¶ 1 KA nae leaage a Jobe, o ne behe,

2 Taumaiā kuo fakatatau totonu a eku mamahi, bea ke ai katoa eku mamahi ki he mea fakatatau!

3 He koeni, e mamafa lahi ia ki he oneone oe tahi: koia kuo fogia hifo ai eku gaahi lea.

4 He oku i loto iate au ae gaahi gahau oe Mafimafi, ko hono kona oia oku ne inumia hoku laumalie: oku tuu tali tau be kiate au ae gaahi fakailifia ae Otua.

5 He oku tagi ae asi kai vao oka ma‘u eia ae mohuku? be oku tagi ae bulu i he ene kai?

6 E faa kai ae mea ifoifonoa tae ha masima? be oku ai ha ifo i he niuniu oe foi manu?

7 Koe gaahi mea nae fehia hoku laumalie ke ala ki ai ko eku mea kai mamahi ia.

8 Taumaiā keu lava‘i eku kole; bea tuku mai e he Otua ae mea oku ou holi ki ai!

9 Io, ke lelei ki he Otua ke tamate‘i au; ke ne tukuage hono nima, o motuhi au!

10 Behe teu toki ma‘u ai ae fiemalie; io, teu tali malohi au ki he mamahi: ke oua naa ne mamae; he nae ikai teu fufu ae gaahi folofola ae Toko Taha Maonioni.

11 He koeha hoku malohi, koeuhi keu amanaki e au; bea koeha hoku gataaga, koeuhi keu fakatologa ai be eku moui?

12 He koe malohi oe gaahi maka a hoku malohi? be koe balasa a hoku kakano?

13 Ikai oku iate au haku tokoni? bea kuo kabuji aubito ae boto iate au?

14 Oka mamahi ha taha  oku gali ke ofa kiate ia a hono kaiga; ka oku ne liaki eia ae manavahe ki he Mafimafi.

15 Kuo fai kākā a hoku kaiga o hage ko ha vaitafe, bea hage koe oho oe vai oku nau mole atu;

16 He oku uliuli ia koeuhi koe aisi, aia oku lilo i ai ae uha hinehina:

17 Oka mamafana ia, oku nau mole: bea oka aafu, oku auha leva ia mei hono botu.

18 Koe gaahi hala o ho nau tafeaga kuo fakakehe; oku fakaaau o ikai, bea mole.

19 Nae kumi lahi e he kakai o Tima, koe kau fonoga o Siba naa nau tatali ki ai.

20 Naa nau bubutuu koeuhi naa nau amanaki; naa nau ha‘u ki ai, bea ma.

21 He koe mea noabe foki akimoutolu; oku mou mamata ki hoku li ki lalo, bea oku mou ilifia.

22 He neu behe, Tokoni mai? be, Foaki mai ha mea mei hoo mou koloa?

23 Be, Fakamoui au mei he nima oe fili? be, Huhui au mei he nima oe malohi?

24 Akonaki‘i au, bea teu logobe: bea mou fai keu ilo be kuou hē i he ha.

25 Hono ikai malohi ae gaahi lea totonu! ka oku valoki‘i aeha e hoo mou valoki?

26 He oku mou behe ke valoki‘i ae gaahi lea, moe gaahi tala o ha taha kuo tuutamaki, oku hage ha matagi?

27 Io, oku mou lemohekina ae tamai mate, bea mou keli ha luo ki ho mou kaiga.

28 Koia, mou fiemalie, o vakai kiate au; he oku ilogofua kiate kimoutolu o kabau oku ou kākā.

29 Oku ou kole, mou toe fakakaukau ke oua naa behe koe agahala; io, toe foki mai,  he oku: ai eku maonioni.

30 He oku ai ha agahala i hoku elelo? ikai e faa ilo e hoku gutu ae gaahi mea kovi?