¶ 1 UI eni, ka oku ai ha taha te ne talia koe; bea kohai i he kau maonioni te ke haga ki ai?

2 He oku tamate‘i e he houhau ae tagata vale, bea fakaauha e he tubutamaki ae fakavalevale.

3 Kuou mamata ki he vale kuo aka: kae fakafokifa neu tuku hono abi ki he malaia.

4 Oku mamao ene fānau moe hufaga, oku taomia akinautolu i he mataba, bea oku ikai ha fakahaofia.

5 Oku kai ho nau ta‘u e he fiekaia, o ne faao ia, io mei he loto akau talatala, bea oku folo hifo e he kaihaa e nau koloa.

6 Ne ogo oku ikai alu hake mei he efu ae agahala, bea oku ikai tubu mei he kelekele ae mamahi;

7 Ka kuo fanau‘i ae tagata ki he mamahi, o hage koe buna hake ae kalofiama.

8 Koia teu kumi ki he Otua, bea teu tuku eku gaue ki he Otua:

9 He koia ia oku ne faa fai ae gaahi mea lahi mo tae faa ilo; koe gaahi mea fakaofo mo taefaalaua:

10 Koia ia oku ne foaki ae uha ki he kelekele, bea ne fekau hifo ae gaahi vai ki he tokagagoue:

11 Koeuhi ke hiki ki oluga akinautolu oku māulalo; kae hakeaki‘i ke moui akinautolu oku tagi.

12 Oku ne motuhi ae fakakaukau oe fie boto, bea oku ikai faa fai ai e ho nau nima ha momoi mea.

13 Oku ne tauhele‘i ae boto i he e nau fieboto: bea koe fakakaukau oe aga bikobiko oku fakataeaoga‘i.

14 Oku nau fekitaki moe bouli i he kei aho, bea tautaufā i he hoata malie o hage koe bo.

15 Ka oku ne fakahaofia ae majiva mei he heleta o ho nau gutu, bea mei he nima oe malohi.

16 Oku tubu ai i he majiva ae amanaki lelei, bea koe agahala e tabuni hono gutu oona.

17 Vakai, oku monuia ae tagata oku tautea e he Otua: koia, oua naa ke taetokaga‘i ae tautea mei he Mafimafi:

18 He oku ne fakamamahi, bea oku ne nonoo: oku ne hoka‘i, kae fakamoui e hono nima oona.

19 E fakahaofi eia akoe i he mamahi e ono: io, i he mea e fitu e ikai ha kovi te ne lava‘i koe.

20 Te ne huhui koe mei he mate i he hoge: bea mei he malohi oe heleta i he tau.

21 E fufu koe mei he tautea oe elelo: bea ka ha‘u ae fakaauha e ikai te ke manavahe ai.

22 Te ke kata koe i he fakaauha moe hoge: bea e ikai te ke manavahe ki he faga manu fekai oe fonua.

23 He te mou kaumea moe gaahi maka oe fonua: bea e fiemalie mo koe ae faga manu oe fonua.

24 Bea te ke ilo e melino be ho nofoaga; te ke aahi ki ho abi, bea e ikai te ke agahala.

25 Bea te ke ilo foki e toko lahi ho hako, bea e tatau hoo fānau moe mohuku oe fonua.

26 Te ke hoko ki ho tanuaga i he motua lelei, o hage koe u koane i hono faahita‘u.

27 Vakai koe mea ni, kuo mau ekea, bea oku behe be ia; fanogo ki ai, bea ke ilo ia maau.