;

9 Oku ne fakaha ai kiate kinautolu e nau gaahi gaue, moe nau gaahi talagataa aia kuo nau agatuu ai.

10 Oku ne fakaava ho nau teliga foki ki he akonaki, bea fekau ke nau tafoki mei he agahia.

11 Kabau te nau talagofua bea tauhi ia, te nau fakaoji ho nau gaahi aho i he monuia, mo ho nau gaahi ta‘u i he fiemalie.

12 Bea kabau e ikai te nau talagofua, te nau auha i he heleta, bea te nau mate tae ma‘u ae ilo.

13 Ka koe kau loto malualoi oku nau fokotuu ae houhau: oku ikai te nau tagi i he ene ha‘ijia akinautolu.

14 Oku nau mate i he kei talavou, bea oku i he kau tae maa ae nau moui.

15 Oku ne fakamoui ae mahaki i hono mahaki, bea ne fakaava ho nau teliga i he taomia.

16 Bea ka ne ke behe, kuo ne hiki foki koe mei he botu abiabi ki he botu ataatā, aia oku ikai i ai ha abiabi; bea koia e i ho keinagaaga e bito ia i he gako.

17 Ka kuo ke fakakakato ae fakamāu oe kau agakovi: koe fakamāu moe agatonu oku na buke koe.

18 Koeuhi oku ai ae houhau, ke ke vakai telia naa ne too atu koe i he ene ta: bea ka behe, e ikai faa fakahaofi koe e he huhui lahi.

19 Bea e manako ia ki hoo gaahi koloa? ikai i he koula, be koe mafai kotoabe oe malohi.

20 Oua naa ke holi ki he bo, aia kuo motuhi ai ae kakai mei ho nau fonua.

21 Ke ke vakai, ke oua naa ke tokaga ki he agahia: he kuo ke tomua fili ia i he mahaki.

22 Vakai, oku hakeaki‘i e he Otua i hono malohi: kohai oku akonaki o hage koia?

23 Kohai kuo ne tuutuuni kiate ia a hono hala? be kohai te ne faa behe, Kuo ke fai agahala?

24 Ke ke manatu ke fakaogolelei a ene gaue, aia oku mamata ki ai ae kakai.

25 E faa mamata ki ai ae tagata kotoabe, e faa vakai ki ai ae tagata i he kei mamao.

26 Vakai, oku lahi ae Otua, bea oku ikai te tau faa ilo‘i ia, bea koe lau o hono gaahi aho oku tae faa hakule.

27 He oku ne too hake ae gaahi moji‘i vai: oku nau hua‘i hifo ae uha o fakatatau ki he mao oia:

28 Aia oku to hifo e he gaahi ao, bea uha lahi ki he tagata.

29 Bea e faa ilo koa e ha taha hono folahi atu oe gaahi ao, be ki he logoaa o hono nofoaga?

30 Vakai, oku ne folahi atu a ene māma ki ai, bea oku ne ufiufi ae kiliji tahi.

31 He oku ne fakamāu ae kakai aki ae gaahi mea ni; oku ne foaki ae mea kai lahi aubito.

32 Oku ne ufiufi ae māma aki ae gaahi ao; bea ne fekau‘i ia i he ene hoko i he vahaa ke oua naa ulo.

33 Ko hono logoaa oku ne fakaha ia, koe houhau lahi ki he agahala.